Pra toje, što pieršym kasmanaŭtam suvierennaj Biełarusi, chutčej za ŭsio, stanie dziaŭčyna, paviedamiŭ staršynia Prezidyuma Nacyjanalnaj akademii navuk Biełarusi Uładzimir Husakoŭ u kułuarach ekśpiertna-miedyjnaha forumu «Pramysłovaje i navukova-technałahičnaje supracoŭnictva Rasii i Biełarusi. Navuka. Kosmas. Adukacyja».
«My pavinny pradstavić hrupu našych pretendentaŭ dla miedycynskaha abśledavańnia litaralna ŭ najbližejšyja dni. Pavinna być uchvalenaja kandydatura našaha kasmanaŭta, dumaju, što heta budzie dziaŭčyna — i asnoŭny kasmanaŭt, i dublor», — skazaŭ Husakoŭ.
Jon udakładniŭ, što papiarednie adabranaja hrupa ŭ składzie 20 čałaviek.
«Hrupa adabranaja salidnaja. Tut [u Rasii] jany projduć hłybokaje miedycynskaje abśledavańnie, a dalej — padrychtoŭka», — skazaŭ Husakoŭ, adznačyŭšy, «najvielizarniejšuju dapamohu Rasii pa ŭsich pytańniach».
Čynoŭnik ad navuki taksama paviedamiŭ, što palot biełaruskaha kasmanaŭta abmiarkoŭvaŭsia 28 vieraśnia na sustrečy z kiraŭnikom «Raskosmasu» Juryjem Barysavym.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść14
Kamientary