Hałoŭčanka: Pytańnie z rasijskim padatkovym manieŭram vyrašanaje
Biełaruś i Rasija vyrašyli pytańnie z padatkovym manieŭram dziakujučy padpisańniu damovy ab uskosnych padatkach. Pra heta zajaviŭ premjer-ministr Biełarusi Raman Hałoŭčanka.
«Adzin z takich znakavych momantaŭ, jaki znajšoŭ adlustravańnie ŭ hetaj damovie — rašeńnie prasłavutaha pytańnia pa zvarotnym akcyzie, jaki šmat hadoŭ abmiarkoŭvaŭsia. Heta źviazana z canoj nafty dla biełaruskaha boku.
Tamu pahadnieńnie ŭ tym liku, akramia ŭnifikacyi padychodaŭ pa źbirańni ŭskosnych padatkaŭ, PDV, akcyzaŭ, faktyčna vyraŭnoŭvaje ŭmovy dla biełaruskich subjektaŭ i rasijskich haspadarak. Jany buduć pracavać u adzinym pravavym padatkovym poli.
… Rasijskija kalehi pajšli nasustrač, i ciapier prablema, jakaja doŭhi čas peŭny niehatyŭ stvarała ŭ ekanamičnym paradku, jana taksama vyrašanaja», — raspavioŭ Hałoŭčanka paśla padpisańnia damovy.
Rasija pačała padatkovy manieŭr u 2019 hodzie. Jon maje na ŭvazie pamianšeńnie pamieru ekspartnaj pošliny na naftu i pavieličeńnie na toj ža pamier padatku na zdabyču karysnych vykapniaŭ. U vyniku pošlina faktyčna ŭklučajecca ŭ canu nafty, jakuju kuplajuć biełaruskija NPZ, u toj čas jak rasijskim NPZ urad RF kampiensuje častku strat ad pavyšeńnia koštu syraviny.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni12
Kamientary