Śviet11

«Heta prysud nam usim». Simańjan paskardziłasia, što rasijskija vydaviectvy admovilisia vydavać zbornik ź litaraj Z na vokładcy

Viadomaja prapahandystka Marharyta Simańjan paskardziłasia ŭ telehram-kanale, što vydaviectvy admaŭlalisia vydavać zbornik «sučasnaj frantavoj paezii «Paezija ruskaha leta», bo «nivodny knižny mahazin nie voźmie».

Jana raspaviadaje, što kali prapahandysty źviarnulisia ŭ vydaviectvy z prapanovaj vydać zbornik, jaki prapahandysty «sami skłali, zrabili ilustracyi i naohuł usio», im adkazali:

«Prybiarycie z vokładki litaru Z. Z hetaj litaraj nivodny knižny mahazin nie voźmie».

«Heta cytata. I heta, viadoma, prysud. Nam usim», — piša Simańjan.

Ale zbornik usio ž vyjšaŭ. Jak mienavita, jana nie ŭdakładniaje.

«U im — vieršy, hodnyja Simanava i Tvardoŭskaha. Mnohija z paetaŭ usie vosiem hadoŭ pisali pra vajnu, pra Danbas, pra žyćcio i śmierć», — daje rekamiendacyju Simańjan.

Namieśnik sakratara Savieta biaśpieki RF Aleh Chramaŭ u hety ž čas zajaviŭ, što šerah dziejačaŭ kultury «ŭpotaj sabatujuć pieravod rasijskaha kulturnaha asiarodździa ŭ patryjatyčnuju płoskaść».

«Asobnyja stailisia, ale praciahvajuć sabatavać dziejańni pa pieravodzie raźvićcia kulturnaha asiarodździa ŭ vysokamastackuju i patryjatyčnuju płoskaść», — skazaŭ Chramaŭ, nie ŭdakładniŭšy proźviščaŭ.

Akramia palityčnaha składalnika, pryčynaj takoj pazicyi Chramaŭ nazyvaje nieprymańnie «asobnymi asobami» samoj idei padparadkoŭvacca hramadskamu kantrolu za dziejnaściu tvorčych kalektyvaŭ, a taksama «niežadańnie ŭličvać zapyty pieravažnaj bolšaści nasielnictva krainy, jakoje patrabuje adpaviednaści tvorčych advah duchoŭna-maralnym kaštoŭnaściam, a značyć nacyjanalnym intaresam», — miarkuje jon.

Kamientary1

  • Palašuk
    17.10.2022
    Voś heta - pryhožaje: pieravod rasijskaha kulturnaha asiarodździa ŭ patryjatyčnuju płoskaść. Mastactva tym i pryvablivaje, što jano nie płoskaje, a źmianiaje formy, dazvalaje razhladać źjavy, padziei i asobaŭ pad roznymi vuhłami, vyjaŭlaje novyja sensy. I ŭ peŭnym sensie ja z babrajedkaj navat zhodny (što vielmi niečakana!;)). Kramloŭskaja i drazdoŭskaja imitacyija kulturnaha žyćcia z paralelnymi represijami suprać sapraŭdnych tvorcaŭ - heta prysud usim hetym saŭkam dy impiercam. Barbarians must die.

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →