Hramadstva99

Jak HUBAZiK stvaraje fejkavyja pierapiski z fejkavymi ŭdzielnikami płana «Pieramoha»

Aktyvizavalisia sproby dyskredytacyi «Bajpoła» — inicyjatyvy siłavikoŭ suprać łukašyzmu. Kanały, źviazanyja z MUS, pišuć, što navučylisia znachodzić udzielnikaŭ płana «Pieramoha», i publikujuć dokazy-skrynšoty. Adnak ža aryhinalny bot «Bajpoła» adrazu vydalaje pierapisku, i anijakich skrynšotaŭ dla videa zrabić niemahčyma. Maksimum, što možna davieści — heta što čałaviek niekali ŭklučaŭ bot, i toje nie fakt. Tady, jak vyjaviła «Naša Niva», manipulatary impravizujuć.

Ad samaha abviaščeńnia płana «Pieramoha» pačali stvaracca jaho fejkavyja kłony. Pryčym rabili heta jak siłaviki, tak i ludzi, jakija pradajuć asabistyja danyja — niekatoryja bazy fejkavych botaŭ paśla źjavilisia ŭ prodažy ŭ darknecie.

Prablema telehrama, siarod inšych, u tym, što niepadrychtavanamu čałavieku ciažka vieryfikavać kantakt. Adziny sapraŭdy ŭnikalny paramietr luboha akaŭnta — ID-numar — nie vidać u standartnych klijentach, a atrymać jaho niaprosta.

Apošnim časam łukašenkaŭcy znoŭku razyhryvajuć kartku z fejkavymi botami płana «Pieramoha». Spačatku jany stvaryli kłon kanała «Bajpoł» i rassyłali spam ź jaho z dapamohaj sietki botaŭ, a paśla zatrymlivali ludziej, jakija pavialisia.

Paśla hetaha była jašče adna rassyłka: hetym razam siłaviki prapanavali «vyjści z płana «Pieramoha» ad imia čarhovaha fejku «Bajpoła». I na hety bot paviałosia dastatkova šmat ludziej. My pisali pra toje, jak adroźnić sapraŭdnyja inicyjatyvy ad fejkavych.

Čytajcie taksama: Try prostyja parady, kab nie natrapić na fejkavyja inicyjatyvy ŭ Telegram

Na hetym usio nie skončyłasia, ludziej praciahnuli pravakavać i raskručvać praz fejkavyja kanały. Paśla niekatorych atrymałasia pieraciahnuć na inšyja fejkavyja kantakty — atrymałasia «śpiral fejkaŭ».

Da prykładu, u adnym sa skrynšotaŭ z kanała siłavikoŭ razhortvajecca historyja, dastojnaja Oskara. Pastanovačny skrynšot, dzie fejkavy kantakt «Bajpoła» kaža čałavieku, što rabić, kali jon napisaŭ pa fejkavych kantaktach, i daje jamu šerah kantaktaŭ (da prykładu, adras inicyjatyvy By_help).

Niuans u tym, što ŭ pierapiscy jość vidavočnyja niestykoŭki: da prykładu, pišuć, što ŭ «Bajchełpa» jość «kanał i čat», ale niama kantaktnych danych, choć nasamreč anijakaha čatu ŭ kanała niama, a kantakt jość (choć i nieaktyŭny). To-bok, jany prosta stvarajuć padrobnyja skrynšoty i, całkam imavierna, robiać heta z zatrymanymi ludźmi taksama.

Cełaja telehram-dramaturhija ŭ fejkavych pierapiskach

U inšych videa, dzie havorać pra zatrymańnie «ŭdzielnikaŭ płana «Pieramoha», jany zvyčajna saramliva zamazvajuć dyjałoh čałavieka z botam.

Reč u tym, što aryhinalny bot «Bajpoła» adrazu vydalaje pierapisku i anijakich skrynšotaŭ dla videa zrabić niemahčyma. Maksimum, što možna davieści — heta što čałaviek niekali ŭklučaŭ bot, i toje nie fakt (hajd pa tym, jak ačyścić botaŭ — tut). Tamu davodzicca impravizavać, jak na hetym skrynšocie.

Na skrynšocie — čałaviek, jakoha byccam by zatrymali za rehistracyju ŭ płanie «Pieramoha». Pahladzicie na zamazanyja paviedamleńni — niahledziačy na retuš, vidavočna, što na skrynšocie siłavikoŭ zusim inšy tekst i niama doŭhaj spasyłki. Akramia taho, u aryhinalnym bocie zusim niama paloŭ dla takich doŭhich adkazaŭ, jak na skrynšocie (zamazany tekst pravaruč), a pierapisku aryhinalny bot vydalaje adrazu paśla atrymańnia adkazaŭ. Takim čynam, čałaviek abo zarehistravaŭsia ŭ fejkavym bocie, abo heta za jaho zrabili siłaviki.

Čytajcie taksama: Zatrymali muža z žonkaj — siłaviki kažuć, što pa spravie «Čornaj knihi Biełarusi», ale jość niuans

Kali skryšoty vykładajuć, to ŭsio stanovicca jašče cikaviej — «kantakt», jaki źviazaŭsia z čałaviekam, nikomu ŭvohule nieviadomy i, chutčej za ŭsio, za im staić supracoŭnik śpiecsłužbaŭ.

Tut da čałavieka źviartajecca byccam by kantaktny akaŭnt Naperad Braty, jaki anijakim čynam nie źviazany z «Bajpołam» i pierapytvaje toje samaje, pra što ŭžo pytaŭsia ŭ bocie. Takim čynam sprabujuć vyviedać i raskryć pratestavyja jačejki.

Pryčym zrobleny hety skrynšot jašče ŭ červieni 2022 hoda, a zatrymany čałaviek tolki ŭ listapadzie — to-bok, škvał fejkavych płanaŭ «Pieramoha» nie pierastaje ŭźnikać z samaha pačatku stvareńnia inicyjatyvy.

Jak zaścierahčysia ad takoj pastki?

My pisali pra heta ŭ našym artykule, ale hałoŭnaja parada takaja: spraŭdžvajcie infarmacyju.

Kali vam piša niechta, chto pradstaŭlajecca ŭdzielnikam hramadskaj inicyjatyvy, pravaabarončaj arhanizacyi ci srodku masavaj infarmacyi, to vy zaŭždy možacie pravieryć heta ŭ samoj inicyjatyvie — i rabić heta varta.

Voś śpis sapraŭdnych kantaktaŭ najbolš miedyjnych inicyjatyvaŭ i ŚMI, pa jakich možna spraŭdzić taho, chto vam piša (kali my pra vas zabylisia — pišycie nam i my vas dadamo ŭ śpis):

«Naša Niva» — bastyjon biełaruščyny

PADTRYMAĆ

Čytajcie jašče: Jak nadziejna vyčyścić foty z vašych smartfonaŭ — padrabiazny hajd

Kamientary9

  • Aresa
    23.11.2022
    A čamu vy tak upiorlisia menavita ŭ telehramkanaly?
  • kotlin
    24.11.2022
    Pnr, koniečno tupyje rabotajut, prosto sriedi 9 młn jesť naivnyje ludi, kotoryje nie imiejut dažie elemientarnych znanij o biezopasnosti i anonimnosti v nietie.
  • Jami
    24.11.2022
    Pnr, nie rabotajut, a chierniu pišuć u kamientarach NN.

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Usie naviny →
Usie naviny

«Nie prydumaŭ, jak narezać». Biełarus pakazaŭ u tyktoku, jak zabivaje ćvik mahiloŭskaj kaŭbasoj4

Čatyry krainy NATA damovilisia sumiesna raspracoŭvać dalnabojnyja rakiety1

Jak pazbavicca plamaŭ ad soku sadaviny i jahad1

Hrodna nakryła mocnaja zaleva, zatapiła vulicy VIDEA2

U minskim dvary złavili ekzatyčnuju źmiaju

Padčas ataki na Ukrainu ŭ Biełaruś zalacieŭ rasijski dron-šachied3

Valeryj Załužny pačaŭ pracu pasłom Ukrainy ŭ Vialikabrytanii FOTAFAKT1

Navukoŭcy vyjavili, što ŭdziačnaść dapamahaje žyć daŭžej4

Z pačatku hoda 36 čałaviek źnikli ŭ lasach padčas zboru hryboŭ i jahad. Milicejski čynoŭnik viedaje, chto vinavaty2

bolš čytanych navin
bolš łajkanych navin

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Hałoŭnaje
Usie naviny →