Amierykanski kamandujučy nie zmoh datelefanavacca da kiraŭnika rasijskaha hienštaba
Staršynia Abjadnanaha kamiteta načalnikaŭ štaboŭ, hienierał armii ZŠA Mark Mili sprabavaŭ pahavaryć sa svaim rasijskim kaleham, kiraŭnikom hienštaba Uzbrojenych sił Rasii Valeryjem Hierasimavym, ale jamu heta tak i nie ŭdałosia, piša Bi-bi-si.
Jak raspavioŭ Mili na pres-kanfierencyi ŭ Pientahonie ŭ sieradu, jon chacieŭ abmierkavać z Hierasimavym incydent z padzieńniem rakiety na ŭschodzie Polščy, u vyniku jakoha zahinuli dva čałavieki.
Pa słovach hienierała, na praciahu aŭtorka jon nieadnarazova stelefanoŭvaŭsia z kalehami va Ukrainie i Polščy, u pryvatnaści z kiraŭnikom hienštaba USU Valeryjem Załužnym, a taksama z kiraŭnikami uzbrojenych sił inšych jeŭrapiejskich krain.
«Maje supracoŭniki sprabavali złučyć mianie z hienierałam Hierasimavym, ale biespaśpiachova», — panarakaŭ Mili.
Naziralniki źviartajuć uvahu, što ŭ apošnija tydni Valeryj Hierasimaŭ amal całkam źnik z rasijskaj miedyjnaj prastory, što źviazvajuć ź niezadavolenaściu ŭ Kramli tym, jak raźvivajucca padziei va Ukrainie, vinu za jakija tam uskładajuć na vajskovaje kiraŭnictva.
Chto pavinien być prezidentam Biełarusi ŭ pierachodny pieryjad? Razvažajuć viadomyja biełarusy23
Kamientary