Pradali karcinu, jakuju Marharyta Laŭčuk namalavała vałasami. Hrošy pojduć rodnym Alesia Puškina
Karcinu, napisanuju opiernaj śpiavačkaj Marharytaj Laŭčuk, pradali na aŭkcyjonie za $600, paviedamlaje @by_culture. Usie hrošy buduć skiravanyja rodnym palitźniavolenaha mastaka Alesia Puškina.
Karcinu kupiŭ ajcišnik, jaki źjechaŭ ź Biełarusi ŭ 2021 hodzie.
«Spačatku čakaŭ, spadziavaŭsia, što budzie chutka… ale potym stała zrazumieła. Nie było pieraśledu, ale hulaŭ, malavaŭ, šyŭ dy viešaŭ, tamu było niaŭtulna. Taksama było vielmi brydka płacić padatki, navat u kramie. Vuču małych movie, spadziavajusia viarnucca», — raspavioŭ jon pra siabie Biełaruskaj radzie kultury.
Mužčyna skazaŭ, što karcinu nabyŭ, bo jamu padabajecca Laŭčuk i jaje tvorčaść, a pa-druhoje — heta jaho «danat na padtrymku siamji Alesia i biełaruskaj kultury ŭvohule».
Kamientary