Hramadstva22

Stryžak patłumačyŭ, ci zmohuć biełarusy ŭ vypadku abviaščeńnia mabilizacyi raźličvać na dapamohu ŭ Jeŭropie

Prychavanaja mabilizacyja ŭ Biełarusi pačałasia, i biełarusam treba być hatovymi da luboha raźvićcia padziej, ličyć kiraŭnik BYSOL Andrej Stryžak.

Andrej Stryžak na jutub-kanale «Obyčnoje utro» raskazaŭ, što kolkaść zvarotaŭ pa pytańniach vyjezdu i evakuacyi ŭ ich telehram-kanał paśla 21 vieraśnia, kali ŭ Rasii abviaścili tak zvanuju častkovuju mabilizacyju, značna vyrasła. Akramia rasiejcaŭ, aktyŭna źviartajucca i biełarusy, jakija «razumiejuć, što ŭśled za rasiejskimi padziejami mohuć rušyć i biełaruskija».

Na pytańnie, ci pačałasia ŭžo, na jaho dumku, mabilizacyja ŭ Biełarusi, Stryžak kaža, što hledziačy što ličyć mabilizacyjaj.

«Kali my čakajem niejkich maršaŭ «Proŝanije słavianki», mosinskich trochliniejek i budučych udoŭ, jakija płačuć na vakzałach, to hetaha pakul niama, i daj boh, hetaha nam nie ŭbačyć. Ale absalutna zrazumieła i vyrazna, što tak zvanyja mierapryjemstvy pa ŭliku, praviercy, pastanoŭcy na dadatkovy ŭlik niejkich voinskich śpiecyjalnaściaŭ, — heta jakraz-taki i jość taja samaja prychavanaja mabilizacyja. I toj abmiežavany pryzyŭ na zbory aficeraŭ, pra što ciapier idzie šmat havorki, — heta taksama taja ci inšaja forma mabilizacyi. Infarmacyja pra toje, što na niekatorych pradpryjemstvach robiać dadatkovuju acenku i ŭlik aŭtatranspartu, jaki budzie vykarystoŭvacca ŭ vypadku mabilizacyi dla pieravozki mabilizavanych, — heta taksama kaža pra toje, što ŭsie hetyja mierapryjemstvy viaducca.

Tamu heta nie budzie vyhladać, chutčej za ŭsio, jak niešta takoje maštabnaje adnamomantnaje, ale voś takaja paŭzučaja mabilizacyja, na moj pohlad, u Biełarusi ciapier užo viadziecca», — ličyć Stryžak.

Ci moža takaja prychavanaja mabilizacyja pryvieści da vybuchu ŭ hramadstvie? Kiraŭnik BYSOL kaža, što prosty adkaz moža być takim, što prychavanaja mabilizacyja pryviadzie tolki da niejkich schavanych vybuchaŭ. Ale na samaj spravie nichto nie viedaje.

«Tamu što my pamiatajem situacyju, kali Alaksandr Łukašenka prydumaŭ sabie dekret ab darmajedach i pačaŭ krucić z padatkovym kodeksam. I zdavałasia b, nu padumaješ, 20 bazavych niaščasnych, dla staličnaha žychara nie takija vialikija hrošy. Ale kali my havorym pra ludziej, jakija žyvuć u hłybincy, jakija žyvuć u rehijonach, to heta było istotnym udaram pa ich biudžetach, asabliva ŭ vypadkach kali darosłyja dzieci nie ŭ stanie ŭładkavacca na pracu, žyli za košt piensii baćkoŭ, padzarablali niejkimi tam šabaškami nierehularnymi. Tut moža adbycca vielmi padobnaja situacyja», — nie vyklučaje Stryžak.

Jon nahadvaje, što ŭ Rasii pieršapačatkova pryzyvalisia i hinuli na vajnie, u asnoŭnym, pradstaŭniki rehijonaŭ, a stalicy heta nie tyčyłasia. U Biełarusi, kali tak pojdzie, moža adbycca zvarotnaja historyja.

«U rehijonach źniknieńnie niejkaj kolkaści ludziej budzie bolš prykmietnym, bo jak jakoha-niebudź hałoŭnaha zaatechnika kałhasa mabilizujuć, to heta vialikaja strata dla vytvorčaha pracesu, heta bolš prykmietna, heta moža vyklikać bolš razmoŭ, moža vyklikać bolš reakcyi», — ličyć jon.

Jon kaža, što treba budzie hladzieć na toje, jak buduć reahavać roznyja hrupy nasielnictva ŭ roznych častkach krainy. Jakim čynam heta paŭpłyvaje na hramadska-palityčnyja nastroi, zaraz skazać składana.

Ci zmoža BYSOL, u vypadku abviaščeńnia mabilizacyi, dapamahčy biełarusam schavacca ad jaje?

Stryžak nahadvaje, što na dadzienym etapie jość dźvie bazavyja opcyi. Heta atrymańnie śviežaj i vyčarpalnaj infarmacyi, jak možna pakinuć krainu praz kanał «BYSOL: vyjezd i evakuacyja» u Telegram, a druhaja opcyja — heta mahčymaść vyjezdu ludziej u ES z atrymańniem humanitarnaj vizy i dalejšaj mahčymaściu zastacca ŭ Jeŭrasajuzie.

«Druhaja opcyja bolš składanaja pa toj pryčynie, što jość kansalidavanaje mierkavańnie jeŭrapiejskich dziaržaŭ, što sama pa sabie pozva i sam pa sabie pryzyŭ jašče nie zjaŭlajucca niejkim pieraśledam pa palityčnych matyvach: čałaviek, naprykład, moža chacieć pajści ŭ vojska albo jon nie budzie pieraśledavacca pa zakonie ŭ suviazi z tym, što jaho pryzyvajuć. Prynamsi, pakul tak heta ŭsprymajecca ES», — kaža Stryžak.

Dla ludziej, u dačynieńni da jakich buduć zavodzicca kryminalnaja spravy albo niejki pieraśled pačniecca, u ich jość šaniec trapić u ES na humanitarnaj padstavie, miarkuje kiraŭnik BYSOL. Prynamsi, heta tyčycca Litvy, Polščy i Hiermanii, jakaja zajaŭlała, što budzie padtrymlivać rasijskich pryzyŭnikoŭ, jakija biahuć ad pryzyvu pa humanitarnych padstavach.

«Ale tut samaje važnaje — heta słova «humanitarnyja padstavy», — tłumačyć Stryžak. — Adnoj pozvy, chutčej za ŭsio, budzie niedastatkova, dla taho, kab abhruntavać, što vas pieraśledujuć u suviazi z admovaj ad słužby ŭ vojsku i ad udziełu ŭ bajavych dziejańniach.

Heta padobna da łohiki humanitarnych viz dla palityčna represavanych.

Kali čałaviek prosta kaža, mnie tak nie chočacca žyć u Biełarusi, tamu što tut u nas dyktatura i inšaje, što ja, napeŭna, pajedu, ale pry hetym jon nijakim čynam nie vystupaŭ, nie rabiŭ zajaŭ, nie stanaviŭsia publičnym, jašče niejkija dziejańni nie rabiŭ, to ŭ mnohich vypadkach hetyja sproby vyjezdu ŭsprymajucca Jeŭrasajuzam jak ekanamičnaja mihracyja. Tut samy važny momant — heta mienavita prysutnaść elemienta represii — parvać pozvu, uciačy, atrymać pieraśled niejki — heta ŭžo hramadzianski ŭčynak, heta pazicyja», — kaža jon.

Stryžak rekamienduje źviartacca ŭ ich arhanizacyju pa kansultacyju, jakija byvajuć miechanizmy vyjezdu, kab palehčyć sabie adjezd.

«Ja dumaju, što ŭ vypadku abviaščeńnia mabilizacyi, častkovaj, niečastkovaj, my znojdziem, što adkazać ludziam, tamu što ŭ nas užo napracavanaja praktyka: z pačatku vajny, z 24 lutaha pracuje haračaja linija, plus z pačatku 2021 hoda my pracujem pa indyvidualnych vyjezdach, u tym liku i pa składanych historyjach, tam, dzie ludzi nie zusim mohuć pakinuć terytoryju krainy ŭ suviazi z abmiežavańniami. Tamu ŭ lubym vypadku naša kamanda budzie pracavać u hetym kirunku. Usie ludzi, jakija traplajuć pad taki presinh, mohuć źviarnucca pa kansultacyju jak minimum, i, u vypadku, kali heta budzie nieabchodna, to i inšaja dapamoha budzie akazana», — kaža Stryžak.

Dapamoha BYSOL — biaspłatnaja, dadaje jon.

Čytajcie taksama:

Krynicy: Rašeńnie ab mabilizacyi ŭ Biełarusi pryniataje. Jana projdzie pad vyhladam pravierki bajazdolnaści 

Krynicy: Biełaruskim vajskoŭcam zabaranili vyjezd za miažu. Možna tolki ŭ Rasiju. Aficeram zapasu prapanujuć viartacca na słužbu

«Nienavučanych chłopcaŭ kidajuć na pieradavuju». Rasija zakipaje

Kamientary2

  • Pravdorub
    17.10.2022
    Była niechorošaja infa ob etom Strižakie....
  • upd
    17.10.2022
    Pravdorub , v łukašickoj pomojkie

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →