Hramadstva66

Aleksin dušyć Tapuzidzisa. I blizki da pośpiechu

Pahłyblajecca kanflikt pamiž prateže Viktara Łukašenki Alaksiejem Aleksinym i inšym nabližanym da siamji Łukašenkaŭ multymiljanieram — Paŭłam Tapuzidzisam. Praz toje, što zakryŭsia ekspart kaliju i draŭniny, stała ciažej «zašyvać» u hruzavyja vahony kantrabandnyja cyharety. A za ŭnutrany rynak razharnułasia baraćba z vykarystańniem udaraŭ nižej za pojas. 

Fota: Tut.by, BiełTA

Minskija biznes-koły nazirajuć za raźvićciom kanfliktu dvuch ciažkavahavikaŭ biełaruskaj kamiercyi. «Biznesmien udačy» Alaksiej Aleksin tyča pałki ŭ koły tytuniovaj vytvorčaści inšaha mastadonta — Paŭła Tapuzidzisa. 

«Tytuń-Inviest» Tapuzidzisa — kankurent aleksinaŭskich «Enierha-oiła» i «Inter-Tabaka». Abodva biznesmieny skałacili kapitały na cyharetach — śfiera ekanomiki, kudy ŭ Biełarusi puskajuć tolki samych nadziejnych. 

Aleksin u hetaj spravie dabiŭsia bolšaha. Jaho puścili na dziaržaŭnuju Hrodzienskuju tutyniovuju fabryku, i jon pravioŭ tam šmatmiljonnuju madernizacyju na, jak ličycca, kredytnyja srodki. Pry hetym jon atrymaŭ ekskluziŭnaje prava pradavać hrodzienskuju pradukcyju. 

Pa dziŭnym supadzieńni kantrabandnaja pradukcyja mienavita hetaj fabryki zaliła krainy Jeŭrasajuza nieŭzabavie paśla madernizacyi. Litoŭcy łavili kantrabandu navat u vahonach z kalijem. 

Žurnalisty-rasśledavalniki ličać, što abjomy, jakija pahłynała kantrabanda, śpisvalisia na abaroty manapolnaj sietki pa prodažy cyharet «Tabakierka», jakaja sprutam raskinułasia pa ŭsioj krainie i naležyć taksama «Enierha-oiłu» Aleksina.

Varta adznačyć, što kantrabandnaja pradukcyja fabryki «Tytuń-Inviest» Tapuzidzisa ŭ zvodkach kanfiskavanaha ŭ Polščy i Litvie nie fihuravała. 

U biznes-kołach ličycca, što Tapuzidzis nie ryzykavaŭ hulacca ŭ kantrabandu elitnych marak cyharet, jakija jon vyrablaje pa licenzii. 

Maŭlaŭ, jak tolki vahony z «Kemełam» ci «Ryčmandam» ź biełaruskimi akcyzami pačali b źjaŭlacca ŭ Jeŭropie, licenziju na ich vyrab u Tapuzidzisa b adabrali. 

Aleksin, u svaju čarhu, śpiecyjalizujecca na ajčynnych markach typu «Fest» i «Minsk». 

Status-kvo byŭ hadami niaźmienny, i kožny ź ich zarablaŭ na svaim i jak moh. Ale paśla pačatku vajny i ŭviadzieńnia maštabnych sankcyj suprać krain-ahresarak rynak zatresła. 

«Paśla ŭviadzieńnia sankcyj na kalij i drevaapracoŭku ŭźnikła situacyja, kali kantrabandu prosta niama kudy «zašyvać» — praz hranicu mała što jedzie.

Sprabavali jašče niejak vazić praz Rasiju u Jeŭropu, ale ruskim taksama ŭsio pierakryli.

Takim čynam, źjavilisia zvyšabjomy, jakija raniej išli na Zachad. Ich ciapier treba realizoŭvać na ŭnutranym rynku, a taksama akuratnieńka pchać u Rasiju, jakaja heta nie vielmi lubić.

A stolki cyharet na ŭnutranym rynku nie treba — tamu Aleksin nie vielmi pa-džentelmiensku dušyć Tapuzidzisa, karystajučysia svaim upłyvam i blizkaściu da ŭpłyvovych asob na samym viersie», — raskazaŭ «Našaj Nivie» surazmoŭca z dadzienaj śfiery. 

«Prosta prykryć fabryku Tapuzidzisa niemahčyma. Tamu vyšukvajecca zakonny sposab abmiežavać mahčymaści kankurenta, a ŭ stratehičnaj pierśpiektyvie — pastavić na kaleni i vykupić, ja dumaju. Sens u tym, što i hrodzienskaja dziaržaŭnaja fabryka, i «Inter-Tabaka» Aleksina pracujuć zhodna z vydadzienymi kvotami (u Biełarusi dziaržava vydaje i rehuluje kvoty na vyrab tytuniovaj pradukcyi. — NN). A voś u Tapuzidzisa na fabryku kvotaŭ užo niama i novych amal nie vydajuć.

Zavod «Tytuń-Inviesta» ŭžo jaki miesiac prastojvaje pad vyhladam «madernizacyi i ramontu», a pa fakcie — staić, bo nie vydajuć kvot», — raskazali abaznanyja krynicy. 

«U jaho [Tapuzidzisa] zastaŭsia mały limit na sietku svaich kram, voś na svaje kramy i adhružajuć litaralna adzin tydzień u miesiac», — dadaje abaznanaja krynica. 

Miechanizm vyznačeńnia kvot u Biełarusi ŭ pryncypie nie prazrysty — u adkrytym dostupie niama infarmacyi ab ich pamierach.

Publikavać hetyja źviestki pierastali z 2016-ha. 

Adsutnaść kvot u adkrytym dostupie nie daje mahčymaści supastavić kolkaść vyrablenych cyharet i maksimalnuju hipatetyčnuju kolkaść, jakuju mohuć vykuryć biełarusy. A, značyć, i kolkaść cyharet, jakaja źnikaje ŭ «nikudy».

Vydaje kvoty Minekanomiki pa ŭzhadnieńni z «Biełdziaržcharčpramam», MARHam, Biełaruskim respublikanskim sajuzam spažyvieckich tavarystvaŭ i «inšymi zacikaŭlenymi». «Inšymi zacikaŭlenymi» — prosta tak i pišacca ŭ adpaviednaj pastanovie Saŭmina ad 2016-ha hoda. 

Kryteryi taksama razmytyja: «sychodziačy z bałansu vytvorčaści i spažyvańnia ŭ Biełarusi», prapanovy jurydyčnych asob, siarednieterminovych prahnoznych paramietraŭ i pakazčykaŭ vytvorčaści tytuniovych vyrabaŭ, vynikaŭ vykanańnia hrafika vytvorčaści tytuniovych vyrabaŭ u hodzie, jaki papiaredničaŭ 3-hadovamu pieryjadu, na jaki ŭstanaŭlivajucca kvoty».

Pačynajučy z 2016-ha, kvoty vydajucca adzin raz na try hady z mahčymaściu pierahledžvańnia ich kožny hod. 

Apošnija viadomyja pamiery kvot krucilisia vakoł 30 miljardaŭ štuk štohod i rehularna pavialičvalisia. 

Kamientary6

  • Josik
    13.10.2022
    A ja kinuŭ palić daŭno.
    Niachaj arhanizujuć dvuboj, pažadana z vykarystańniem zbroi. Usio nie nažarucca.
  • daviedka
    13.10.2022
    Vot naznačat eks-ministra Karajeva novym hiendiriektorom "Hrodno Azot" — on vsio i razrulit s kontrabandoj.
  • Płej Hraund
    13.10.2022
    Pisatiel siej staťji sovieršienno nie v kursie sostojanija otraśli i juridičieskoj prinadležnosti niekotorych upomianutych v staťje aktivov.
    Riad faktov prosto nie sootvietstvujut diejstvitielnosti.
    A vot kto koho dušit ,vozmožno ,avtoru vidnieje ))

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →