Zadača

Vy siadzicie ŭ łodcy na nievialikim voziery. U vas u łodcy jość cehła. Vy kidajecie cahlinu z łodki ŭ voziera, dzie jana chutka apuskajecca na dno.

Dyk voś pytańnie: uzrovień vady źlohku padymajecca, krychu panižajecca ci zastajecca raniejšym?

Padkazka

Padumajcie pra ščylnaść cehły i pra toje, što jana robić, pakul znachodzicca ŭ łodcy.

To kidajcie ž cahlinu za bort i praviercie rašeńnie nižej.

Fota: vecteezy

Fota: vecteezy

Rašeńnie

Uzrovień vady panižajecca. Pryčyna ŭ tym, što masa cehły, pakul jana znachodzicca ŭ łodcy, vyciaśniaje bolš vady ŭ paraŭnańni z abjomam cehły, kali jana pahružana ŭ vadu. Spačatku heta moža zdacca dziŭnym, ale fizika moža chutka pakazać nam, čamu heta praŭda.

Vy, napeŭna, pamiatajecie ź siaredniaj škoły, što abjekt, pahružany ŭ vadu, vyciaśniaje vadu, roŭnuju svajmu abjomu. Vy kładziacie abjekt pamieram z cahlinu ŭ basiejn, i jon vyciaśniaje vadu pamieram z cehłu. Adnak, kali abjekt płavaje na pavierchni vady — tady heta zusim inšaja historyja. Vyciaśnieńnie vady roŭnaje masie płyvučaha abjekta. Heta dakładna jak dla łodki, tak i dla łodki z cehłaj u joj.

Vy viedajecie, što cehła tonie. Heta adbyvajecca tamu, što ščylnaść cehły vyšejšaja, čym ščylnaść vady. Heta taksama kaža nam, što abjom vycisnutaj vady (nieabchodny dla roŭnaści masy cehły) bolšy, čym abjom cehły. Padumajcie pra heta tak: kolki vady vam spatrebicca, kab atrymać vahu cehły? Heta, biezumoŭna, bolš, čym źmiaściłasia b u jomistaść takoha ž abjomu, jaki maje hetaja cehła.

Takim čynam, kali cahlina znachodzicca ŭ łodcy, jana šturchaje łodku ŭniz i vyciaśniaje vadu, roŭnuju svajoj masie. A kali vy kidajecie cahlinu ŭ vadu, jana vyciaśniaje vadu, roŭnuju svajmu abjomu.

Dziela poŭnaha zadavalnieńnia Popular Mechanics prapanuje niekalki ličbaŭ. Standartnaja cehła maje pamiery 9,2 sm ch 5,7 sm ch 20,3 sm, što składaje abjom 1064,5 sm³. Mienavita stolki vady vyciaśniajecca, kali cehłu kidajuć u voziera. Standartnaja cehła maje masu kala 2 kh, i heta roŭna 2 ł vady, što roŭna 2000 sm³. Mienavita stolki vady vyciaśniajecca, kali cehła znachodzicca ŭ łodcy.

Клас
30
Панылы сорам
2
Ха-ха
3
Ого
2
Сумна
0
Абуральна
2