Hramadstva11

«Ekstremisckaj» pryznali navukovuju manahrafiju pra vajnu

U Biełarusi pryniali rašeńnie pryznać «ekstremisckaj» navukovuju manahrafiju Śviatłany Kazłovaj «Ahrarnaja palityka nacystaŭ u Zachodniaj Biełarusi: Płanavańnie. Zabieśpiačeńnie. Ažyćciaŭleńnie». Jana była vydadziena ŭ 2019 hodzie vydaviectvam «Januškievič». 

Adpaviednaje rašeńnie 7 kastryčnika pryniaŭ sud Centralnaha rajona Minska.

Jakija padstavy dla pryznańnia čysta navukovaj pracy «ekstremisckaj» — nie paznačajecca i, jak pakazvaje papiaredniaja praktyka, naŭrad ci niechta budzie heta i admysłova tłumačyć, jak i znajomić hramadskaść nie tolki z ekśpiertnymi zaklučeńniami, ale i z proźviščami samich «ekśpiertaŭ», jakija, chutčej za ŭsio, nosiać na plačach pahony.

Možna mierkavać, što ŭvahu na siabie vydańnie źviarnuła pieradusim tym, što vydadziena ŭ niedziaržaŭnym vydaviectvie, kiraŭnik jakoha, Andrej Januškievič, nie tak daŭno patrapiŭ pad represii asabista, a inšaja vydadzienaja im kniha, «Sabaki Jeŭropy» Alhierda Bachareviča, taksama zdabyła ekstremiscki status. 

Što da samoha źmiestu knihi — to heta nie ideałahičnaje vydańnie, a zvyčajnaja navukovaja manahrafija, zasnavanaja na vyvučeńni archiŭnych materyjałaŭ. U joj aŭtarka spakojna i biez pafasu raźbiraje asablivaści žyćcia viaskoŭcaŭ u Zachodniaj Biełarusi pad niamieckaj akupacyjaj, płany niamieckich akupacyjnych uładaŭ u dačynieńni da hetaj terytoryi i asablivaści ich realizacyi. Ničoha takoha, što nadta padryvała b asnovy, u joj niama, ale ŭ ciapierašniaj Biełarusi luboje nieaficyjoznaje vydańnie, pryśviečanaje Druhoj suśvietnaj vajnie — u zonie ryzyki. 

Pry hetym cikava, što ŭ asnovu manahrafii Śviatłany Kazłovaj pakładzienaja kandydackaja dysiertacyja aŭtarki, padrychtavanaja i abaronienaja ŭ 2006 hodzie ŭ Instytucie historyi NANB pad kiraŭnictvam zahadčyka adździeła vajennaj historyi IH NANB Alaksieja Litvina. Nijakich piarečańniaŭ hetaja praca tady nie vyklikała, jana biez asablivych prablem prajšła i abaronu na navukovaj radzie instytuta, i zaćviardžeńnie Vyšejšaj atestacyjnaj kamisijaj.

Siarod tych, chto tady stanoŭča vykazvaŭsia pra jaje, byŭ i tahačasny dyrektar Instytuta historyi, a ciapier akademik-sakratar Adździaleńnia humanitarnych navuk i mastactvaŭ NANB Alaksandr Kavalenia.

To-bok vartaść pracy dla navuki i biasškodnaść dla ideałohii była paćvierdžanaja na dziaržaŭnym uzroŭni. Ale ciapier kniha patrapiła ŭ ruki bolš hłybokich «znaŭcaŭ».

Vydaviec knihi Andrej Januškievič kamientuje navinu tak:

«Ułady chočuć abhruntavać, što vydańnie našym vydaviectvam «ekstremisckich» knih nosić sistemny charaktar. Toj fakt, što ŭ asnovie knihi lažyć uzornaja dysiertacyja, abaronienaja ŭ Instytucie historyi Akademii navuk, što davali hetaj knizie žyćcio vialikija načalniki ad historyi, siońniašnija adepty absurdnych historyka-ideałahičnych ustanovak režymu, ich zusim nie biantežyć. U samoj knizie niama nijakich ekstremisckich idej albo vysnoŭ. Heta ŭzvažanaje navukovaje daśledavańnie, pohlad daśledčyka na prablemu, jaki abapirajecca na fakty i dakumientalnuju bazu».

Kamientary1

  • Per aspera
    17.10.2022
    Raz užo "pryznali" - to ŝnačycca, vydatnaja navukovaja praca. Treba aznajemicca, pakul nie prybrali.
    ...durni z usiaho lesu!

Niemiec, prysudžany da rasstrełu, datyčny da dyviersij? Voś što za historyja heta mahła być4

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie17

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych17

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być4

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →