Sud pa «spravie AHSB»: prakuror pierapisvaje abvinavačvańnie Dźmitryju Sasnoŭskamu
Minski abłasny sud praciahvaje razhlad «spravy Atradaŭ hramadzianskaj samaabarony Biełarusi», pa jakoj prachodziać adrazu piać čałaviek — Dźmitryj Sasnoŭski, Alaksiej Hłotaŭ, Natalla Maćviejeva, Vadzim Hulevič, Kirył Ašurak. Ahułam ich sudziać pa dziesiaci artykułach Kryminalnaha kodeksa, u tym liku za teraryzm.
Im inkryminujuć try epizody — sproba padryvu vuzła suviazi Vajskova-marskoha fłotu Rasii ŭ Vilejcy, zamach na prapahandysta Ryhora Azaronka i sproba źniščyć lesanarychtoŭčuju techniku ŭ lashasach. Spravu razhladaje sumnaviadomy sudździa Siarhiej Jepichaŭ, nahadvaje «Viasna».
Siońnia musili adbycca sprečki bakoŭ, ale raptoŭna ŭ zakrytym režymie dapytali inžyniera vajskovaj čaści ŭ Vilejcy i abviaścili pierapynak, kab prakuror padrychtavaŭ novaje abvinavačvańnie adzinamu fihurantu, jaki nie pryznaŭ vinu pa spravie, — Dźmitryju Sasnoŭskamu.
Adzin z artykułaŭ abvinavačańnia pierakvalifikavany z «padrychtoŭki teraktu» na «terakt» — heta datyčycca zamachu na prapahandysta Ryhora Azaronka.
Dźmitryj nie pryznaŭ vinu. Padčas dačy pakazańniaŭ Sasnoŭski płakaŭ i zajaviŭ, što ŭ złačynstva ŭ dačynieńni da Azaronka jaho ŭciahnuli padčas śledčaha ekśpierymientu. Jon taksama zajaviŭ sudu, što paśla zatrymańnia kala doma Azaronka da jaho «ŭžyvali hvałt i katavańni, prymusili napisać čystasardečnaje pryznańnie».
Na pieršym pasiadžeńni, kali sud vyśviatlaŭ jaho asobu, jon zajaviŭ, što choča admovicca ad hramadzianstva Biełarusi, tamu što «nie maje dačynieńnia da teraryzmu».
U spravie 15 tamoŭ. Śledstva pravodziŭ Kamitet dziaržaŭnaj biaśpieki. Abvinavačanym pahražajuć vialikija terminy źniavoleńnia. Usie fihuranty ŭtrymlivajucca ŭ SIZA KDB.
Čytajcie taksama:
«Sprava AHSB»: jak KDB arhanizoŭvaŭ «terakty»
Abvinavačany ŭ napadzie na Azaronka raskazaŭ pra katavańni paśla zatrymańnia
Televizijščyki pakazali žachlivuju jaŭku na ŭčastku, dzie hałasavaŭ Łukašenka19
Kamientary