21 kastryčnika ŭ sudzie Leninskaha rajona Hrodna abviaścili prysud byłomu pracaŭniku «Hrodna Azota» Eduardu Isajevu. Jaho asudzili da 3,5 hadoŭ pazbaŭleńnia voli ŭ kałonii ahulnaha režyma pavodle č. 2 art. 367 i č. 2 art. 368 Kryminalnaha kodeksa, piša «Viasna».
Dziaržabvinavaŭca prasiŭ pakarać jaho bolšym na paŭhoda terminam. Spravu razhledzieŭ sudździa Hienadź Mazajła.
Viadoma, što jaho pryznali vinavatym u tym, što jon pastaviŭ łajk pad pastom z vyjavaj Alaksandra Łukašenki ŭ supołcy «Stopłuka» ŭ sacsietcy «Adnakłaśniki».
Isajeŭ byŭ zatrymany 25 červienia 2022 hoda pavodle art. 19.11 KaAP za raspaŭsiud «ekstremisckaj» infarmacyi, jaho asudzili na 10 sutak.
Paśla zakančeńnia administracyjnaha aryštu Eduarda ŭziali pad vartu ŭžo pavodle kryminalnaha artykuła. Doma ŭ jaho zastalisia žonka i maleńkija dzieci.
Kamientary