Śviet44

U startapa z rasijskimi karaniami paśla rezanansu ŭ sacsietkach adklikali pryz u pamiery 1 miljon dalaraŭ

Immigram — imihracyjnaja płatforma, zasnavanaja dvuma ŭładalnikami rasijskich pašpartoŭ — vyjhrała konkurs startapaŭ na kanfierencyi Slush u Chielsinki, ale była źniata sa spabornictvaŭ. Rašeńnie sudździaŭ vyklikała buru sprečak u suviazi z rasijskaj ahresijaj va Ukrainie. Pryz składaŭ 1 miljon dalaraŭ.

Fota: Linkedin Jaanika Merilo

Aproč etyčnych abvinavačańniaŭ u tym, što startap dapamahaje rasijanam emihravać u toj čas, kali suprać Rasii dziejničajuć sankcyi, anłajn-vydańnie TechCrunch taksama vyjaviła, što startap, padobna, maje suviazi z rasijskimi inviestarami.

Immigram zarehistravanaja jak jurydyčnaja asoba ŭ Vialikabrytanii. Kampanija była zapuščana ŭ 2019 hodzie dvuma zasnavalnikami z Rasii — adna ź ich, hienieralny dyrektar Anastasija Miralubava, žyvie ŭ Vialikabrytanii z 2016 hoda, a druhi, Michaił Šaronaŭ, znachodzicca ŭ Hruzii. Hałoŭnaja prapanova startapa — płatformavy padychod da składanaha pracesu navihacyi pa vizavych prahramach Global Talent u dziesiaci krainach, jakija šukajuć talenty ŭ halinie vysokich technałohij.

U krasaviku hetaha hoda prajekt sabraŭ 500 000 dalaraŭ u raŭndzie finansavańnia pad kiraŭnictvam Xploration Capital, dzie braŭ udzieł taksama Mikita Mikada, biełaruski hienieralny dyrektar PandaDoc.

Mikada, darečy, apublikavaŭ paviedamleńnie ŭ abaronu Immigram, u jakim havorycca: «Takija servisy, jak Immigram, mohuć dapamahčy paciarpieć krach dyktatury ŭ doŭhaterminovaj pierśpiektyvie. Technałohija maje vialikaje značeńnie ŭ sučasnym śviecie, u tym liku ŭ vajennych dziejańniach. My nie chočam, kab režym Pucina mieŭ dostup da inžynieraŭ štučnaha intelektu i navukoŭcaŭ, jakim Immigram dapamahaje pierajechać u Vialikabrytaniju. My chočam, kab jany ŭnieśli svoj układ u demakratyi».

Ale kali stała viadoma, što abodva suzasnavalniki pa-raniejšamu vałodajuć rasijskimi pašpartami, sacyjalnyja sietki (u pryvatnaści LinkedIn) zahavaryli pra rašeńnie prysudzić im pieramohu.

«U toj čas jak niekatoryja zasnavalniki startapaŭ zmahajucca i hinuć na pieradavoj za žyćcio svaich siemjaŭ i blizkich i svabodu svajoj krainy, inšyja imknucca dapamahčy rasijanam paźbiehnuć nastupstvaŭ ich dziejańniaŭ i biaździejnaści», — viałosia ŭ adnym z typovych kamientaroŭ u sacsietkach.

Typovy kamientar u sacsietkach

Paśla pieramohi ŭ konkursie Immigram zajaviła, što achviaruje 100000 dalaraŭ ukrainskim niaŭradavym arhanizacyjam, jakija dapamahajuć vajennym namahańniam, ale heta nie dapamahło.

Nastupstvy ŭsioj situacyi byli istotnymi: dopisy z krytykaj premii stali virusnymi, a zasnavalniki startapa (jakija zajavili, što nie padtrymlivajuć ahresiju Rasii) navat paviedamlali pra pahrozy im śmierciu. U vyniku Immigram abviaściła, što «admaŭlajecca» ad konkursu, a praź niekalki chvilin arhanizacyja Slush paviedamiła ŭ Twitter, što adklikaje ŭznaharodu.

Taksama byŭ vyjaŭleny inviestar, jaki padtrymlivaje ciesnyja suviazi z Rasijaj — heta Siarhiej Daškoŭ, kiraŭnik kampanii Joint Journey Ventures, kiprskaha inviestara Immigram, niadaŭna ŭkazaŭ svajo miescaznachodžańnie ŭ LinkedIn jak «Maskva». Paznačanaje miescaznachodžańnie źmianiłasia tolki paśla taho, jak žurnalisty źviarnulisia da jaho pa kamientar.

Kamientary4

  • Vital
    24.11.2022
    Durnota. Usie, što pracuje na asłableńnie patencyjału Rasiei - karysna i musić padtrymlivacca.
  • Vopros?
    24.11.2022
    Vooružiennyje siły, skažiem Polši, aktivno učastvovali vo vtoržienii v Irak, stoivšiem žiźni milliona hraždanskich.
    Jeśli vsie hraždanie RF niesut kollektivnuju otvietstviennosť za diejstvija obiezumievšiej vłasti, voźnikajet vopros: śniatsia li polakam miertvyje irakskije dieti i javlajetsia li polskij narod pałačom Iraka?
  • Vopros na vopros
    24.11.2022
    Vopros?, vy načali svoj vopros s otkroviennoj łži. Poetomu kakoj otviet vy chotitie usłyšať, takoj žie łživyj?

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →