U listapadzie častkova adkryjuć handlovy centr kala vakzała ŭ Minsku. Što tam budzie
Minsk City Mall znachodzicca pobač z aŭtastancyjaj «Družnaja» i stancyjaj mietro « Vakzalnaja», na skryžavańni vulic Tałstoha i Rabkoraŭskaj. Ab pačatku budaŭnictva HZC stała viadoma letam 2018 hoda, ab im zajaviŭ rasijski devełapier Amtel Properties. Adkryć HC źbiralisia letam hetaha hoda, ale data pieraniesłasia. Pa prajekcie, heta trochpaviarchovy centr na 50 tysiač «kvadrataŭ» z IMAX-kinateatram, biełaruskimi i zamiežnymi brendami, praduktovaj kramaj i fudkortam. Što zaraz adbyvajecca z HC i kali čakać adkryćcia, Realt pacikaviŭsia ŭ Amtel Properties.
— U siaredzinie listapada ŭ handlovym centry adkryjecca Green. Uvachod u supiermarkiet budzie z vulicy Tałstoha. Krama budzie pracavać u standartnym režymie, a ŭračystaje adkryćcio projdzie paźniej, — raspaviali ŭ Amtel Properties.
Paśla supiermarkieta pastupova buduć adčyniacca i inšyja kramy, havorać u kampanii. U pieršuju čarhu, kamiercyjnuju dziejnaść pačnuć na pieršym paviersie.
— Heta budzie šyroka raspaŭsiudžany farmat dla handlova-zabaŭlalnaha kompleksa: apteka, juvielirnaja krama, kavapoint, krama suchafruktaŭ i śpiecyj, bankaŭskija pasłuhi i pasłuhi sotavaj suviazi.
Raniej u kampanii raspaviadali, što na druhim paviersie buduć pracavać kramy adzieńnia, abutku, skurhałantarei. Abiacali, što pryjduć «samyja papularnyja».
Na trecim prajektam zapłanavany IMAX-kinateatr z asobnaj załaj dla premjernaha prahladu, VIP-załami i kinabaram.
— Z kinateatram Silver Screen my ŭzhadnili finalnuju viersiju dyzajn-prajekta z sučasnaj technałohijaj kinaprakatu. Znajšoŭšy niestandartnyja technałohii, my spadziajemsia pryciahnuć samaha patrabavalnaha naviedvalnika, — kažuć u Amtel Properties.
Taksama ŭ centry płanujuć adkrycca dziciačyja brendy i fudkort, jaki, pavodle raniejšych raspoviedaŭ, užo ŭkamplektavali.
Siarod kropak fastfudu — Burger King, KFC, «Dodo Picca», «Mama Doma», WOK.
Kali całkam adkryjecca TRK, u Amtel Properties pakul nie havorać.
— Niekalki našych arandataraŭ užo pradumvajuć svaje ŭračystyja adkryćci i ŭzhadniajuć ich z horadam. Heta adbudziecca najbližejšym časam. Ab maštabnym adkryćci Minsk City Mall pieršym zahavoryć naš śviatłodyjodny ekran — darečy, samy vialiki ŭ Biełarusi, jaho rekłamnaja płošča — 216 «kvadrataŭ».
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary