Nieruchomaść

Kulturnyja susiedzi i dyvan na ścianie. Kolki kaštujuć i jak vyhladajuć samyja tannyja kvatery ŭ stalicy?

Mikrakvatery, varyjanty z ramontam i biez. «Naša Niva» pahladzieła, jakija adnapakajoŭki ŭ Minsku možna kupić niadoraha.

Kvatera biez prava prapiski

Kali nie brać da ŭvahi kvatery, jakija pradajucca ŭ starych draŭlanych damach, to vynikaje, što samaja tannaja kvatera ŭ Minsku vystaŭlenaja na prodaž za 32 900 dalaraŭ. Stolki prosiać za adnapakajoŭku ahulnaj płoščaj 30,7 m². Jana mieścicca na pieršym paviersie 10-paviarchovika 1986 hoda pabudovy pa adrasie Akademika Krasina, 29.

Fota: skrynšot z sajta kufar.by

U kvatery śviežy ramont, jana pradajecca razam z technikaj i meblaj. Ale bieź niuansaŭ tut nie abyšłosia. Ź jurydyčnaha punktu hledžańnia heta pamiaškańnie kvateraj nie źjaŭlajecca. Tamu žyć u joj, jak u zvyčajnaj kvatery, možna, a prapisacca — nie.

Stary ramont

Usiaho na sto dalaraŭ daražej pradajecca adnapakajoŭka na vulicy Puchavickaj. Za 33 000 dalaraŭ prapanujuć kvateru biez ramontu ŭ piacipaviarchovym domie 1965 hoda. Adrazu zasialicca ŭ hetuju kvateru nie atrymajecca, a voś prapisacca — možna.

Fota: skrynšot z sajta kufar.by

Jak dakładna vyhladaje kvatera, nieviadoma, bo pradaviec dadaŭ da abjavy tolki zdymki dakumientaŭ. U apisańni paznačana, što ramont stary.

Dom paśla kapramontu

U 33 900 dalaraŭ aceniena davoli prastornaja adnapakajoŭka ŭ Sokale. Ahulnaja płošča kvatery 34,1 m². Mieścicca jana na trecim paviersie piacipaviarchovaha panelnaha doma 1986 hoda pabudovy.

Fota: skrynšot z sajta kufar.by

U 2017 hodzie dom pieražyŭ kapitalny ramont. A sama kvatera — nie. Apisvajučy pieravahi kvatery, haspadary robiać akcent na blizkaść da MKAD-2 i Nacyjanalnaha aeraporta. Taksama źviartajuć uvahu na najaŭnaść lesu vakoł doma i blizkaść da Piatrovickaha vadaschovišča. 

Fota: skrynšot z sajta kufar.by

«Usia infrastruktura hetaha mikrarajona kala doma», — havorycca ŭ apisańni.

Cana źnižanaja na 2000 dalaraŭ

Na tysiaču daražej pradajecca jašče adna kvatera ŭ Sokale, jaki farmalna adnosicca da terytoryi Minska. Za kvateru ahulnaj płoščaj 21,5 m² prosiać 34 900 dalaraŭ. Žyłaja płošča adnapakajoŭki — 11,2 m², jość łodžyja. Kvatera raźmieščanaja na trecim paviersie piacipaviarchovaha cahlanaha doma 1975 hoda pabudovy. 

U kvatery davoli sučasny ramont, sam dom taksama paśla niadaŭniaha kapitalnaha ramontu. Jak vynikaje ź infarmacyi ŭ abjavie, hetaja kvatera pradajecca ŭžo daloka nie pieršy dzień.

Fota: skrynšot z sajta kufar.by

Raniej hetuju kvateru pa ŭsioj bačnaści aceńvali ŭ 36 900 dalaraŭ.

«Kulturnyja spakojnyja susiedzi»

Pa canie 35 000 dalaraŭ pradajuć adnapakajoŭku na Masiukoŭščynie. Dakładny adras: vulica Čyhładze, 2. Płošča kvatery ŭsiaho 21,7 m². Kvatera mieścicca na druhim paviersie piacipaviarchovika 1971 hoda pabudovy, jaki ŭ 2017 pieražyŭ kapramont. 

Fota: skrynšot z sajta kufar.by

Haspadary apisvajuć kvateru, jak całkam hatovuju dla kamfortnaha pražyvańnia. Aproč standartnych pieravah u vyhladzie raźvitoj infrastruktury, u apisańni adznačyli, što pobač žyvuć kulturnyja i spakojnyja susiedzi. Aŭtaŭładalnikam abiacajuć, što ŭ dvary zaŭždy znojdziecca miesca dla mašyny. 

«Vialiki ŭtulny zialony dvor»

Za 36 tysiač dalaraŭ pradajuć kvateru na Arłoŭskaj, 19. Interjery ŭ chruščoŭcy zachavalisia jašče z časoŭ kiravańnia Mikity Siarhiejeviča. Ahulnaja płošča — 31 m², žyłaja — 19,26 m².

Fota: skrynšot z sajta kufar.by

U apisańni kvatery siarod inšaha haspadary taksama robiać akcent na spakojnych susiedziach. «Pobač z domam jość usio dla vašaha kamfortnaha pražyvańnia: kramy, paliklinika, škoła i dziciačy sadok, parki i mnohaje inšaje. Akuratny padjezd, spakojnyja susiedzi. Vialiki ŭtulny zialony dvor», — havorycca ŭ apisańni da abjekta.

Kvatera z dyvanom na ścianie

Jašče adna kvatera za 36 000 dalaraŭ pradajecca ŭ Čyžoŭcy — na Čyrvonasłabadskoj, 15 korpus 2. Adnapakajoŭka mieścicca na pieršym paviersie 9-paviarchovika 1977 hoda pabudovy. 

Fota: skrynšot z sajta kufar.by

Ahulnaja płošča kvatery — 34,92 m². 

«Vysoki pieršy pavierch. Čysty i akuratny padjezd, dahledžany dom, vydatnyja susiedzi. Pryhožy, zialony rajon. Pobač Čyžoŭka-Arena, vadaschovišča i park 50-hodździa Kastryčnika, ekałahičnaja ściežka «Čyžoŭka», — havorycca ŭ apisańni da abjekta. 

Fota: skrynšot z sajta kufar.by

Taksama ŭ apisańni paznačana, što kvatera padrychtavanaja da nastupnaha ramontu. Uvachodnyja dźviery zamienieny. 

Čytajcie taksama:

Pa jakich cenach pradajuć kvatery ŭ staličnych novabudoŭlach? Voś dzie samyja tannyja varyjanty

Što adbyvajecca z cenami na rynku arendy žylla

Kamientary

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →