Hramadstva11

Za žest «viktoryja» i bieł-čyrvona-biełyja stužki na akcyi pratestu ŭ Minsku vynieśli prysud siamiejnaj pary

Sud Leninskaha rajona Minska 27 kastryčnika zaviaršyŭ razhlad kryminalnaj spravy ŭ dačynieńni da muža i žonki Vitala Maciuša i Natalli Hanapolskaj, abvinavačanych va ŭdziele ŭ žnivieńskaj akcyi pratestu ŭ Minsku ŭ 2020 hodzie (č. 1 art. 342 Kryminalnaha kodeksa), paviedamlaje «Viasna».

Spravu razhladała sudździa Julija Ščotkina.

Vital Maciuš da suda ŭtrymlivaŭsia ŭ SIZA №1 Minska, Natalla Hanapolskaja znachodziłasia na voli pad załoham.

Stalar Vital Maciuš i łahist Natalla Hanapolskaja, jakija pražyvajuć u Minskim rajonie, daviedaŭšysia ab płanujemaj akcyi pratestu ŭ Minsku padyšli da steły i dałučylisia da pratestoŭcaŭ.

Pa materyjałach abvinavačańnia, jany, demanstrujučy pratesny znak u vyhladzie žestu «viktoryja», a taksama stužki biełaha i čyrvonaha koleraŭ, ruchalisia pa terytoryi horada Minska ad steły ŭ bok praśpiekta Niezaležnaści, błakavali i zastupali šlach transpartnym srodkam, u vyniku čaho ich dziejańni paciahnuli parušeńnie pracy i spynieńnie haradskoha pasažyrskaha transpartu.

Vital Maciuš u sudovym pasiadžeńni vinu pryznaŭ całkam, skazaŭ, što ŭbačyli z žonkaj, jak hrupa hramadzian ź simvolikaj nakiroŭvałasia ŭ bok pr-ta Niezaležnaści. Jany taksama vyrašyli prajści ź ludźmi, pierasoŭvalisia pry hetym pa tratuary.

Dajšoŭšy da praśpiekta, ubačyli, što prajeznaja častka pierakrytaja supracoŭnikami milicyi. U niejki momant vyjšli z žonkaj na prajeznuju častku pablizu piešachodnaha pierachoda, kab sfatahrafavacca, pry hetym na zapiaści ŭ kožnaha ź ich miełasia bieł-čyrvona-biełaja stužka. Paśla jany nakiravalisia dadomu. Nie pamiataje, ci vykazvali supracoŭniki milicyi patrabavańni razyścisia i spynić supraćpraŭnuju dziejnaść. Łozunhi nie vykrykvaŭ, hučnych vopleskaŭ nie ździajśniaŭ. U zroblenym raskajvajecca.

Padobnyja pakazańni sudu dała i Natalla Hanapolskaja.

Sud pastanaviŭ pryznać muža i žonku vinavatymi i pryznačyŭ pakarańnie ŭ vyhladzie abmiežavańnia voli biez nakiravańnia va ŭstanovu adkrytaha typu na termin try hady kožnamu.

Vitala Maciuša vyzvalili ŭ zale suda pad padpisku ab niavyjeździe.

Kamientary1

  • Piecia
    19.11.2022
    U žniuni treba było brać uładu, jany ŭžo chavalisia pa norach, ale prezidentka čamusci ŭ samy adkazny momant zjechała, začytaŭšy papierku.

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Hałoŭnaje
Usie naviny →