Ukrainskija i rasijskija krynicy paviedamlajuć ab čarhovym abmienie vajennapałonnymi. Kiraŭnik Ofisa prezidenta Ukrainy Andrej Jarmak napisaŭ u svaim telehram-kanale, što byli vyzvalenyja dvanaccać ukrainskich pałonnych, a Ministerstva abarony Rasii — ab viartańni dzieviaci ŭziatych u pałon vajskoŭcaŭ.
Pa słovach Jermaka, siarod vyzvalenych ukraincaŭ — čaćviora bajcoŭ vajenna-marskich sił, dvoje nachvardziejcaŭ i pamiežnikaŭ, adzin čałaviek z terytaryjalnaj abarony i troje cyvilnych asob: žonka i jaje muž, jaki ličyŭsia źnikłym bieź viestak. «Siarod vajskoŭcaŭ — dvoje aficeraŭ, a taksama siamiora radavych i siaržantaŭ», — piša Jarmak.
Jak napisaŭ Jarmak, «dadomu jeduć voiny, jakija abaraniali, u pryvatnaści, Maryupal, ČAES i vostraŭ Źmiainy».
Rasijskaje ministerstva abarony tym časam paviedamiła, što ŭ vyniku abmienu było viernuta dzieviać vajskoŭcaŭ.
Na praciahu apošniaha tydnia Ukraina i Rasija praviali ŭžo niekalki abmienaŭ pałonnymi. Kiraŭnik Ofisa prezidenta Ukrainy paviedamiŭ, što za tydzień Kijevu ŭdałosia viarnuć užo 98 ukraincaŭ.
-
«Šuhanuć Bierlin dy inšych jeŭrapiejcaŭ». Pucinski «Arešnik» moža być tolki zrežysiravanym šou
-
U Rasii mužčynu z ranieńniami abiedźviuch noh znoŭ adpraŭlajuć na vajnu. Pa słovach blizkich, mužčyna drenna pierasoŭvajecca
-
U rasijskim pałonie zahinuŭ mer ukrainskaha horada. Jon faktyčna pamianiaŭ svajo žyćcio na žyćci rabočych
Anioły na stoli, załaty joršyk i dyzajn z vokładki časopisa. Jak vyhladajuć kvatery ŭ elitnych damach Minska ŠMAT FOTA1
Kamientary