Maskva raspaŭsiudžvaje chłuślivyja źviestki, što Ukraina rychtuje ŭdar «brudnaj» jadziernaj bombaj
Maskva pačała novuju prapahandysckuju ataku — raspaŭsiudžańnie čutak, što Ukraina hatovaja vykarystać u vajnie «brudnuju» jadziernuju bombu. Viadoma dla čaho — kab «abvinavacić Rasiju ŭ tym, što jana ŭžyła zbroju masavaha źniščeńnia na ŭkrainskim teatry vajennych dziejańniaŭ i tym samym zapuścić u śviecie mahutnuju antyrasijskuju kampaniju, nakiravanuju na padryŭ davieru da Maskvy».
Prytym hetaja prapahanda — nie tolki dla ŭnutranaha vykarystańnia. Ministr abarony Rasii Siarhiej Šajhu siońnia pravioŭ razmovy sa svaimi francuzskim i tureckim kalehami i abodvum, jak vynikaje z aficyjnych paviedamleńniaŭ, davioŭ «svaje zakłapočanaści z nahody mahčymych pravakacyj z boku Ukrainy z vykarystańniem «brudnaj bomby». Havaryŭ pra heta jon i ź ministram abarony Vialikabrytanii Benam Uolesam.
Pavodle maskoŭskaj lehiendy, «kiraŭnictvu Uschodniaha horna-ŭzbahačalnaha kambinata, raźmieščanaha ŭ horadzie Žoŭtyja Vody Dnieprapiatroŭskaj vobłaści, a taksama Kijeŭskaha instytuta jadziernych daśledavańniaŭ pastaŭlena zadača vyrabić tuju samuju «brudnuju bombu». Raboty nad joj užo znachodziacca na zaviaršalnaj stadyi».
Pavodle kramloŭskaj prapahandy: «Raźlik arhanizataraŭ pravakacyi składajecca ŭ tym, što ŭ vypadku paśpiachovaj jaje realizacyi bolšaść krain vielmi žorstka adreahujuć na «jadzierny incydent» va Ukrainie. U vyniku Maskva stracić padtrymku mnohich svaich klučavych partnioraŭ, a Zachad znoŭ pasprabuje padniać pytańnie ab pazbaŭleńni Rasii statusa pastajannaha člena Rady Biaśpieki AAN i naraścić antyrasijskuju rytoryku».
Takaja prapahanda moža być paśpiachovaj unutry Rasii, ale małavierahodna, što na jaje mohuć klunuć surjoznyja palityki z krain Zachadu. Rasijskaje kiraŭnictva nastolki zrabiła chłuśniu narožnym kamieniem svajoj infarmacyjnaj palityki, što jaje viersijam taho, što adbyvajecca, daŭno ŭžo nichto nie vieryć. U toj ža čas jość padstavy tryvožycca, ci nie robić Maskva takim čynam maralna-psichałahičnuju padrychtoŭku dla ŭłasnaha vykarystańnia jadziernaj zbroi z nastupnym abvinavačvańniem u hetym ukrainskaha boku.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary