Ministerstva abarony Ukrainy harantuje vypłatu 100 tysiač dalaraŭ za pieradaču vajennaha złačynca Ihara Hirkina (Strałkova) va ŭkrainski pałon, paviedamiła pres-słužba Hałoŭnaha ŭpraŭleńnia raźviedki.
«Viadoma, što adzin z najbolš viadomych rasijskich terarystaŭ navažyŭsia adnavić svoj udzieł u vajnie suprać našaj dziaržavy. Ihar Hirkin (Strałkoŭ) — rasijski teraryst, były tak zvany ministr abarony «DNR». Ciapier SBU i Hienieralnaja prakuratura raspačali suprać Hirkina šerah spraŭ za terarystyčnuju dziejnaść, katavańni, zabojstvy i parušeńni dziaržaŭnaha suvierenitetu», — havorycca ŭ paviedamleńni.
U im taksama zhadvajecca, što Niderłandy taksama abviaścili Hirkina ŭ mižnarodny vyšuk pa spravie ab źbićci ŭ 2014 hodzie hramadzianskaha samalota Boeing 777 rejsa MH17.
Pierad hetym prachodziła infarmacyja, što Ihar Hirkin, jaki pierad tym nabyŭ vialikuju papularnaść jak błohier, jaki niaspynna krytykavaŭ niazdarnaść Kramla pry praviadzieńni «śpiecapieracyi va Ukrainie», nibyta adpraviŭsia vajavać na front sam. Za jaho hałavu ŭžo paabiacali ŭznaharodu niekalki pryvatnych asob, ahulnaja suma dasiahała 50 000 dalaraŭ.
Čytajcie taksama:
Hirkin nibyta pajechaŭ vajavać, za ŭziaćcie jaho ŭ pałon abiacajuć vialikija hrošy
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha13
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary