«Kupałaŭcy» pradstaviać novy prajekt — pra 1930-ja. Pahladzieć možna budzie ŭžyvuju i anłajn
«Kupałaŭcy» pradstaviać na fiestyvali biełaruskaj pieśni «Bardaŭskaja vosień» u Padlašskim vajavodstvie Polščy adrazu dva śpiektakli: «Ja havaru» i «37-22». Apošni — premjerny
«37-22» — paetyčny śpiektakl biełaruskaha režysiora, piedahoha Andreja Saŭčanki. Hałoŭnaja ideja śpiektakla — dyjałoh pamiž tryccatymi hadami XX stahodździa i sučasnaściu, tamu ŭ nazvu vyniesienyja peŭnyja viechi — 1937 i 2022. Što ahulnaha majuć hetyja daty? Novy prajekt «Kupałaŭcaŭ» sprabuje supastavić dalikatnuju muzyku tekstaŭ taho času i jaje vodhulle ŭ ciapierašnim dni, satkanaje z našaha žadańnia pamiatać.
«U 30-ja biełaruskuju litaraturu chacieli źniščyć, ale pakaleńni daśledčykaŭ, paetaŭ i čytačoŭ ratavali jaje imiony ad zabyćcia, razburali maŭčańnie. I voś my na chistkaj hlebie 2022 hoda. Na hałasy Uładzimira Žyłki, Uładzimira Duboŭki, Vasila Šašaleviča adhukajucca tvory sučasnych aŭtaraŭ. Što budzie z nami ciapier? Adkazy na hetaje i inšyja pytańni my prapanujem pašukać razam», — anansujuć premjeru kupałaŭcy.
U śpiektakli na scenu vyjduć Zoja Biełachvościk, Valancina Harcujeva, Aleh Harbuz, Alena Zuj-Vajciachoŭskaja, Michaś Zuj, Siarhiej Čub.
Premjerny pakaz śpiektakla adbudziecca 29 kastryčnika a 19.30 u Biełastockim Teatry Lalek.
Premjeru paetyčnaha śpiektakla «37—22» taksama možna budzie ŭbačyć u pramoj tranślacyi na jutub-kanale kupałaŭcaŭ 29 kastryčnika ŭ 20.30 pavodle biełaruskaha času.
Uvachod na ŭsie mierapryjemstvy biaspłatny i biez zaprašeńniaŭ.
Servisu «Jandeks.Taksi» pahražajuć błakiroŭkaj: na ANT vyjšaŭ razhromny repartaž9
Servisu «Jandeks.Taksi» pahražajuć błakiroŭkaj: na ANT vyjšaŭ razhromny repartaž
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary