Śviet

Palavańnie na «Šachieda». Ranišni nalot dronaŭ na Kijeŭ vačyma vidavočcaŭ

U paniadziełak žycharoŭ Kijeva, jak i tydzień tamu, abudzili huki vybuchaŭ i sireny pavietranaj tryvohi. Zrešty, hetym razam žychary centralnych rajonaŭ stalicy pačuli i inšy huk — mocnaje hudzieńnie, padobnaje na ruchavik staroha mapieda, piša Bi-bi-si.

Ranica paniadziełka, 17 kastryčnika, pačałasia amal hetak ža, jak i tydzień tamu, raskazvaje Aleh.

Aleh žyvie na Łukjanaŭcy — heta histaryčny rajon Kijeva, što mieścicca za niekalki kiłamietraŭ ad centra stalicy. Tam, u pryvatnaści, raźmieščanyja internaty niekalkich kijeŭskich VNU.

Pieršy vybuch Aleh pačuŭ a 6.40 z boku čyhunačnaha vakzała. Kaža, što ŭžo pryvyk da padobnych hukaŭ, dzicia navat nie pračnułasia.

Ale chvilin praz 10—15 za voknami pačuŭsia novy huk — strałkovaj zbroi, uspaminaje kijaŭlanin.

«Jašče adzin novy huk — staroha mapieda — i my razumiejem, što idzie palavańnie na «Šachieda». Dzicia z mamaj idzie ŭ vannu, a ja vyhladvaju ŭ akno. Sapraŭdy, mietraŭ za 100 lacić dron. Dziŭna, ale ŭ pramianiach sonca jon nie čorny, a jarka-žoŭty. Za siekundu razdajecca vybuch. Mierkavana za 2 km ad majho doma», — raskazvaje Aleh.

Padobnych vybuchaŭ ranicaj u Šaŭčenkaŭskim rajonie Kijeva było jašče čatyry ci piać, śćviardžaje jon.

«I pačałosia: pieršy, druhi, treci»

«U 6:20 pačała skuholić sirena. Ja jašče spała i nie mahła zrazumieć — heta ŭ mianie ŭ hałavie ci nasamreč, — uspaminaje kijaŭlanka Aksana. — Chutka pieraniesła padušku i koŭdru ŭ vannu. I pačałosia: pieršy, druhi, treci».

Aksana apisvaje mocny i niepryjemny huk u niebie — ich utvarajuć drony, jakija napali na Kijeŭ ranicaj. Zatym pačulisia streły i hučny vybuch.

«Situacyja napružanaja i niezrazumiełaja. Niama siły. Heta vielmi strašna», — kaža Aksana, jakaja žyvie ŭ centry.

«Było vielmi hučna»

«Ja čuŭ vybuchi, pakul ranicaj zavarvaŭ kavu. Huk byŭ toj ža, što padčas udaraŭ u minuły paniadziełak rakietami. Usie pachavalisia ŭ kalidory. Krychu paźniej pačuli: «brazhoča mapied» i jak pa im stralajuć», — raspaviadaje Dźmitryj.

«Na hety raz było vielmi hučna», — dadaje jon.

Aŭtamaty i sihnalizacyi

Karespandent Bi-bi-si Poł Adams, jaki znachodziŭsia ŭ centry Kijeva, udakładniaje, što vybuchi pačalisia kala 06:30 i ŭsiaho ich było piać. Apošni — kala 08:10.

Dva dakładna adbylisia pablizu centra ŭkrainskaj stalicy: tam na huk vybuchu zreahavali sireny i aŭtamabilnyja sihnalizacyi.

Huki strełaŭ kijeŭcy čuli, kali vajskoŭcy sprabavali źbić drony prosta z aŭtamataŭ. Videazapis pa mienšaj miery adnaho takoha «pierachopu» vykładzieny ŭ sacsietkach.

Jakija mienavita celi mieli paškodzić drony, pa zadumie rasijskich vajskoŭcaŭ, skazać ciažka. U meryi Kijeva kažuć, što ŭ vyniku nalotu paciarpieli žyłyja i niežyłyja budynki. Čyhunačniki kažuć, što vybuchi adbylisia niepadalok ad vakzała Kijeŭ-Pasažyrski.

Poł Adams nahadvaje, što niekalki apošnich rasijskich napadaŭ byli nakiravanyja na enerhietyčnuju infrastrukturu Ukrainy. Jak vidać, ranišni nalot u paniadziełak taksama byŭ nakiravany na toje, kab parušyć pracu žyćciova važnych słužbaŭ ukrainskaj stalicy.

Kamientary

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →