Ułada11

20 hadoŭ adradžeńniu Biełaruskaj ryma‑katalickaj carkvy

Spoŭniłasia 20 hadoŭ adradžeńnia struktur Biełaruskaj ryma‑katalickaj carkvy, paviedamiŭ BiełaPAN pres‑sakratar BRKC ksiondz Alaksandr Amialčenia.

Pavodle jaho słoŭ, kala vytokaŭ hetaha adnaŭleńnia stajaŭ mitrapalit Minska‑Mahiloŭski arcybiskup Tadevuš Kandrusievič, jakoha 25 lipienia 1989 hoda Vatykan uźvioŭ u san biskupa i pryznačyŭ apostalskim administrataram Minskaj dyjacezii dla katolikaŭ Biełarusi — pieršym biskupam za bolš čym 60‑hadovuju adsutnaść u krainie ijerarcha rymska‑katalickaj carkvy.

13 krasavika 1991 hoda Kazimir Śviontak byŭ pryznačany mitrapalitam navastvoranaj Minska‑Mahiloŭskaj archidyjacezii i apostalskim administrataram adnoŭlenaj Pinskaj dyjacezii, a Alaksandr Kaškievič — ardynaryjem Hrodzienskaj dyjacezii.

Zatym była stvorana mitrapalitalnaja kamisija pa pierakładzie liturhičnych tekstaŭ i relihijnaj litaratury na biełaruskuju movu, pačali vychodzić katalickija časopisy «Dyjałoh», «Ave Maria» i «Naša viera», infarmacyjny biuleteń «Katalickija naviny», pačała dziejničać Kanfierencyja katalickich biskupaŭ Biełarusi, jakuju ŭznačaliŭ kardynał Śviontak.

30 vieraśnia 2000 hoda zaviaršyŭ svaju pracu sinod Minska‑Mahiloŭskaj archidyjacezii, Viciebskaj i Pinskaj dyjacezij, jaki praciahvaŭsia čatyry hady i byŭ pieršym za paślavajenny čas. Sinod vypracavaŭ statuty BRKC pa ŭsich hałoŭnych nakirunkach jaje dziejnaści.

«Z kožnym hodam pavialičvajecca kolkaść parafij i viernikaŭ, restaŭrujucca i budujucca novyja kaścioły. Biełaruskaja mova pastupova stanovicca movaju relihijnaha žyćcia katolikaŭ», — skazaŭ ksiondz Alaksandr.

U intervju abnoŭlenamu interniet-sajtu satholic.by mitrapalit Tadevuš Kandrusievič siarod aktualnych napramkaŭ dziejnaści BRKC nazvaŭ raźvićcio kantaktaŭ sa ŚMI, vydańnie relihijnaj, liturhičnaj i teałahičnaj litaratury, pašyreńnie pracy z moładździu, praviadzieńnie kanfierencyj pa aktualnych prablemach carkvy i sučasnaha žyćcia, budaŭnictva novych kaściołaŭ, stvareńnie teałahičnaha fakulteta, raźvićcio mižkanfiesijnaha dyjałohu i adnosin z hramadstvam.

Pavodle infarmacyi BRKC, u krainie pražyvaje kala 1,5 młn. viernikaŭ katalickaha vieravyznańnia. Pastyrskuju apieku nad imi niasuć prykładna 430 śviataroŭ, ź jakich amal 260 źjaŭlajucca hramadzianami Biełarusi. U carkvie pracujuć kala 410 siaścior, 240 ź ich — biełaruskaha pachodžańnia. U krainie zarehistravana amal 440 parafij, 350 ź ich majuć kaścioły. U dźviuch sieminaryjach i manaskich supolnaściach da śviatarstva rychtujucca prykładna 140 kandydataŭ.

Kamientary1

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →