Mandaryny, churma i pamidory. Što pačym na Kamaroŭcy ŭ apošnija dni vosieni
Pačaŭsia siezon churmy i mandarynaŭ — na Kamaroŭcy znojdziecca prapanova na luby kašalok. Karespandenty Minsk-navinaŭ adpravilisia na staličny rynak i pahladzieli, što lažyć na pryłaŭkach i pa jakich cenach.
Kali vy vielmi chočacie abudzić u siabie navahodni nastroj — napierad na rynak pa mandaryny. Vialikija, maleńkija, kisłyja i sałodkija — vybirajcie, jakija bolš padabajucca. Cana pytańnia — ad 4 rubloŭ (za hruzinskija). Zaadno, kali lubicie churmu, možna prychapić i jaje: na rynku hetaj sadaviny źjaŭlajecca ŭsio bolš. Pradaŭcy nie stamlajucca paŭtarać: biarycie zaraz, potym nie budzie. Znajści možna za 5 rubloŭ.
Čym jašče možna paciešyć siabie ŭ chałodny čas hoda? Skarbnica vitaminaŭ — śviežaja zielanina. Krop, piatruška vašyja za 1,2 rubla, ščaŭje za 1,5 rubla, rukała za 3. Pakupniki biaruć i čabor z razmarynam pa 6 rubloŭ, bazilik — pa 7, miatu — pa 4. Dapoŭnić sałaty možna zielaninaj špinatu i kinzy pa canie 2 rubli.
Vierniemsia da aranžavaj palitry: apielsiny lažać na pryłaŭkach kruhły hod. Ciapier kiłahram cytrusu abydziecca ŭ 4 rubli. Pobač — hrejpfrut i pamieła pa toj ža canie. A voś limony možna ŭziać za 3 rubli. Papieścić smakavyja receptary možna i inšaj ekzotykaj: ananas pa 15 rubloŭ za kiłahram, kivi — 3 rubli, hranat — ad 4,5. Manha znajšli za 25 rubloŭ.
Niahledziačy na śnieh, usio jašče možna nabyć duchmianuju dyniu. Pradaŭcy ŭstalavali ceńnik u 7 rubloŭ za kiłahram. Tut ža lažać i banany za 2,5 rubla. Kłasičny varyjant — jabłyki ad 1,5 rubla i hrušy ad 2. Kab atrymać asałodu ad vinahradu, daviadziecca addać 3,5 rubla.
A pa jakich cenach adpuskajuć harodninu? Ceny na pamidory pačynajucca ad 6,5 rubla, na ahurki — ad 4,5, bałharski pierac — taksama 4,5. Maładaja radyska i kalarovaja kapusta lažać na pryłaŭku pa 5 rubloŭ za kiłahram. Sałatu «Ajśbierh» možna kupić pa 80 kapiejek za 100 h. Jašče adzin važny pradukt u racyjonie charčavańnia zimoj — časnok. Pradajuć jaho za 7,5 rubla, takaja ž cana ŭ bakłažana i brokali.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary