Kultura11

Jak šukali sapraŭdny koler kaścioła Śviatoha Jazepa, restaŭracyja jakoha vyklikała sprečki? 

Pierafarbavańnie kaścioła Śviatoha Jazepa ŭ centry Minska sa zvykłaha biełaha koleru ŭ piasočny vyklikała dyskusiju. Navukovy kiraŭnik prajekta restaŭracyi Raman Zabieła z centra «Restabilis» patłumačyŭ u intervju telehram-kanału «Spadčyna», čamu fasad kaścioła źmianiŭ koler.

Kaścioł Śviatoha Jazepa. Fota: spadczyna / Telegram

Raman Zabieła kaža, što takoje rašeńnie było pryniataje pa vynikach daśledavańniaŭ, u pieršuju čarhu, fizika-chimičnych.

«Heta nie naša fantazija, a navukova abhruntavanaje adnaŭleńnie histaryčnaha kałarytu fasada», — davodzić jon.

Pa jaho słovach, fizika-chimičnyja daśledavańni nie zaŭsiody pravodziacca padčas biahučaha ramontu. Restaŭracyja była ŭzhodniena ź Minkultury.

«Praŭda, my z kalehami zaŭsiody sprabujem maksimalna efiektyŭna vykarystać kožny naš padychod da pomnikaŭ. Kali padčas praviadzieńnia rabot u nas źjaŭlajecca dastatkova infarmacyi, kab adnavić histaryčny kałaryt fasadaŭ ci inšuju stračanuju vartaść abjekta ŭ miežach vydzielenych resursaŭ, to my heta sprabujem zrabić. U jakaści prykładu možna pryhadać kompleks budynkaŭ pa vulicy Kamunistyčnaj, 3, 5, 7, dzie padčas ramontu była rasčyščanaja kieramičnaja plitka na fasadzie i viernutaje pieršapačatkovaje koleravaje rašeńnie», — zaŭvažaje Raman Zabieła.

«Kali raspracoŭvałasia prahrama rabot pa Biernardzinskim kaściole, to była ŭličana śpiecyfika abjekta i praduhledžana mahčymaść najaŭnaści na fasadzie rośpisaŭ ci palichromij, — praciahvaje jon. — Rośpisaŭ vyjaŭlena nie było. Na žal, azdableńnie fasada amal nie zachavałasia. Pry kožnym nastupnym ramoncie zmyvalisia ci sčyščalisia papiarednija afarboŭki».

Raman Zabieła adznačaje, što padčas ahladu fasada byli vyjaŭleny miescy, dzie zastałasia pieršapačatkovaja afarboŭka, a taksama bahata napłastavańniaŭ nastupnych ramontaŭ.

Vyfarboŭki na fasadzie dla padboru koleru. Fota: «Restabilis», spadczyna / Telegram

«Hetyja słai byli ŭ drennym stanie, i nieviadoma, ci nie byli b jany całkam stračanyja padčas hetaha ci nastupnaha ramontu, pakul sprava dojdzie da paŭnavartasnaj restaŭracyi», — davodzić Raman Zabieła.

Tamu było pryniata rašeńnie zrabić daśledavańni ŭłasnymi resursami prajektnaha centra. U struktury jaho jakraz jość fizika-chimičnaja łabaratoryja. Z fasada było adabrana i vyvučana bolš za 50 prob. Pa ich vynikach i byŭ abrany koler.

Papiaročny śpił, strełkaj abaznačana aŭtentyčnaja terakotavaja afarboŭka. Fota: «Restabilis», spadczyna / Telegram

Raniej byŭ adrestaŭravany i pafarbavany manastyrski kompleks pry kaściole. Ci nie varta było farbavać kaścioł u tyja ž adcieńni?

«My prapracoŭvali varyjant vykarystańnia taho samaha adcieńnia, što i na klaštarnym korpusie, — tłumačyć Raman Zabieła. — Ale heta b zapatrabavała padhonki ŭsich čatyroch koleraŭ da abjekta, vyniki daśledavańnia jakoha my pravieryć zaraz nie možam. Tym bolš na siońnia klaštarny korpus užo vyharały i častkova pierafarbavany.

Razam kaścioł i klaštar ciapier buduć hladziecca ansamblem. Niuansy asnoŭnaha koleru nie pieraškodziać hetamu».

Jaki koler pasuje kaściołu Śviatoha Jazepa — bieły ci žoŭty? Estetyčnaja sprečka z-za pierafarboŭki śviatyni

Kamientary1

  • dočka Maksima Dizajniera
    12.11.2022
    "Tamu było pryniata rašeńnie zrabić daśledavańni ŭłasnymi resursami prajektnaha centra. U struktury jaho jakraz jość fizika-chimičnaja łabaratoryja. Z fasada było adabrana i vyvučana bolš za 50 prob. Pa ich vynikach i byŭ abrany koler."

    zrobicie mnie piarścionak z hetaha "Raman Zabieła adznačaje, što padčas ahladu fasada byli vyjaŭleny miescy, dzie zastałasia pieršapačatkovaja afarboŭka, a taksama bahata napłastavańniaŭ nastupnych ramontaŭ"?

    pa prykładzie voś hetaha - bigpicture.ru/udivitelnoe-pod-nogami-ili-chto-takoe-detrojtskij-agat/

    heta ž taki kaštoŭny kamień) nazaviem jaho Raman)

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie9

Marharyta Laŭčuk vyjšła zamuž i čakaje dzicia30

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli8

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →