Usiaho patrochu22

Jak časta treba myć hałavu?

Chtości robić heta štodzień, chtości — praź dzień, a niechta tolki raz na tydzień. Mierkavańni pra toje, jak časta treba myć hałavu, šmat u kaho razychodziacca. Dzie ž praŭda?

Fota: vecteezy.com

Pieryjadyčnaść myćcia hałavy zaležyć ad šmatlikich faktaraŭ: ad typu vašych vałasoŭ i stryžki, taho, jak šmat tłušču vydzialaje skura hałavy, ad typu i ŭzroŭniu vašaj aktyŭnaści. Kali myć hałavu zanadta časta, vałasy mohuć stać suchimi, kali rabić heta zanadta redka — na vałasach budzie šmat tłušču, i ad ich navat moža ŭźniknuć niepryjemny pach, pieraścierahaje CNN.

Ahulnaja rekamiendacyja — ciahnucca pa šampuń raz ci dva na tydzień. Kali ž vašy vałasy prajšli praź niejkuju chimičnuju apracoŭku, što zrabiła ich bolš suchimi (naprykład, praz chimičnuju zaviŭku), možacie myć ich radziej, čym raz na tydzień, kab paźbiehnuć łomkaści vałasoŭ ci siačeńnia končykaŭ. Kali ž skura hałavy ŭ vas vydzialaje šmat tłušču, vam, naadvarot, moža spatrebicca myć hałavu kožny dzień.

Uzrost taksama maje značeńnie. Padčas pałavoha paśpiavańnia nazirajecca ŭsplosk harmonaŭ, tamu mohuć pavialičvacca tłuščavyja załozy. Heta, u svaju čarhu, vyklikaje źjaŭleńnie padletkavaha akne, a časam i rost kolkaści tłušču na skury hałavy, tamu padletkam moža być karysna myć hałavu čaściej. I naadvarot, čym bolš nam hadoŭ, tym mienš tłušču vypracoŭvaje skura hałavy.

Kali vy majecie kučaravyja vałasy, jany mohuć być bolš schilnymi da suchaści, čym pramyja. Zanadta častaje myćcio moža pahoršyć situacyju, tamu hustyja kučaravyja vałasy zvyčajna nie myjuć kožny dzień, a časam ich i ŭvohule treba myć radziej, čym kožny tydzień.

U lubym vypadku, vy dakładna pavinny bracca za šampuń jak minimum kožnyja dva-try tydni, kab skura hałavy była čystaj i zdarovaj. Što da času pamiž myćciom, jość niekatoryja rečy, z dapamohaj jakich možna padtrymać čyściniu i źniešni vyhlad pryčoski, a taksama abaranić vałasy ad škodnych faktaraŭ.

Pierš za ŭsio, nie zabyvajciesia rasčesvać vałasy, bo, dziakujučy hetamu, vy źbieracie ź ich miortvyja kletki skury i śmiećcie. Možacie namačyć vałasy, kali žadajecie. Taksama, kali chočacca, karystajciesia niazmyŭnym kandycyjanieram dla vałasoŭ ci alejem dla skury hałavy, bo jany dapamohuć nasyčać i ŭvilhatniać skuru.

Kali vy rehularna paciejecie padčas treniroŭki, vam amal nie treba paśla hetaha myć hałavu z šampuniem, chopić prosta vady. Vyklučeńnie — kali vałasy ci skura hałavy pačynajuć mieć niepryjemny pach.

Bolšaść suchich šampuniaŭ ličycca biaśpiečnymi dla skury, ale nie treba na ich zanadta spadziavacca. Kali na skury hałavy vielmi šmat tłušču i sapraŭdy niama vyjścia, takim šampuniem možna skarystacca, ale ž potym treba budzie pry pieršaj mahčymaści pamyć hałavu.

Kali ž vy płavajecie ŭ basiejnie i na vašy vałasy ŭździejničaje chłor, jany mohuć stać suchimi i łomkimi. Abaraniajcie vałasy takim čynam: apranajcie na čas płavańnia šapačku dla basiejna, a adrazu paśla kupańnia papoŭnicie zapasy vilhaci, stračanaj vałasami — skarystajciesia śpiecyjalnym šampuniem i kandycyjanieram dla płyŭcoŭ.

«Žančynam sivizna padabajecca». Mužčyny i žančyny raskazvajuć, jak pasivieli ŭ 15, 16 i navat 9 hadoŭ i što z hetym rabili

Ci moža čałaviectva raz i nazaŭždy vyrašyć prablemu abłysieńnia?

Jak časta treba myć hałavu i ci karysnyja kandycyjaniery i maski, tłumačyć miedyk

Kamientary2

  • ałysienko
    10.11.2022
    jeŝie otiec miediciny Hippokrat ot obłysienija riekomiendovał polzovaťsia oviečjej močoj. urinotierapija - eto našie fsie!
  • ałysienko
    10.11.2022
    jeŝie očień chorošo ot vypadienija vołos pomohajet łuk - natier łysienku i... 

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Śviatłana Cichanoŭskaja sustrełasia z Emanuelem Makronam10

Eks-premjer Siarhiej Rumas źjaviŭsia na pachavańni Vierhiejenki FOTAFAKT6

Ryžankoŭ: U mianie i babula, i mama byli čystymi polkami52

Pucin prapanavaŭ Iranu rekordnyja abjomy rasijskaha hazu sa źnižkaj 75%4

Lidar čempijanatu Biełarusi vylecieŭ ź niatopavaha jeŭrakubka ŭžo na pieršaj stadyi kvalifikacyi

U Pinsku piensijanier uciakaŭ ź miesca ŭčynienaha im najezdu i pa darozie padbiŭ jašče dźvie mašyny

Viadomy błohier nabyŭ kvateru ŭ Polščy — voś jak heta ŭ jaho atrymałasia20

Bajden moža vyjści z vybarnaj honki ŭžo na hetyja vychadnyja12

Minski chirurh vydaŭ zbornik esteckaj prozy. Tak pa-biełarusku raniej nie pisali

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →