Hramadstva44

Što z avijabazaj u Łunincy? Zdajecca, ruskija taki razhortvajucca, ale admovilisia ad płanaŭ stavić samaloty

Na pačatku hoda rasijskija ŚMI paviedamlali ab płanach Rasii abstalavać aeradrom u Łunincy pad vajskovuju bazu. Faktyčna, u hetaj roli aeradrom i vykarystoŭvaŭsia rasijskaj armijaj ciaham niaŭdałaha ŭvarvańnia va Ukrainu. Što tam ciapier? 

Łuniniec. Fota sa spadarožnika Sentinel-2 L2A ad 5 vieraśnia.

U studzieni 2022-ha, da vajny, rasijskija ŚMI strakatali, što ŭ Łunincy źjavicca rasijskaja avijabaza, na jakoj raźmieściacca SU-30 i SU-35. 

Aficyjnych zajavaŭ na hety kont nie było, ale raboty, vyhladaje, pačalisia — «Radyjo Svaboda» u žniŭni publikavała śviežyja spadarožnikavyja zdymki aeradroma ŭ Łunincy. 

«Valicca les, znosiacca staryja anhary i rasčyščajucca placoŭki pad budaŭnictva novych abjektaŭ», — takija byli vysnovy paśla analizaŭ fota. 

Infahrafika: svaboda.org

Pradstaŭniki manitorynhavaj hrupy «Biełaruski Hajun» skazali «Našaj Nivie», što budaŭnictva viadziecca z krasavika, jany majuć infarmacyju prynamsi ab pieravozcy aeradromnych plitaŭ ź inšych rehijonaŭ respubliki pad Łuniniec. 

Dyk što tam uzvodzić Rasija? Naziralniki ličać, što heta sapraŭdy moža być rasijskaja baza. Praŭda, užo biez samalotaŭ, bo situacyja źmianiłasia. 

«Ciapier raźmiaščać takija kaštoŭnyja samaloty za 40 kiłamietraŭ ad miažy z Ukrainaj davoli ryzykoŭna — u Kijeva ciapier jość Chajmarsy», — kaža adzin z apytanych ekśpiertaŭ. 

«Zdajecca bolš imaviernym raźmiaščeńnie tam zienitna-rakietnych kompleksaŭ S-400. U Rasii isnuje prablema, što, kali amierykancy daduć Ukrainie dalnabojnyja rakiety dla Chajmarsaŭ, jakija mohuć lacieć bolš za 300 kiłamietraŭ, i pa składanaj trajektoryi, to heta aznačaje, što celi na terytoryii Rasii mohuć być atakavany z pralotam rakiety nad terytoryjaj Biełarusi, dzie niama tałkovaj supraćpavietranaj abarony. 

Vyhladaje łahičnym raźmiaščeńnie ŭ Biełarusi S-400 dla praduchileńnia takoha scenara», — skazaŭ ekśpiert. 

Z hetym pahadžajecca vajskoviec, jaki taksama ličyć, što ad płanaŭ raźmiaščeńnia čystaj avijabazy ruskija mahli ŭžo admovicca na fonie padziej. 

«Na ich miescy było b łahičniej raźmiaščać tam srodki SPA, REB, bazu BPŁA, heta racyjanalna ŭ ciapierašniaj situacyi, kali hetym samalotam ukraincy nie daduć pastajać spakojna, zrabić z Łuninca — Čarnabajeŭku heta sprava adnaho zahada. Nu i, pry rakietnaj atacy moža bachnuć i ŭ samim horadzie, tam adlehłaść da žyłych masivaŭ u zonie pahrešnaści starych savieckich rakiet. Dumaju, naša hetak zvanaje palityčnaje kiraŭnictva budzie nastojvać što «kali i baza, to — abarončaja», — skazaŭ «Našaj Nivie» vajskoviec. 

Kamientary4

  • Žychar
    23.09.2022
    U maryjanietki i nie pytajucca ci ź jaho zhody?
  • Maksim Dizajnier
    23.09.2022
    Priekrasno. Nad Łuniencom budut śbivať ukrainskije chajmarsy. Oskołki budut padať na ST iz h i pałok. A možiet jeŝie i po samomu Łuniencu, točnieje, aerodromu fihačiť budut. A možiet i po Baranovičam. I jeŝie po čiemu-nibud́.
  • dočka Maksa Dizajniera
    23.09.2022
    a kuda eto sobirajutsia letieť nad Łunincom ukrainskije (?) chajmarsy?

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

Litoviec raskazaŭ, jak trapiŭ u połk Kalinoŭskaha3

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →