Novaja praca Śpiensiera Tunika: 2,5 tysiačy aholenych na plažy Bondzi-bič u Aŭstralii
Amierykanski fatohraf Śpiensier Tunik pravioŭ čarhovuju masavuju fotasiesiju z udziełam aholenych dobraachvotnikaŭ. Hetym razam jon zrabiŭ zdymki na plažy Bondzi-bič u aŭstralijskim Sidnei, piša Bi-bi-si.
Tunik fatahrafavaŭ svaich madelaŭ u promniach uzychodu conca. Hety prajekt byŭ zaklikany nahadać žycharam Aŭstralii ab nieabchodnaści rehularna rabić pravierku na rak skury.
Pa danych Mižnarodnaj arhanizacyi World Cancer Research Fund, aŭstralijcy pakutujuć ad hetaha zachvorvańnia čaściej, čym žychary ŭsich inšych krain śvietu.
Pavodle prahnozaŭ, u 2022 hodzie na rak skury (miełanomu) zachvareła kala 17,7 tysiačy aŭstralijcaŭ, prykładna 1,3 tysiačy ad hetaj chvaroby pamierli. Fotasiesija arhanizavana sumiesna z dabračynnaj arhanizacyjaj Skin Check Champions.
«U nas jość mahčymaść pryciahnuć uvahu da prablemy raku skury, i dla mianie vialiki honar być tut, zajmacca svaim mastactvam i addać naležnaje čałaviečamu ciełu i jaho abaronie», — skazaŭ Tunik ahienctvu Reuters.
Adzin z udzielnikaŭ fotasiesii, 77-hadovy aŭstralijec Brus Fišer skazaŭ Frans Pres: «Usio majo žyćcio prajšło na soncy, i ŭ mianie na śpinie było vydalena niekalki złajakasnych miełanom. Mnie zdajecca, heta hodny prajekt, i mnie padabajecca raspranacca na Bondzi-Bič».
Dla taho, kab fatohraf zmoh realizavać svoj prajekt, u Aŭstralii było śpiecyjalna źmieniena zakanadaŭstva, jakoje zabaraniaje źjaŭlacca na plažy aholenym.
Śpiensier Tunik ładzić fłešmoby aholenych ludziej dla svaich fotainstalacyj užo kala 30 hadoŭ. Z 1992 hoda jon zahadzia abjaŭlaje ab miescy i časie nastupnaha prajekta i prapanuje ŭsim achvotnym uziać u im udzieł.
U pieršych jaho «aholenych instalacyjach» udzielničała nie bolš za paŭtary tysiačy čałaviek, ale pastupova žadajučych zrabić svajo cieła častkaj sučasnaha mastactva stanaviłasia ŭsio bolš. Tak, u Barsiełonie ŭ 2003 hodzie Tuniku paziravali ŭžo siem tysiač čałaviek, a ŭ 2007 hodzie ŭ Miechika — 18 tysiač.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary
zaraz vułkančyk typu takoha - nashaniva.com/303808 - trach-babach i... hałyšy-murašy zmytyja chvalaj u mora