Raniej Ivan Harbačoŭ vieryŭ, što nie błudziŭ, žyvie siarod kłonaŭ, a ciapier rychtujecca da adpraŭki na vajnu va Ukrainu. Jaho pryznačyli ŭ čaść nampalitam.
Ivan Harbačoŭ daŭno prasłaviŭsia ŭ Internecie dziakujučy svaim publikacyjam, padobnym da varjackaj płyni śviadomaści, — karystalniki miarkujuć, što ŭ jaho jość prablemy ź psichikaj, piša Baza.
Harbačoŭ pastajanna piša, što siarod ludziej žyvie mnostva čypiravanych kłonaŭ. Sam ža Ivan baicca, što zamiežnyja śpiecsłužby zamieniać jaho na adnaho ź ich. Taksama jon uvieś čas piša, što «cnatliviec i nikoli nie błudziŭ». Kab dakazać, što jaho nie padmianili kłonam, Ivan pieryjadyčna publikuje fatahrafii svajho miescaznachodžańnia.
Abaviazkovy atrybut jaho fota — ruka z hadzińnikam abo dakumient, jaki paćviardžaje, što jon znachodziŭsia ŭ aŭtobusie ci stałovaj.
U 2016-m Ivan staŭ papularny dziakujučy tamu, što jaho ŭsio ž taki padmianili: u tvitary zapościli fotku Ivana ŭ kaściumie chirurha i z podpisam, što «hety čałaviek z zarobkam 15 tysiač rasijskich rubloŭ ratuje dziasiatki dziciačych žyćciaŭ, davajcie skažam jamu «dziakuj». Fota zavirusiłasia i sabrała šmat łajkaŭ u inšych sacsietkach.
Niahledziačy na takoje burnaje minułaje, kala tydnia tamu vajenkamat Prymorskaha kraja ničoha padazronaha nie zaŭvažyŭ i mabilizavaŭ Ivana Harbačova. Bolš za toje, u vajskovaj čaści mužčyna, pa jaho słovach, staŭ namieśnikam kamandzira roty pa palityčnaj častcy i navat vykłaŭ šmat fota z kazarmy. Paśla hetaha Ivan apublikavaŭ cełuju sieryju pastoŭ pra toje, što jaho «nie mianiali».
Pa słovach Ivana, u minułym jon słužyŭ u VMF i maje zvańnie «hidramajora» — heta značyć kapitana treciaha ranhu. Ci prachodziŭ mužčyna miedkamisiju i kali jaho adpraviać va Ukrainu, nieviadoma.
Pašpart Novaj Biełarusi pačnuć vydavać z 26 studzienia. Što viadoma i jak atrymać?17
Kamientary