Ekanomika11

«Datčyki viazuć z sakavika». Ramontniki papiaredžvajuć pra mahčymy deficyt kamplektujučych bytavoj techniki 

Praz sankcyi i sychod asobnych brendaŭ z rynkaŭ Biełarusi i Rasii prablemaj moža stać absłuhoŭvańnie i ramont bytavoj techniki. Jak raskazvajuć biełarusy, jany ŭžo sutykajucca z tym, što ramont zajmaje bolš času, čym raniej.

Chutčej i tańniej — zamović detali ŭ Polščy

Adna z čytačak raspaviała pra svoj dośvied:

«Vyjšła sa stroju mikrachvalovaja pieč Daewoo. Majstar patłumačyŭ, što treba mianiać płatu kiravańnia. Čakać novuju — paŭtara-dva miesiacy. Dakładnuju canu nie nazyvaŭ, tolki prybliznuju — niekalki socień rubloŭ. Akazałasia, što chutčej i tańniej — zamović u Polščy i pryvieźci z akazijaj u Minsk».

Apisanaja situacyja pakul nie maje maštabnaha charaktaru. Ale z-za sankcyj i sychodu bujnych vytvorcaŭ skaracilisia pastaŭki detalaŭ da chaładzilnikaŭ, posudamyjnych mašyn, pyłasosaŭ i inšaj bytavoj techniki.

«U pryviedzienym vypadku ź mikrachvaloŭkaj prablema zakranuła mikraelektroniku. Heta nie dziŭna. Prahramavalnyja moduli kiravańnia i inšyja płaty vielmi składana zamianić. Patrebny aryhinał, a z hetym ciapier vialikija ciažkaści», — patłumačyŭ adzin sa śpiecyjalistaŭ pa ramoncie bytavoj techniki.

Znajści detali dla techniki, jakaja vyrablajecca ŭ Rasii, nie prablema

Biehły manitorynh takich placovak, jak Kufar i Onliner, pakazvaje, što ludzi z dapamohaj abjaŭ stali čaściej samastojna šukać detali mikraelektroniki da bytavoj techniki, a taksama śpiecyjalistaŭ, jakija mahli b adramantavać, naprykład, zharełuju płatu.

«Na ciapierašni momant nijakaj katastrofy niama, ja b nie pierabolšvaŭ, — raspavioŭ u kamientary adzin z ekśpiertaŭ. — Naprykład, znajści pompu abo nahravalny elemient da pralnaj mašyny, jakija ŭ asnoŭnym vyrablajucca ŭ Rasii, možna biez prablem. U najhoršym vypadku — zamović z Kitaja».

Adnak, papiaredžvaje surazmoŭca, jość šerah simptomaŭ, jakija naściarožvajuć i śviedčać pra toje, što ŭ chutkim časie situacyja moža pahoršycca.

«Niemałaja častka asartymientu padpadaje pad tavary padvojnaha pryznačeńnia. Uvieźci ich prostym šlacham niemahčyma, a zapasy na składach nie biaskoncyja, — udakładniŭ ekśpiert. — Nakolki ja viedaju, heta zakranuła navat filtry i pyłazborniki da pyłasosaŭ, to-bok banalnyja raschodnyja materyjały. Sam sutyknuŭsia z prablemaj pošuku lampački ŭ duchavuju šafu. Zdajecca, drobiaź, ale ŭ kramach da niekatorych madelaŭ ich užo nie znajści. Pašancavała, što zamaŭlaŭ płafon i ŭ kamplekcie išła lampa. Pryjšłosia dastać jaje adtul».

Raniej pastaŭki byli naŭprost z Hiermanii, ciapier — praz Kazachstan

Majstry pa ramoncie pralnych mašyn, chaładzilnikaŭ i mikrachvalovak, ź jakimi źviazaŭsia žurnalist, paviedamili, što pakul asablivych prablem niama, ale abmovilisia pra padaražańnie niekatorych detalaŭ i pavieličeńnie terminaŭ ich pastavak.

Pa słovach adnaho z surazmoŭcaŭ, paśla pačatku vajny va Ukrainie mnohija imknulisia abnavić bytavuju techniku:

«Ale heta tyja, u kaho byli svabodnyja hrošy. Astatnija ž u chutkim časie tak ci inakš sutyknucca ź nieabchodnaściu štości mianiać ci ramantavać».

Uviesnu naziraŭsia paralelny praces: pastaŭščyki sprabavali zapoŭnić składy, razumiejučy, što heta adychodziačy ciahnik. Asnoŭnaj pryčynaj, zrazumieła, byŭ nie kłopat pra spažyŭcoŭ.

«Matyŭ całkam karyślivy — na zapčastkach zaŭsiody atrymlivałasia dobra zarablać».

Takaja zapaślivaść vyjšła ŭsim na ruku: pačatak deficytu na niekatory čas udałosia adkłaści. Adnak palicy na składach puściejuć, a novych pastupleńniaŭ pa niekatorych brendach praktyčna niama.

Śpiecyjalist taksama ŭdakładniŭ, što ciapier dastavić u Biełaruś detali peŭnych vytvorcaŭ vielmi składana.

Pa jaho słovach, raniej kaplektujučyja, naprykład, da bytavoj techniki Miele, išli napramuju z Hiermanii. Ciapier ža adna z kampanij sprabuje zavieści ich praz Kazachstan.

«Paru dziasiatkaŭ datčykaŭ, niekalki pompaŭ viazuć z sakavika!» — ździŭlajecca śpiecyjalist.

Ale kali premium-vytvorcy pastaŭlali detali nievialikimi partyjami i popyt na ich nie taki vialiki, to sychod bolš papularnych brendaŭ moža adbicca kudy macniej.

Tak, nie vyklučana ŭźniknieńnie prablem z kamplektujučymi da bytavoj techniki Bosch i Siemens.

«Niekatoryja ŭzajemazamiennyja detali roznych brendaŭ, naprykład, pompy dla posudamyjnych mašyn, pastaŭlalisia ŭ vialikich abjomach. Pakul ich chapaje. Ale kali madel bolš śpiecyfičnaja, to prablema moža źjavicca ŭžo ciapier», — papiaredžvajuć surazmoŭcy.

Jakija varyjanty?

Palapšeńnia situacyi ekśpierty nie čakajuć da tych časoŭ, pakul nie buduć admienienyja sankcyi. Jak vychodziać ź situacyi ciapier?

Indyvidualnyja pradprymalniki, jakija zajmajucca ramontam bytavoj techniki, paviedamili, što zamaŭlajuć zapčastki za najaŭnyja z Polščy. Dastaŭlajuć kamplektujučyja tyja, chto rehularna ździajśniaje pajezdki. Kožny ŭ łancužku atrymlivaje dolu. A ŭ vyniku raspłačvajecca za ŭsio zakazčyk.

U cełym trend nahadvaje viartańnie da 1990-ch, kali «čaŭnaki» vazili zapatrabavany tavar.

A jak ža impartazamiaščeńnie? Niadaŭna było abvieščana, što Rasija daść Minsku kredyt u $1,74 młrd na hetyja mety. Nibyta vyznačany pieršyja dvanaccać prajektaŭ.

Jak ličać našy surazmoŭcy, častkova imparzamiaščeńnie mahčymaje, ale kali havorka idzie pra nieskładanyja raschodnyja materyjały. U pryvatnaści, pyłazborniki dla pyłasosaŭ užo vyrablajuć niekatoryja biełaruskija kampanii.

«A voś ci možna arhanizavać masavuju vytvorčaść hałahienavych lampaŭ? A vysokatempieraturnych śviatłodyjodnych? Vuhalnych filtraŭ? Kali chtości źbiarecca rabić takuju vytvorčaść, to ŭźnikaje zakanamiernaje pytańnie ab rentabielnaści — ci buduć pradavacca detali da ŭmoŭnych posudamyjnych mašyn za varjackija hrošy?»

Ekśpiert taksama źviartaje ŭvahu, što jość krytyčna važnyja drobiazi, bieź jakich prybor nie moža funkcyjanavać: piatla dźviarej da chaładzilnika abo zamok dla pasudamyjki.

«Łamajecca rehularna, a dastać niemahčyma. Nu i chto budzie zajmacca naładžvańniem vytvorčaści takoha asartymientu i jakimi buduć prodažy?»

Jašče adnym vyjściem zdavalisia pastaŭki z Kitaja. Adnak, na dumku śpiecyjalistaŭ, heta taksama nie panaceja. Niejkija pazicyi zamiaścić možna, ale ź imi i ciapier prablem niama, a kali havorka pra ekskluziŭnyja detali da niekatorych madelaŭ, to pasuje tolki aryhinał.

Kažučy pra toje, kali prablema moža nabyć bolšy maštab, śpiecyjalisty prapanujuć pahladzieć, što adbudziecca ŭ pačatku nastupnaha hoda.

«Kolkaść ramontaŭ budzie pastupova nazapašvacca. Vyraście popyt na ramontnyja pasłuhi, patrymanyja detali. U toj ci inšaj stupieni z takoj prablemaj sutyknucca ŭładalniki bytavoj techniki bolšaści brendaŭ, asabliva tych, jakija syšli z rynku. Deficyt mikraelektroniki — heta tolki pačatak».

Kamientary1

  • Tolko načinajetsia
    24.11.2022
    A kak vy chotieli ??? Tolko tak i nikak inačie.
    Vas, vaš łukašienko, vtianuł v hienocid ukrainciev, vas on košmarit tierrorom i rieprieśsijami, razrušił hosudarstviennyje instituty, razrušił zakonnosť, leziet, vmiestie s putinym, v čužije ohorody v 21 viekie.
     Budietie pitaťsia i činiť vsio skriepami.

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»2

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»

Usie naviny →
Usie naviny

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

U jakich rajonach Biełarusi najnižejšyja zarobki?

Urahan udaryŭ pa vystavie MUS u centry Viciebska — viecier raskidaŭ namioty VIDEA4

«Kalektyŭny Zachad ciapier krepaść». Hihin davodzić, što «hłabalnaja bolšaść» adpraviła Zachad u izalacyju10

bolš čytanych navin
bolš łajkanych navin

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»2

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»

Hałoŭnaje
Usie naviny →