Ministr abarony Ukrainy rastłumačyŭ, čamu zapavoliŭsia nastup USU na poŭdni
Prasoŭvańnie Uzbrojenych sił na poŭdni Ukrainy zamarudziłasia z-za daždžoŭ, adnak ukrainskija abaroncy praciahvajuć vyzvalać terytoryi, zajaviŭ ministr abarony Alaksiej Reźnikaŭ u intervju Fox News.
«Na poŭdni my taksama praciahvajem našu kontrnastupalnuju kampaniju. Ciapier niekatoryja ŭmovy nadvorja, ja maju na ŭvazie doždž, zapavolvajuć nas. Ale my vykarystoŭvajem taktyku krok za krokam viartać našy vioski, mietry i kiłamietry, i my budziem praciahvać rabić heta», — skazaŭ Alaksiej Reźnikaŭ.
Ministr ličyć, što akupanty nie ryzyknuć pravodzić vuličnyja bai ŭ Chiersonie, tamu što USU kantralujuć masty cieraz Dniapro, pa jakich rasiejcy mahli b adstupić.
«My kantralujem usie masty cieraz Dniapro, vykarystoŭvajučy takija amierykanskija kompleksy, jak HIMARS, a taksama inšyja RSZA, jak M270, artyleryju 155-mm kalibra — usio heta sučasnyja sistemy standartu NATA, jak, naprykład, M777 z ZŠA. Dla ich zastavacca ŭ Chiersonie — heta realnaja ryzyka, tamu što ŭ ich nie budzie mahčymaści źbiehčy, jak jany zrabili na Charkaŭskim kirunku, naprykład u Iziumie i inšych haradach», — paviedamiŭ Reźnikaŭ.
«My dla ich — miasa». Palitviazień vyjšaŭ ź miełanomaj treciaj stadyi, jon uskładaje vinu na načalnicu sančaści i prymusovaje haleńnie hałavy3
Kamientary
Zatrachali takija nyćciem svaim. Zachad daje ŭsio što patrebna, ale tolki pad navučany piersanał.