Vajna

«Na Danbas usim pofih». Kolki hałasoŭ źbirajucca namalavać na «refierendumach»

Miarkujecca, što za «dałučeńnie» prahałasuje prykładna 90 pracentaŭ.

«Hałasavańnie» ŭ Chiersonie. Fota TASS

23 vieraśnia ŭ samaabvieščanych DNR i ŁNR, a taksama na zachoplenych rasijskim vojskam terytoryjach Chiersonskaj i Zaparožskaj abłaściej Ukrainy pačalisia «refierendumy ab dałučeńni da RF». Pradoŭžacca jany da 27 vieraśnia. Ahučanyja prykładnyja vyniki «hałasavańnia».

Jak paviedamlaje «Mieduza», «hałasavańnie» na akupavanych terytoryjach budzie padobnaje na situacyju z «refierendumam» pierad anieksijaj Kryma ŭ 2014 hodzie. A mienavita: u pieršy dzień adkryjecca nievialikaja kolkaść učastkaŭ, na jakija «mabilizujuć» prarasijskich žycharoŭ. U vyniku, padkreślili krynicy, heta dazvolić rasijskaj prapahandzie «pakazać karcinku» z čerhami pierad učastkami i nibyta vysokaj jaŭkaj na miescach. Takija siužety ŭžo źjavilisia ŭ rasijskich dziaržaŭnych ŚMI.

Pavodle źviestak dźviuch krynic «Mieduzy», blizkich da Kramla, rasijskija ŭłady majuć namier «zabiaśpiečyć» nastupnyja vyniki «refierendumaŭ»:

u DNR i ŁNR — prykładna 90% za «dałučeńnie da RF» pry jaŭcy kala 90%;

na akupavanych terytoryjach Chiersonskaj i Zaparožskaj abłaściej — prykładna 90% za «dałučeńnie» pry jaŭcy kala 80%.

Rasijski VCIOM 23 vieraśnia ŭžo apublikavaŭ vyniki apytańniaŭ, zhodna ź jakimi ŭ samaabvieščanych DNR i ŁNR u «refierendumie» źbirajucca ŭziać udzieł 87% respandentaŭ, a «prahałasavać» za «dałučeńnie da RF» majuć namier 97% ź ich. U Chiersonskaj vobłaści, pavodle źviestak VCIOM, «hałasavać» źbirajucca 69%, a padtrymać «dałučeńnie da Rasii» — 89% ź ich. U Zaparožskaj vobłaści pryjści na «refierendum» nibyta źbirajecca 80%, a padtrymać pastanovu Kramla — 87%.

Krynica «Mieduzy», blizkaja da AP, nazvała vyniki hetaha apytańnia «farmujučymi» — kab padrychtavać rasijskaje hramadstva da aficyjna abvieščanych vynikaŭ «hałasavańnia».

Sami «plebiscyty» dva surazmoŭcy «Mieduzy», blizkija da Kramla, nazvali «rytuałam ź viadomym vynikam» — i adznačyli, što ŭ AP užo płanujuć pravieści na akupavanych terytoryjach vybary ŭ miascovyja orhany ŭłady. Surazmoŭcy padkreślili, što pratestaŭ ad žycharoŭ akupavanych terytoryj padčas «refierendumaŭ» nie čakajuć, ale nie vyklučajuć, što ŭkrainskija siły mohuć praciahnuć kontrnastupleńnie.

Pry hetym adna z krynic dadała: u Kramli ŭžo nie spadziavajucca, što dałučeńnie novych terytoryj vykliča ŭ Rasii rost padtrymki ŭłady: «Na Danbas bolšaści ***** [usio roŭna]. Ciapier narod zakłapočany mabilizacyjaj».

Kamientary

Niemiec, prysudžany da rasstrełu, datyčny da dyviersij? Voś što za historyja heta mahła być5

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie17

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych17

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być5

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →