Navuka i technałohii

Jaki miesiendžar samy biaśpiečny dla aŭdyja— i videavyklikaŭ 

Jaki miesiendžar źjaŭlajecca najbolš biaśpiečnym dla aŭdyja— i videavyklikaŭ i jak maksimalna zaścierahčy siabie pra razmovie pa telefonie? Adkazvaje «Bajpoł».

Viber

Pradstaŭnik ByPol Maćviej Kuprejčyk najhoršym miesiendžaram z punktu hledžańnia biaśpieki nazyvaje Viber. Tamu jon raić im nie karystacca.

Surazmoŭca kaža, što pry patrebie biełaruskija siłaviki z AAC mohuć atrymać dostup da aŭdyjavyklikaŭ, zroblenych praz Viber.

«Razdrukoŭki takich vyklikaŭ jašče ŭ 2019 hodzie mnie demanstravali supracoŭniki AAC, kali jany viali raspracoŭku peŭnych ludziej. U huku, vykładzienym na papieru, było paznačana, što vyklik byŭ zrobleny praz Viber z takoha numara na taki, i dalej išła razdrukoŭka razmovy pa tekście», — kaža Kuprejčyk.

Pa jahonych słovach, prynamsi supracoŭniki AAC mieli mahčymaści prasłuchoŭvać vykliki i adsočvać hieałakacyju praz Viber.

U rejtynhu rasijskaj kampanii Artezio Viber zajmaje piataje miesca ź siami samych biaśpiečnych miesiendžaraŭ. 

WhatsApp

Situacyja ź biaśpiekaj pry razmovie praz WhatsApp značna lepšaja, čym u Viber, ale biez chibaŭ nie abyšłosia. 

«Jość peŭnaja sistema, jakoj karystajucca supracoŭniki KDB i AAC, kab sačyć za vyklikami. Jana dazvalaje im bačyć sam fakt taho, što vyklik byŭ zrobleny, ale biez dadatkovaha śpiecyjalnaha softu jany nie zmohuć prasłuchać vyklik. U ich budzie tolki infarmacyja pra toje, što toj čałaviek razmaŭlaŭ ź inšym praz WhatsApp.

Heta adbyvajecca, kali patrebny im čałaviek znachodzicca ŭ raspracoŭcy i ŭ ich jość śpis jahonych kantaktaŭ. Taki śpis jany, naprykład, mahli atrymać praz toj ža Viber. Takim čynam jany buduć bačyć, što vy i vaš surazmoŭca z vašaj telefonnaj knihi adnačasova vychodzili na suviaź praz hety miesiendžar, i ŭžo dalej buduć pracavać, abapirajučysia na hetuju infarmacyju», — tłumačyć Kuprejčyk. 

Praŭda, u zhadanym vyšej rejtynhu WhatsApp zajmaje ažno siomaje miesca.

Telegram, Signal, FaceTime

Najbolš biaśpiečnymi miesiendžarami dla aŭdyja— i videavyklikaŭ ličacca Telegram, Signal i ajfonaŭski FaceTime. U rejtynhu Artezio na pieršaje miesca pa ŭzroŭni biaśpieki staviać mienavita Signal.

Pa słovach bajpołaŭca, jany nie majuć takich chibaŭ, jakija jość u Viber i WhatsApp, tamu atrymać źviestki pra źmiest vyklikaŭ biez dadatkovaha prahramnaha zabieśpiačeńnia niemahčyma. 

Što tyčycca škodnaha PZ, to jano ŭ pieršuju čarhu źjaŭlajecca na pryładzie mienavita paśla taho, jak vaš hadžet apyniecca ŭ rukach siłavikoŭ.

«Naprykład, kali čałavieka vyklikajuć na razmovu ŭ milicyju ci KDB, to jahony telefon pakidajuć u admysłovuju jačejku, dzie jon musić znachodzicca i jaho nibyta nichto nie budzie čapać. Ale pa fakcie, kali im treba, to voźmuć jaho i za hety čas, što vy budziecie razmaŭlać z supracoŭnikami, ustalujuć schavany soft, jaki dazvolić im u budučyni prasłuchoŭvać usie vašy vykliki, rabić skrynšoty paviedamleńniaŭ i fiksavać inšuju vašu dziejnaść», — kaža pradstaŭnik ByPol.

Paśla naviedvańnia milicyi, KDB, AAC ci inšaj ustanovy, dzie nieabchodna było pakinuć telefon u admysłovaj jačejcy, treba telefon skinuć da zavadskich naładaŭ i ŭstalavać usie prahramy nanoŭ. Taksama źmianić parol dostupu da akaŭntaŭ, jakija vykarystoŭvajucca ŭ jakaści asnoŭnych.

Bajpołaviec kaža, što ŭ adździele, dzie jon pracavaŭ padčas słužby ŭ Biełarusi, usie supracoŭniki karystalisia dla kamunikacyi FaceTime i iMiessage. 

Na karyść FaceTime taksama śviedčyć toj fakt, što zamiest numara telefona tam možna vykarystoŭvać email adras. Aproč taho, hety miesiendžar źjaŭlajecca najmienš patrabavalnym da jakaści internetu.

Ustalujcie VPN

Nie budzie lišnim, kali vy zarehistrujeciesia ŭ miesiendžary na zamiežny numar. Aproč hetaha, dla pavyšeńnia ŭzroŭniu biaśpieki varta karystacca VPN. Bo sam fakt vykliku (nie źmiest razmovy), kali čałaviek nie karystajecca VPN, časam možna vyličyć.

Siarod płatnych VPN bajpołaviec raić karystacca Surfshark VPN abo Nord VPN. Ź biaspłatnych — Proton VPN i Psiphon VPN.

Čytacie taksama: 

Jak pravilna pačyścić miesiendžary, kab nie trapić pad represii. Padrabiazny hajd 

Jak pačyścić telehram-boty, kab nie zastałosia nijakich śladoŭ VIDEA

Kamientary

Padaje kurs dalara — čamu tak?7

Padaje kurs dalara — čamu tak?

Usie naviny →
Usie naviny

Siońnia pačynajuć sudzić 24-hadovuju minčanku za ŭdzieł u akcyi pratestu

Zvarot Bajdena da nacyi nahadvaŭ pachavalny marš — Bild

U Biełarusi źmianili praviły abmienu valut. Try hałoŭnyja novaŭviadzieńni

Suprać mamy anarchista Franckieviča, asudžanaha na 16 hadoŭ kałonii, zaviali kryminalnuju spravu1

Stała viadoma, dzie buduć vučycca studenty zakrytych pryvatnych VNU1

Stryžak raskazaŭ, ci maje prezidenckija ambicyi6

«Dačka Mara płakała ad hora». U Maładziečnie družalubny łabrador niečakana dla ŭsich źjeŭ nutryju Kapibaru — usieahulnuju lubimicu10

Zołatavalutnyja reziervy Polščy pieravysili rekordnyja $200 miljardaŭ7

Chto taki Vadzim Krasikaŭ, u jakim tak zacikaŭlenaja Rasija?1

bolš čytanych navin
bolš łajkanych navin

Padaje kurs dalara — čamu tak?7

Padaje kurs dalara — čamu tak?

Hałoŭnaje
Usie naviny →