Śledčy kamitet raspačaŭ kryminalnuju spravu suprać režysiorki filma «Kalinoŭski»
Śledčy kamitet raspačaŭ kryminalnuju spravu suprać režysiorki Volhi Švied. Siłaviki paličyli, što stvaralnica filma «Kalinoŭski» raspalvaje nacyjanalnuju varožaść, paviedamlaje «Biełsat».
Volha Švied, scenarystka i režysiorka filma «Kalinoŭski» raskazała, što litaralna paśla vychadu na «Biełsacie» stužki Śledčy kamitet raspačaŭ suprać jaje kryminalnuju spravu pavodle art. 130 KK («Raspalvańnie nacyjanalnaj varožaści»).
«Kalinoŭski kazaŭ: «Tady tolki zažyvieš ščaśliva, narodzie, kali maskala nad taboj nie budzie». Tut abraza i Kramla, i ŭschodnich susiedziaŭ. Asabliva kali idzie vajna va Ukrainie i revalucyja ŭ 2020 hodzie była zdušanaja pry ŭdziele Pucina i pa scenaryi paŭstańnia 1863 hoda. Film atrymaŭsia nadzvyčaj aktualny, tamu SK nijak mima nie moh praści», — prakamientavała Volha Švied svaju spravu ŭ razmovie z «Biełsatam».
Režysiorka taksama dadała, što nie atrymała pozvu, pakolki stała žyvie za miažoj i maje adpaviedny pašpart sieryi RR, tamu jaje niama kudy dasyłać.
Taksama stała viadoma, što hałoŭny hieroj filma historyk Vasil Hierasimčyk pakinuŭ Biełaruś u suviazi ź pieraśledam z boku siłavikoŭ.
Łukašenka ŭpieršyniu źjaviŭsia na publicy razam z mamaj Koli22
Kamientary