Hramadstva22

Upłyŭ Duhina na Pucina sapraŭdy vyras, ale adbyłosia heta paśla zabojstva dački

U apošnija miesiacy ŭnutrypalityčny błok Administracyi Prezidenta RF staŭ rehularna zaprašać na «hutarki» ŭ Kreml ultrakansiervatyŭnych fiłosafaŭ i historykaŭ — u pieršuju čarhu Alaksandra Duhina, Alaksandra Prachanava i Vardana Bahdasarana. Pra heta «Mieduzie» raspaviali dźvie krynicy, blizkija da AP, a taksama adzin surazmoŭca, blizki da kiraŭnictva «Adzinaj Rasii».

Fota: AR

Pa słovach krynic, hetyja dziejačy nie prymajuć udziełu ŭ naradach pa kankretnych pytańniach (naprykład, ab padrychtoŭcy da prezidenckich vybaraŭ 2024 hoda) — u ich inšy front raboty. «Ź imi iduć pryvatnyja hutarki i sustrečy mienavita ŭ ideałahičnych pytańniach — u čym meta Rasii, čaho jana choča», — patłumačyła adna z krynic, blizkich da Kramla.

Akramia taho, pavodle infarmacyi krynic «Mieduzy», Kreml pačaŭ «kansultavacca» i z zasnavalnikam kanała «Carhrad», «pravasłaŭnym aliharcham» Kanstancinam Małafiejevym. Raniej u palityčnaha błoka AP byli napružanyja adnosiny ź biznesmienam. U 2019 hodzie toj vyrašyŭ pajści ŭ publičnuju palityku i ŭstupiŭ u «Spraviadlivuju Rasiju» — miełasia na ŭvazie, što jon prafinansuje abnaŭleńnie partyi i ŭvojdzie ŭ lik jaje kiraŭnikoŭ. Adnak Małafiejeŭ pasprabavaŭ uziać partyju całkam pad svoj kantrol, što nie zadavoliła ni Kreml, ni dziejnych lidaraŭ partyi.

Sa słoŭ surazmoŭcaŭ, blizkich da Kramla, Małafiejeŭ, Duhin, Prachanaŭ i Bahdasaran pavinny dapamahčy Kramlu «namacać niejkija kontury novaj ideałohii». Z «ideołahami» sustrakajucca i kiraŭnik palityčnaha błoka Kramla Siarhiej Kiryjenka, i jaho bližejšyja paplečniki — naprykład, kiraŭnik Departamienta pa zabieśpiačeńni spraŭ Dziaržsavieta Alaksandr Charyčaŭ i kiraŭnik Departamienta hramadskich prajektaŭ Siarhiej Novikaŭ.

Krynicy «Mieduzy» raspaviali, što pa vynikach takich sustreč składajucca nie tolki «kontury» ideałohii, ale i kankretnyja tezisy, jakija zatym u svaich pramovach mohuć vykarystoŭvać i Kiryjenka, i Uładzimir Pucin.

«Rasija zaŭsiody vyjhravała lubuju vajnu, kali hetaja vajna stanaviłasia narodnaj. Tak było zaŭsiody. My abaviazkova vyjhrajem i hetuju vajnu: i «haračuju», i ekanamičnuju, i tuju samuju psichałahičnuju, infarmacyjnuju vajnu, jakaja viadziecca suprać nas. Ale dla hetaha nieabchodna, kab heta była mienavita narodnaja vajna, kab kožny čałaviek adčuvaŭ svaju datyčnaść», — kazaŭ Kiryjenka ŭ adnym z kastryčnickich vystupaŭ.

U hetyja ž dni Kiryjenka vystupiŭ na Suśvietnym ruskim narodnym sabory, dzie razvažaŭ pra «źbieražeńni histaryčnych tradycyj naroda, tradycyjnyja duchoŭnyja kaštoŭnaści, siarod jakich mocnaja siamja, maciarynstva, pavaha da staraści, zdarovy ład žyćcia».

Sa słoŭ krynicy «Mieduzy», blizkaj da kiraŭnictva «Adzinaj Rasii», Duhin i Prachanaŭ i raniej supracoŭničali z Kramlom — naprykład, u kancy 2000-ch, kali palityčnym błokam AP kiravaŭ Viačasłaŭ Surkoŭ. Ale ŭ apošnija hady hetyja kantakty byli nierehularnymi.

Akramia taho, sa słoŭ krynic, ciapier Duhin i Prachanaŭ atrymali novuju rolu. Kali raniej jany, pavodle zadumki Kramla, pavinny byli pracavać na peŭnuju aŭdytoryju (ultrakansiervatyŭnuju), to ciapier dapamahajuć sfarmulavać rasijskuju ideałohiju ŭ pryncypie.

«Ciapier leksikon Duhina i Prachanava ŭ vusnach Pucina», — padkreśliŭ adzin z surazmoŭcaŭ, blizkich da Kramla. Jon dadaŭ, što raniej ŚMI časta pierabolšvali ŭpłyŭ Alaksandra Duhina. Naprykład, zachodnija vydańni nie raz nazyvali jaho hałoŭnym ideołaham ci navat «mozham» Pucina. Adnak, pavodle infarmacyi krynic «Mieduzy», da apošniaha času rasijski prezident byŭ paviarchoŭna znajomy z pohladami fiłosafa. Usio źmianiłasia z-za zabojstva dački Duhina Darji ŭ kancy žniŭnia 2022 hoda.

Sa słoŭ surazmoŭcaŭ «Mieduzy», blizkich da Kramla, paśla hetaha Pucina «surjozna zacikaviła» fihura Duhina — jon adpraviŭ fiłosafu telehramu sa spačuvańniami i ŭsialak uchvalaje kantakty AP ź jeŭrazijcam. Praź miesiac paśla zabojstva Darji Duhinaj, 30 vieraśnia, Pucin upieršyniu ŭžyŭ u publičnym vystupie adno ź lubimych paniaćciaŭ Duhina — «anhłasaksy».

«[Śmierć Duhinaj] pravilna padali, u tym liku i prezidentu: vorahi atakujuć prychilnikaŭ tradycyjnych kaštoŭnaściaŭ, antyzachodnikaŭ», — patłumačyła adna ź blizkich da AP krynic «Mieduzy».

Dźvie blizkija da Kramla krynicy «Mieduzy» zapeŭnili, što sami supracoŭniki AP, u tym liku Kiryjenka i Charyčaŭ, nie padzialajuć hetuju ŭltrakansiervatyŭnuju ideałohiju. Jak patłumačyŭ adzin z surazmoŭcaŭ, Kiryjenka — «rynačnik» i «prychilnik žorstkaha karparatyŭnaha kiravańnia», jakomu hieapalityka nie blizkaja ŭ pryncypie, a Charyčaŭ — «sumlenny čynoŭnik-vykanaŭca biez vyraznych pierakanańniaŭ».

Pa słovach adnaho z surazmoŭcaŭ, zvarot Kiryjenki da kansiervatyŭnych myślaroŭ tłumačycca prosta. Pa-pieršaje, jon sprabuje supracoŭničać ź ludźmi, pohlady jakich užo blizkija Uładzimiru Pucinu ŭ sapraŭdny momant. Pa-druhoje, pavodle acenki krynic, blizkich da AP, ciapier siarod hatovych supracoŭničać z Kramlom palittechnołahaŭ i palitołahaŭ u pryncypie niama «ideołahaŭ, zdolnych prapanavać niejki vyrazny, unutrana nie supiarečlivy prajekt, jaki spadabajecca kiraŭniku dziaržavy». Ź ich słoŭ, niekalki takich «ideołahaŭ» i zusim źjechali z Rasii ŭ apošnija miesiacy.

«Ekśpierty jość, vykanaŭcy jość. A ŭmieranych ideołahaŭ, dy jašče i ŭ patrebnym [prezidentu] klučy — nie, tamu pracujuć z pravakansiervatyŭnymi ideołahami. Z tymi, chto jość… Ciapier vajna — patrebnyja vajaŭničyja», — zaklučyła blizkaja da AP krynica.

Kamientary2

  • ?
    03.11.2022
    Možie on prosto fanatik, kotoryj prinies k noham Pu žizń sobstviennoj dočieri?
  • jak
    03.11.2022
    “pravasłaŭny aliharch Kanstancinam Małafiejevym” - tolki ŭ rasiei mohuć być takoha rodu aliharchi, bo tam navat kiraŭnik rpc Hundziajeŭ źjaŭlajecca multymilijarderam.

Stała viadoma pra aryšt historyka Ihara Mielnikava14

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U Trampa byŭ efiektyŭny kozyr suprać Bajdena. Ciapier jon moža viarnucca bumieranham 

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

bolš čytanych navin
bolš łajkanych navin

Stała viadoma pra aryšt historyka Ihara Mielnikava14

Stała viadoma pra aryšt historyka Ihara Mielnikava

Hałoŭnaje
Usie naviny →