Kachańnie i seks55

«Alaksiej viedaje, čaho choča, i prosta biare». Žonka Arastoviča raspaviała, jak jany paznajomilisia i što jaje ŭ im razdražniaje

Anastasija Arastovič — žonka samaj miedyjnaj asoby z Ofisa prezidenta Ukrainy — Alaksieja Arastoviča. Jana redka daje intervju i kaža, što joj ciažka dajecca publičnaść. Ale paśla doŭhich pieramoŭ jana pahutaryła ź jutub-kanałam «Olickaja». Što jana raspaviała?

Fota: anastasiia_arestovich / Instagram

Anastasija — treciaja žonka ŭkrainskaha «kraša» Alaksieja Arastoviča. Jana viedaje, što jon padabajecca žančynam, ale kaža, što ŭ ich siamji nichto nie daje nahody dla reŭnaści, sužencam chapaje ich samich adno adnamu.

Anastasija na 12 hadoŭ maładziejšaja za Alaksieja, u jakoha heta treci šlub. Žančyna naradziłasia ŭ 1987 hodzie ŭ Kijevie, atrymała stupień bakałaŭra ŭ śfiery ekanomiki i mahistra — pa kiravańni prajektami.

«U mianie byŭ dośvied u budaŭničym kansałtynhu, nieruchomaści, rekłamnym biznesie i navat IT, ale ja ŭsiudy tak ci inakš zajmałasia prajektnaj dziejnaściu, kiravańniem abo administracyjaj», — skazała jana.

Fota: anastasiia_arestovich / Instagram

Z Arastovičam Anastasija paznajomiłasia, pryjšoŭšy na zaniatki ŭ jaho aŭtarskuju škołu pa psichałohii.

Arastovič vyłučyŭ jaje adrazu, paśla zaniatkaŭ padbieh, skazaŭ, kab jana zašpiliłasia, bo choładna, i prapanavaŭ schadzić u kaviarniu. Tam jon naŭprost skazaŭ, što choča, kab u ich zdaryŭsia raman.

A praz dva tydni prapanavaŭ vyjści za jaho zamuž.

«Praz dva tydni ŭ padjeździe majho doma Alaksiej staŭ na kalena i zrabiŭ prapanovu. Alaksiej viedaje, čaho choča, i prosta biare. Ja adrazu zakachałasia i skazała «tak».

«Płanaŭ vyjści zamuž dakładna nie było. I navat płanaŭ na surjoznyja adnosiny nie było, tamu što maje papiarednija adnosiny tolki skončylisia. Kali my sustrelisia, usio kardynalna źmianiłasia. Užo ź pieršaj našaj sustrečy było jasna, što heta ŭsio surjozna», — raspaviadaje Anastasija.

Arastovič paźniej joj raskazvaŭ, što jašče ŭ dziacinstvie jamu pryvidziłasia takaja dziaŭčyna, jak jana, i tamu jon adrazu paznaŭ jaje.

U pary jość syn, a ad dvuch papiarednich šlubaŭ u Alaksieja jość dźvie dački. Anastasija padtrymlivaje dobryja adnosiny z byłymi žonkami Alaksieja.

Anastasija z synam. Fota: anastasiia_arestovich / Instagram

Žančyna kaža, što ŭ adroźnieńnie ad mnohich ukraincaŭ, jaje ŭ Alaksiei ničoha nie razdražniaje. Spačatku napružvała jaho lohkaść («Alaksiej vielmi lohka mianiaje kirunak») i bieskłapotnaść («jon moh lažać na kanapie i čytać pasiarod pracoŭnaha dnia»), ale potym jana pryniała heta.

Žančyna kaža, što nie ličyć svajho muža narcysam, niahledziačy na toje, što heta stała ledź nie miemam, jaki Arastovič sam padtrymlivaje.

«Heta prajava zdarovaj samaacenki. Ja nie adčuvaju, što jon narcys u adnosinach».

Jašče kali Anastasija sustrakałasia z Alaksiejem, jon skazaŭ, što budzie prezidentam. Jana kaža, što nie dumała, jakoj jana mahła b być pieršaj łedzi. «Treba hladzieć pa abstavinach. Nie dumaju, što Alena Zialenskaja mierkavała, što adnojčy stanie žonkaj prezidenta».

U Anastasii zapytali, kali skončycca vajna. Jana adkazała, što viedaje nie bolš za toje, što čuje ŭ prahramie Marka Fiejhina. «Ale ja spadziajusia, što da nastupnaha leta», — skazała jana.

Kamientary5

  • ....zato krasivaja.
    12.11.2022
    Aby čto. Nie smohła zabyťsia odna istorija s diekoltovymi votkami, na smienu jej prišła druhaja))))
  • Irene
    12.11.2022
    Jakaja pryhožaja žančyna! Jany vielmi pryhožaja para.
  • Tiest
    26.12.2022
    ....zato krasivaja., kiekiekiekiekie 

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?7

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →