Zdaroŭje1111

Śniacca kašmary pa načach? Heta moža być rańniaj prykmietaj demiencyi

Navukoŭcy ŭ chodzie daśledavańnia pryjšli da vysnovy, što ludzi, jakija chacia b raz na tydzień bačać kašmary ŭ śnie, u čatyry razy bolš schilnyja da paharšeńnia kahnityŭnych funkcyj, piša The Guardian.

Fota: Pixabay.

Vyniki novaha maštabnaha daśledavańnia suviazi demiencyi i snu mohuć pryvieści da znachodžańnia novych sposabaŭ vyjaŭleńnia prykmietaŭ hetaj chvaroby.



Tolki 5% ludziej siaredniaha ŭzrostu bačać kašmary štotydzień.

Bolšaść ludziej čas ad času pakutujuć ad błahich snoŭ, ale ž tolki 5 adsotkaŭ darosłych ludziej bačać sapraŭdnyja kašmary prynamsi raz na tydzień. Stres, tryvožnaść i niedachop snu źjaŭlajucca patencyjnymi tryhierami hetaj źjavy, ale papiarednija daśledavańnia chvaroby Parkinsona taksama źviazvali častyja kašmary z paskoranym paharšeńniem kahnityŭnych zdolnaściaŭ i raźvićciom demiencyi ŭ budučyni.

Kab vyśvietlić, ci toje samaje praŭdziva dla zdarovych darosłych ludziej, daktary vyvučyli danyja apošnich troch daśledavańniaŭ na hetu temu. Daśledčyki analizavali jakaść snu ŭdzielnikaŭ, a potym nazirali za imi na praciahu mnohich hadoŭ, pieryjadyčna adsočvajučy stan zdaroŭja mozha kožnaha. U daśledavańni ŭziali ŭdzieł zvyš 600 ludziej siaredniaha ŭzrostu (ad 35 da 64 hadoŭ), i jašče 2600 ludziej, jakim było pa 79 hadoŭ i bolš.

Ich danyja praanalizavali, kab vyśvietlić, ci tyja ludzi, što čaściej bačyć kašmary, sapraŭdy bolš schilnyja da paharšeńnia razumovych zdolnaściaŭ, i jaki pracent ź ich urešcie atrymlivaje dyjahnaz demiencyi.

Siarod pažyłych udzielnikaŭ u tych, chto časta paviedamlaŭ ab tryvožnych snach, u nastupnyja hady ŭ dva razy čaściej dyjahnastavałasia demiencyja.

Adnym mahčymym tłumačeńniem hetamu moža być toje, što ludzi, jakim śniacca kašmary, majuć nižejšuju jakaść snu. Błahaja jakaść snu, u svaju čarhu, pryvodzić da taho, što nabirajecca bolšaja kolkaść tych białkoŭ, jakija časta źviazvajuć z uźniknieńniem demiencyi.

Druhoje mahčymaje tłumačeńnie — hienietyčny ŭpłyŭ, jakim abumoŭlivajecca i jakaść snu, i chutki zaniapad kahnityŭnych zdolnaściaŭ.

Imavierna, nejradehienieratyŭnyja pracesy ŭ piaredniaj doli mozha ŭskładniajuć zdolnaść ludziej kantralavać svaje emocyi padčas snu, što ŭ svaju čarhu pryvodzić da kašmaraŭ.

My viedajem, što niejradehienieratyŭnyja zachvorvańni, takija jak chvaroba Parkinsana abo Alchajmier, zvyčajna pačynajucca praz šmat hadoŭ paśla ich dyjahnazavańnia. U niekatorych asob kašmary mohuć śviedčyć, što jany ŭžo majuć nejradehienieratyŭnaje zachvorvańnie, što raźvivajecca.

Tolki niekatoryja častka darosłych ludziej, jakija pieryjadyčna śniać kašmary, nasamreč majuć pavialičanuju ryzyku raźvićcia demiencyi. Tym nie mienš, kali suviaź pamiž kašmarami i ryzykaj demiencyi budzie kančatkova paćvierdžana, to ich najaŭnaść u budučyni moža vykarystoŭvacca dla znachodžańnia asob, jakija sapraŭdy majuć pavyšanuju ryzyku raźvićcia hetaj chvaroby.

Najlepšy sposab spravicca z demiencyjaj — jaje praduchileńnie. Jość niekalki faktaraŭ, na jakija zaŭsiody možna paŭpłyvać — kiepskaje charčavańnie, niedachop fizičnaj aktyŭnaści, kureńnie i złoŭžyvańnie ałkaholem.

Kamientary11

  • Čmiel
    25.09.2022
    A kali ŭvohule sny adsutničajuć, albo kali jany (sny) duža redka ŭźnikajuć, heta što aznačaje ? Prymaju tolki surjoznyja viersyi, kali łaska.
  • --
    25.09.2022
    Čmiel, u durku. terminova ŭ durku. "vy - naš klijent" - heta vam skaža luby psichiatr.
    nuŭ... psichijatram ža taksama jeści achvota
  • Čmiel
    25.09.2022
    --, nie biaruć. Kažuć, kštałtu, vali adsiedava, prytuła, šłanh i simulant. Psychijatary, heta ŭvohule nie miedyki, a tak, trynduny-imitatary j prystasavancy. Tamu na majo pytańnie adkazu j nie jsnuje.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ11

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →