Zdaroŭje

Ź jakim fruktam treba być aściarožnym, kali prymaješ leki. Heta realna moža być pytańniem žyćcia

Heta adkryćcio, jak mnohija inšyja, adbyłosia dziakujučy łancužku vypadkovaściaŭ i naziralnaści. Čałaviek, jaki zrabiŭ «adno z samych značnych adkryćciaŭ u farmakałohii», — kanadziec Devid Biejli. Kali vy ci vašy blizkija pjacie jakija-niebudź leki na rehularnaj asnovie, źviarnicie na heta ŭvahu.

Doktar Kamaroŭski na svaim kanale raskazvaje ab unikalnaj asablivaści hrejpfruta i hrejpfrutavaha soku, pra jakuju vy mahli nie viedać. 

Jak adbyłosia adkryćcio

Farmaceŭt Devid Biejli pravodziŭ ekśpierymienty, jak upłyvaje ałkahol na efiektyŭnaść preparataŭ dla lačeńnia pavyšanaha arteryjalnaha cisku. Pierad im stajała składanaja zadača: treba było dać paddoślednym ałkahol u nievialikaj kolkaści, ale kab jany nie zaŭvažyli jaho smaku. I jon prydumaŭ razbaŭlać ałkahol sokam hrejpfruta.

U vyniku vyśvietliłasia, što ałkahol praktyčna nijak nie ŭpłyvaŭ na efiektyŭnaść preparataŭ dla lačeńnia arteryjalnaha cisku. Adnak paśla ŭžyvańnia soku hrejpfruta kancentracyja preparataŭ u kryvi pavialičvałasia ŭ piać razoŭ.

Naziralnaść Devida Biejli pasłužyła šturškom da vielizarnaj kolkaści ekśpierymientaŭ, jakija stavili svajoj zadačaj vyznačyć, jakim čynam i za košt čaho hrejpfrut i hrejpfrutavy sok upłyvajuć na mietabalizm lakarstvaŭ. U vyniku navukoŭcy razabralisia.

Unikalnaja ŭłaścivaść hrejpfruta

U arhaniźmie jość takoje rečyva, jakoje nazyvajecca cytachrom P450. Jano aktyŭna ŭdzielničaje ŭ mietabaliźmie (rasščapleńni) nie mienš čym 50 pracentaŭ lakarstvaŭ. I akazałasia, što hrejpfrut, hrejpfrutavy sok, rečyvy, što ŭ im źmiaščajucca, strymlivaje dziejańnie cytachromu. Jon nie moža narmalna rasščaplać leki. 

Kali vyznačajuć dozu preparatu dla čałavieka, to majuć na ŭvazie, što preparat, jaki trapiŭ u arhanizm, budzie peŭnymi fiermientami rasščaplacca. A hrejpfrutavy sok strymlivaje hetyja fiermienty, nie daje im pracavać.

Takim čynam, preparat nie rasščaplajecca, jaho kancentracyja ŭ kryvi pavyšajecca, i ŭźnikaje ŭ niekatorych vypadkach niebiaśpiečnaja dla žyćcia pieradaziroŭka preparatu.

Ale heta adzin varyjant efiektu hrejpfruta. Druhi varyjant možna rastłumačyć na prykładzie takoha preparata, jak kadein. Kadein — heta narkotyk, traplajučy ŭ arhanizm, rasščaplajecca cytachromam i pieratvarajecca ŭ marfin. Heta značyć kadein — heta tak zvanaje pralakarstva, arhanizm jaho rasščaplaje i atrymlivajecca marfin, jaki daje svoj efiekt. Kali my prymiem kadein i zapjom jaho hrejpfrutam, to efiektu nie budzie, tamu što cytachrom nie daść kadeinu rasščapicca da marfinu.

Kali vy prymajecie jakija-niebudź surjoznyja preparaty pastajanna, naprykład, supraćarytmičnyja, preparaty, jakija ŭpłyvajuć na arteryjalny cisk, to vy pavinny być vielmi akuratnyja z užyvańniem hrejpfruta. Bolš za toje, vy zaŭsiody, prymajučy luboje surjoznaje lakarstva, pavinny paraicca z doktaram ci ŭvažliva pračytać instrukcyju i atrymać adkaz na pytańnie: ci možna hety preparat užyvać razam z hrejpfrutam.

Isnuje vialikaja kolkaść najmieńniaŭ lakarstvaŭ, ź jakimi nielha ŭžyvać hrejpfrutavy sok. Mietabalizm hrejpfrutavaha soku taki, što najbolš niebiaśpiečny jaho pryjom razam ź lakarstvami abo za 4 hadziny da pryjomu.

Ale ŭpłyŭ hrejpfruta na cytachrom paśla ŭžyvańnia adnaho siaredniaha frukta doŭžycca kala 72 hadzin. Troje sutak paśla spažyvańnia hrejpfruta.

Važnaja praktyčnaja parada

Apošni čas praktyčna zaŭsiody da novych lekaŭ u instrukcyi ŭkazvajecca, ci možna jaho prymać z hrejpfrutavym sokam. U dačynieńni da raniejšych preparataŭ takija ŭkazańni jość nie zaŭsiody.

Ale možna znajści padkazku ŭ instrukcyi. Reč u tym, što šerah lekavych preparataŭ padobna ŭpłyvaje na cytachrom P450, heta značyć, jany taksama tarmoziać jaho aktyŭnaść. Da ich adnosiacca, naprykład, antybijotyk erytramicyn i supraćhrybkovyja preparaty itrakanazoł i kietakanazoł.

Kali ŭ instrukcyi da preparata napisana, što lakarstvy niesumiaščalnyja ź itrakanazołam, kietakanazołam abo erytramicynam, to z maksimalnaj stupieńniu imaviernaści hetyja leki nielha sumiaščać i z hrejpfrutavym sokam.

Čytajcie taksama:

Kali vy zmožacie prajści hety 10-siekundny test, jość šaniec, što vy pieražyviacie svaich adnahodkaŭ

Jak nie asłabnuć u siezon VRVI? Adkazvaje doktar Kamaroŭski

Kali lepš čyścić zuby — da śniadanku ci paśla? Voś što kaža navuka 

Kamientary

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady

Usie naviny →
Usie naviny

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?26

Charys apiaredžvaje Trampa: 44% suprać 42% — pieršaje apytańnie paśla źniaćcia Bajdena27

Eks-rasijanka pavinna nieści ściah Kipra na adkryćci Alimpijady. Ale ŭ jaje znajšli OnlyFans, i pačaŭsia skandał16

U Minsku źjaviłasia vulica «Čierviekova» — na adnym z damoŭ paviesili tablički z pamyłkaj FOTAFAKT8

U Kijeŭskim univiersitecie adnoviać vyvučeńnie biełaruskaj movy12

MZS Polščy abviarhaje infarmacyju ab zabaronie na ŭjezd dla biełaruskich aŭtamabilaŭ — Viačorka10

U Minsku skardziacca na zatrymku vydačy pašpartoŭ. U čym pryčyna?7

«Na pieršym dopycie ja raskazaŭ usio, što viedaŭ». Stryžak pra toje, jak u 16 hadoŭ padstaviŭ aktyvistku10

Čamu tak šmat maładych chvareje na rak?5

bolš čytanych navin
bolš łajkanych navin

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady

Hałoŭnaje
Usie naviny →