Usiaho patrochu11

Narkahandlary prydumali, jak dastaŭlać narkotyki pa ŭsim śviecie praz Amazon. Vy nie pavierycie, pad vyhladam čaho

Kampanija supracoŭničaje sa śpiecsłužbami, kab razabracca ŭ tym, chto staić za vialikaj arhanizacyjaj, jakaja praz słužbu dastaŭki kampanii pastaŭlaje mietamfietamin, piša Forbes.

Fota: AR

Pra rasśledavańnie stała viadoma z ordara na vobšuk pasyłki, jakaja znachodzicca ŭ centry Amazon Fulfillment Center u San-Dyjeha. U joj znajšli amfietamin. Ale na pasyłcy značyłasia, što heta… skrynka z «dekaratyŭnymi kamianiami».

Kab zrazumieć, nakolki padobnyja krystaličny amfietamin i dekaratyŭnyja kamiani, i čamu palicyi i słužbie dastaŭki niaprosta ich adroźnić — pahladzicie na vyjavu. Vy b zdoleli adroźnić?

Na fota źleva — dekaratyŭnyja kamiani, a sprava — amfietamin. 

Pa słovach śledčych, Amazon i Biuro rasśledavańniaŭ nacyjanalnaj biaśpieki (HSI) vyjavili jak minimum piać akaŭntaŭ pastaŭščykoŭ, jakija vykarystoŭvajuć mižnarodnyja słužby dastaŭki technałahičnaha hihanta dla pieravozki narkotykaŭ pa ŭsim śviecie. Pavodle źviestak HSI, narkahandlary raspaŭsiudžvajuć praz Amazon «kiłahramovyja partyi narkotykaŭ, pryznačanyja dla mižnarodnaha prodažu».

Palicyja kanfiskavała dźvie pasyłki padazronych pradaŭcoŭ, jakija źmiaščajuć «bujnyja partyi kantralavanych rečyvaŭ». Adna ź ich była pierachoplenaja 28 kastryčnika mytnaj i pamiežnaj słužbami ŭ štacie Kientuki, pierš čym jana zmahła dabracca da miesca pryznačeńnia — u Aŭstraliju. U joj źmiaščałasia bolš za 5 kiłahramaŭ mietamfietaminu. Praz try dni ahienty Amazon i HSI ŭ Mičyhanie dahledzieli pasyłku, na jakoj było napisana, što ŭ joj znachodzicca ŭžyvany šyfierny kamień dla cacačnaj čyhunki i sadovych harškoŭ. U joj akazałasia amal 6 kiłahramaŭ mietamfietaminu.

8 listapada palicejskaha sabaku-syščyka pa mianušcy Blu vyklikali dla pravierki pasyłki adnaho z padazronych akaŭntaŭ. U joj, jak śćviardžałasia, byli dekaratyŭnyja kamiani dla pasadki sukulentnych raślin. Ale Blu, navučany vyznačać pachi mietamfietaminu, kakainu i hierainu, zamarudziŭ dychańnie i prykłaŭ nos da pasyłki — sabaka zrazumieŭ, što ŭ joj znachodzicca zabaronienaje rečyva. Ordar na vobšuk byŭ vydadzieny mienavita na hetu pasyłku, bo palicyja čakaje dazvołu na jaje adkryćcio i praviadzieńnie łabaratornych testaŭ, kab vyznačyć, ci jość u joj mietamfietamin abo inšyja narkotyki.

Heta nie pieršy taki vypadak. U 2020 hodzie klijentka z Kalifornii atrymała ŭ pasyłcy Amazon apioidy, u tym liku aksikadon i marfin. U minułym hodzie ŭ Indyi palicyja pryciahvała kiraŭnikoŭ Amazon da rasśledavańnia situacyi, kali sajt vykarystoŭvaŭsia dla kantrabandy tony marychuany, jakuju sprabavali vydać za suchoje liście stevii, charčovaj dabaŭki z sałodkim smakam.

Čytajcie jašče:

Prezident Kałumbii zaklikaŭ lehalizavać kakain va ŭsim śviecie

Mikrapłastyk — adna z hałoŭnych pahroz zdaroŭju ŭ XXI stahodździ. Ale navukoŭcy znajšli rašeńnie

Mocnaja soniečnaja bura adnojčy źniščyć internet. I my da hetaha nie hatovyja

Kamientary1

  • žyllo šlubnaje
    20.11.2022
    Ciapieraka stała zrazumieła čamu Biezas samy bahaty ŭ śviecie :)))))

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?6

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?6

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →