Hramadstva2121

«Zvolnicie Bahdanoviča, adździalicie «Infapojnt». Byłaja redaktarka ČKB apublikavała patrabavańni da Franaka Viačorki

Janina Sazanovič, byłaja redaktarka «Čornaj knihi Biełarusi», napisała adkryty list da daradcy Cichanoŭskaj. Jana ličyć, što historyju z ahientam, jaki ŭkaraniŭsia ŭ arhanizacyju i praź jakoha zatrymali šmat ludziej, zamoŭčvajuć.

Nahadajem koratka historyju. U ČKB (inicyjatyvu pa apubličvańni danych tych, chto datyčny da represij) zmoh ukaranicca supracoŭnik HUBAZiKa Artur Hajko. Jon atrymaŭ dostup da čataŭ, kantaktaŭ infarmataraŭ, a taksama niejki čas navat kiravaŭ arhanizacyjaj. Adzin z supracoŭnikaŭ ČKB — Daniła Bahdanovič — nie vieryfikavaŭ ahienta naležnym čynam i ihnaravaŭ sihnały kaleh ab padazronaści novaha čalca kamandy. 

Hajko taksama atrymaŭ dostup da pracy ahienctva «Infapojnt», stvaralnikam jakoha byŭ Franak Viačorka. 

Čytajcie padrabiaźniej: Hubazikaviec dzieviać miesiacaŭ byŭ u kamandzie Čornaj knihi Biełarusi. I ŭrešcie ŭznačaliŭ jaje

Janina Sazanovič paźniej syšła z ČKB.

U adkrytym liście jana źviartaje ŭvahu na niekalki važnych faktaŭ u hetaj historyi.

«U Artura byŭ dostup da ŭsich čat-botaŭ kanałaŭ (asnoŭny kanał «Čornaj knihi Biełarusi» i ŭsie vobłaści) i ŭsioj infarmacyi, jakaja tudy pastupała, da leta 2021 hoda. Bolš za toje, u Hajko byŭ poŭny archiŭ dasłanaj infarmacyi z pryviazkaj da ID telehrama. Hajko pracavaŭ i z Ofisam Cichanoŭskaj i, chutčej za ŭsio, mieŭ dostup da ich resursaŭ. U mianie ŭ rasparadžeńni jość aŭdyjazapis, dzie Hajko raspaviadaje ab stvareńni analityčnaha centra pry Ofisie Śviatłany Cichanoŭskaj, kudy pavinna budzie ŭvajści i ČKB», — piša Janina.

Pa jaje słovach, u niejki čas ahientu było prapanavana pavyšeńnie, paśla jakoha jon staŭ adkazvać za biaśpieku sietki «Infapojnt». Artur taksama prysutničaŭ na ahulnych zvankach pa paradku dnia kanałaŭ.

Supracoŭnik HUBAZiKa Artur Hajko byŭ ukaraniony ŭ «Čornuju knihu Biełarusi»

Paśla taho, jak vyśvietliłasia, što Hajko — supracoŭnik HUBAZa, byŭ stvorany čat «Infapojnt biez HUBAZa». Janina kaža, što Viačorka, jaki taksama byŭ u hetym čacie, moh upłyvać na palityku kanałaŭ, jakija ŭvachodziać u sietku.

Daniła Bahdanovič, jaki padtrymlivaŭ kantakt z Hajko, dahetul pracuje ŭ «Infapojncie».

Janina Sazanovič vykazała niekalki patrabavańniaŭ da Franaka Viačorki:

«1. Akazać finansavuju dapamohu siemjam zatrymanych infarmataraŭ ČKB.

2. Akazać poŭnaje sadziejničańnie ŭ evakuacyi tych infarmataraŭ, jakich pakul nie aryštavali.

3. Adchilić ad pracy ŭ «Infapojncie» ludziej, jakija ŭvachodziać u Ofis Śviatłany Cichanoŭskaj, kab prybrać cenzuru, vyklučyć kanflikt intaresaŭ i ŭpłyvu palitykaŭ na ŚMI, što dazvolić miedyja pracavać niepraduziata i abjektyŭna.

4. Nieadkładna adchilić ad luboj pracy, źviazanaj z apazicyjnaj dziejnaściu, Daniłu Bahdanoviča i inšych vinavatych — u suviazi sa znachodžańniem ahienta ŭ kamandzie, a taksama tych, chto naŭmysna chavaŭ hetuju infarmacyju. U tym liku pravieści ź imi raźbiralnictva z boku śpiecyjalnych słužbaŭ krainy znachodžańnia.

Hałoŭnaje patrabavańnie — pierastać chłusić, abialać siabie i zamoŭčvać pra pamyłki, jakija pryvodziać da trahiedyj dla ludziej jak unutry Biełarusi, tak i za jaje miežami!

Zrabić pracu nad pamyłkami i publičnuju spravazdaču pa jaje vynikach».

U kamientary «Naša Nivie» Franak adkazaŭ, što lepš z hetymi pytańniami źviartacca da «Infapojnta», bo jon ciapier nie maje da jaho dačynieńnia.

Čytajcie pa temie:

«Kazaŭ, što ŭ jaho maci ŭ zakładnikach i my ničoha nie razumiejem». Byłaja redaktarka ČKB pra situacyju z ahientam u kamandzie

Siłaviki zatrymali hałoŭnaha śpiecyjalista Minadukacyi, abvinavačvajuć u pieradačy źviestak ČKB

Prakuror, supracoŭnik banka, načalnik adździeła Life. Kaho mahli zatrymlivać pa spravie «Čornaj knihi Biełarusi», dzie pracavaŭ ahient HUBAZiKa

Kamientary21

  • Imia
    09.11.2022
    Pro vsie ostalnoje promołču. No pro Bohdanoviča nie ponimaniju, počiemu on vsie jeŝie v komandie. Pośle takoho provała «on usvoił urok» nie otdiełaješsia.
  • Nosatyj fiermier
    09.11.2022
    Śmiešaliś v kuču koni, ludi...
    Časť triebovanij stojat vnimanija, osobienno v časti ohraničienija carstvija Viačorki. Čto on, čto jeho papa - korony vyrastili nie po hołovie. Otčasti uvierien, čto probuksovka mnohich rieform i iniciativ proischodit po jeho vinie. Vsio taki jeho eho rabotajet tolko na nieho.
  • Słušnyja patrabavańni
    09.11.2022
    Słušnyja patrabavańni

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →