Twitter budzie spahaniać pa 8 dalaraŭ u miesiac za pasłuhu Blue, jakaja ŭklučaje ŭ siabie siniuju ptušačku — značok «profil paćvierdžany». Pra heta paviedamiŭ novy kiraŭnik Twitter Iłan Mask. Takim čynam, jon spadziajecca pavialičyć kolkaść padpisak i zrabić sacyjalnuju sietku mienš zaležnaj ad rekłamy, piša RBK.

Heta rašeńnie jon pryniaŭ paśla taho, jak paznajomiŭsia z pracesam vieryfikacyi profilu i pradastaŭleńnia karystalnikam sinich ptušačak. Raniej Twitter davaŭ ich tolki abranym profilam na asnovie ŭłasnych kryteryjaŭ.
Błakitnaja ptušačka kala imia karystalnika aznačaje, što Twitter paćvierdziŭ, što ŭlikovy zapis naležyć asobie abo kampanii. Zaraz Twitter biaspłatny dla bolšaści karystalnikaŭ.
Mask zajaviŭ, što abanienty z błakitnymi ptušačkami buduć mieć pryjarytet u adkazach, zhadkach i pošuku, a taksama zmohuć publikavać bolš doŭhija videa i aŭdyja. Akramia taho, jany buduć bačyć u dva razy mienš rekłamy.
Kamientary