AAN pryznała taniec častkaj suśvietnaj kulturnaj spadčyny.
A tam dzie dno, im usio adno, jość tolki rytm, serca i Tanha. AAN pryznała tanha častkaj suśvietnaj kulturnaj spadčyny. Heta stała mahčymym adno paśla taho, jak dźvie dziaržavy,
Arhientyna i Uruhvaj, jakija šmat hadoŭ zmahalisia mižsobku za prava nazyvacca radzimaj tanca, ściemili, što dla tanha treba dvoje. I nadoječy razam aficyjna źviarnulisia ŭ adździeł AAN, jaki zajmajecca pytańniami zachavańnia kulturnaj spadčyny — JUNESKA.
24 siabry kamisi, što zasiadała ŭ Abu-Dabi, dali tanha aficyjny pryznańnie, jakoje dapamoža tancu zachavacca jak źjavie kultury. Čakajecca, što hety krok padściabnie ŭrady Arhientyny i Uruhvaju pavialičyć subsidyi ŭ svoj druhi, paśla jałavičyny, samy paśpiachovy ekspartny pradukt.
«My vielmi hanarymsia, — skazaŭ Hiernan Łambardzi, kiraŭnik departamientu kultury Buenasa-Ajresa, — i spadziajemsia, što pastanova paspryjaje pašyreńniu tanca na płaniecie i pavieličeńniu prytoku turystaŭ».
Tanha naradziłasia ŭ pracoŭnych pryharadach Montavidea i Buenas-Ajresa na pačatku XX stahodździa. Ciapier jaho tančać pa ŭsim śviecie. Apošniaj chvali papularnaści tanha paspryjali telepieradačy kštałtu «Tancaŭ z zorkami», jakija išli ci nie va ŭsich zachodnich krainach, a taksama bradviejski mjuzykł «Tanha nazaŭždy».
Vy nie pavierycie, kim akazaŭsia «vypadkovy» bajanist na vakzale, jaki śpiavaŭ pra Łukašenku19
Kamientary