Čakajecca chakaton dla Novaj Biełarusi. Pra heta ŭ fejsbuku napisaŭ Jarasłaŭ Lichačeŭski.
«Siabry prahramisty, dyzajniery, markietołahi dy pradprymalniki! A taksama siabroŭki prahramistki, dyzajnierki, markietałahini dy pradrymalnicy, doktarki, daśledčycy, aktyvistki dy ŭsie-ŭsie-ŭsie!
U nas tut zusim chutka zapusk našaj darahoj Ličbavaj Biełarusi aka Novaja Biełaruś. Z hetaj nahody, my razam z našymi siabrami i partniorami z Imaguru Startup HUB ładzim chakaton dla Novaj Biełarusi. Kali ŭ vas jość idei dy enierhija rabić prajekty dla našaj budučaj ličbavaj dziaržavy, łaskava zaprašaju dałučycca da ŭdziełu!» — napisaŭ jon.
Što heta mohuć być za prajekty?
Usio, što moža prynieści karyść biełaruskamu hramadstvu. Usiamu całkam ci jaho peŭnaj častcy, jakoj by maleńkaj jana nie była.
Prajekty padtrymki dy raźvićcia biełaruskaj kultury, budaŭnictva supołak. Prajekty salidarnaści dy ŭzajemadapamohi. Adukacyja, zdaroŭje (fizičnaje i psichičnaje), hramadskija instytuty. Fintech instrumienty, padtrymka raźvićcia biznesu dy inicyjatyŭ. Usio, što vy možacie ŭjavić sabie ŭ krainie zdarovaha čałavieka.
Što karysnaha na chakatonie?
Vy možacie znajści karysnuju paradu dy mientarskuju padtrymku ad vielmi krutych admysłoŭcaŭ z roznych śfieraŭ i dośviedam pracy ŭ lepšych kampanijach Jeŭropy dy Śvietu. Mahčyma, my z Paŭłam Libieram taksama zmožam być vam karysnyja.
Heta šaniec źviarnuć uvahu na vaš prajekt patencyjnych karystalnikaŭ, partnioraŭ ci inviestaraŭ.
Hałoŭnaje — sustreć hetkich ža šalonych biełarusaŭ, jakich možna nabrać da siabie ŭ kamandu, dałučycca da ich kamandy ci znajści partnioraŭ siarod inšych kamand! A takich zarehistravałasia ŭžo amal 200 čałaviek!
Ale samaje hałoŭnaje — heta čaroŭny šturšok, za 48 hadzin z dapamohaj mahutnaj biełaruskaj tałaki narešcie zapilić pracoŭny pratatyp taho, pra što ty daŭno maryŭ!
Dzie heta budzie?
Imahuru Vilnia, Google for Startups Campus Warsaw dy anłajn.
Za kamientary i ŭdzieł u pratestach zatrymali brata palitviaźnia. Jon niadaŭna viarnuŭsia z Polščy2
Kamientary