Kala biełaruska-litoŭskaj miažy kraduć rovary, pakinutyja kala pahranpierachodu
U Ašmianskim rajonie rehularna rehistrujucca niezvyčajnyja złačynstvy — kradziež rovaraŭ, pakinutych haspadarami ŭ niepasredniaj blizkaści ad miažy. Pra heta paviedamlaje adździaleńnie infarmacyi i hramadskich suviaziaŭ UUS Hrodzienskaha abłvykankama.
Na niekatorych pahranpierachodach u Biełarusi jość mahčymaść pierabracca ŭ susiedniuju krainu nie stojačy ŭ čarzie na aŭtamabili, a skarystaŭšysia rovaram. Heta adbivajecca i na źniešnim vyhladzie miascovaści: na padjezdach da takich pahranpierachodaŭ u Ašmianskim rajonie składvajecca ŭražańnie, što ŭsie litaralna zabita rovarami. Jany pryšpilenyja litaralna da kožnaha słupa i aharodžy, zaniatyja ŭsie miescy, dzie možna začapić zamok.
Tłumačycca heta tym, što ludzi, jakija časta jeździać u Litvu, pakidajuć rovary kala miažy, kab nie ciahnuć ich dachaty, bo ŭsio roŭna praz paru dzion jany spatrebiacca im dla čarhovaj pajezdki.
Pry hetym niaredka pakinutyja rovary kraduć, prytym dziela ŭtylitarnaj adnarazovaj mety — takoha ž chutkaha pierasiačeńnia miažy. Złamyśniki adšpilvajuć čužyja rovary i jeduć na ich u krainu-susiedku. Časam jany viartajuć ich na miesca, a časam kidajuć tam. Byvali vypadki, što ŭładalniki rovaraŭ samastojna znachodziać svoj transpart u Litvie kala najbližejšaha dreva. Inšyja ž paciarpiełyja źviartajucca pa dapamohu ŭ milicyju.
Naprykład, troje žycharoŭ Ašmianskaha i Smarhonskaha rajonaŭ nie znajšli svaich rovaraŭ, tamu pryjšli ŭ Ašmianski RAUS. Supracoŭniki kryminalnaha vyšuku ŭstanavili, što zabiraŭ ich dla niadoŭhich pajezdak u susiedniuju krainu 31-hadovy žychar Mahilova. U dačynieńni da jaho zaviali kryminalnuju spravu.
Palitviazień pravioŭ paŭtara hoda ŭ SIZA — voś jak jon vyhladaŭ paśla hetaha11
Kamientary