Rasijski viadučy, jaki zaklikaŭ tapić i palić ukrainskich dziaciej, viarnuŭsia ŭ efir
Televiadučy Anton Krasoŭski, jaki zaklikaŭ spalvać i tapić ukrainskich dziaciej, viarnuŭsia ŭ efir Russia Today. Telekanał apublikavaŭ novy vypusk prajekta «Sport. Rasija: XXI Stahodździe», u jakim Krasoŭski vystupaje ŭ roli viadučaha, zaŭvažyŭ rasijski resurs RBK.
Viartańnie Krasoŭskaha adbyłosia mienš čym praz dva tydni paśla taho, jak hałoŭny redaktar RT Marharyta Simańjan abviaściła, što telekanał spyniaje ź im supracoŭnictva.
Zaklik zabivać dziaciej Krasoŭski paźniej patłumačyŭ tak: «Nu byvaje tak: siadziš u efiry, ciabie niasie. I ty nie možaš spynicca». Paźniej jon paprasiŭ prabačeńnia za svaje słovy: «Ja durań, ja nie prosta pierajšoŭ miežy. Ja nienaŭmysna ich ścior, miežy pamiž słušnaj spravaj i złom, pamiž čystym złom i adpłataj, pamiž nami i imi».
Jak vyhladaje, takimi kaštoŭnymi kadrami rasijskija prapahandysckija kanały raskidvacca nie mohuć. Zrešty, bolšaj niečakanaściu było raniejšaje jaho adchileńnie, čym ciapierašniaje viartańnie, bo Krasoŭski nie skazaŭ nasamreč ničoha takoha, što supiarečyła b ahulnaj tanalnaści viaščańnia Russia Today. Na jahonym miescy moh by apynucca luby inšy rasijski prapahandyst, i ŭ pieršuju čarhu sama Simańjan.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary