Hramadstva3333

Paźniak padtrymaŭ Sachaščyka: Napieradzie pieramoha Ukrainy i vyzvaleńnie Biełarusi

Kiraŭnik Kansiervatyŭna-chryścijanskaj partyi BNF Zianon Paźniak rezka vykazaŭsia suprać krytyki siabra Abjadnanaha pierachodnaha kabinieta pry Śviatłanie Cichanoŭskaj padpałkoŭnika Valeryja Sachaščyka za najaŭnaść u jaho rasijskaha pašparta. Na dumku Paźniaka, jak «śviedčańnie jaho «paviazanaści» z rašaj» hety fakt nikčemny.

Paźniak piša:

«Ludzi, jakija adpadajuć, admaŭlajucca i vychodziać preč z režymnaj sistemy, jak praviła, zaznajuć pieraśled z boku sistemy, časam vielmi žorstki…

Padpałkoŭnik Valery Sachaščyk staŭ dysidentam sistemy, ale šlejf sistemy budzie ciahnucca za im i dušyć śviedčańniem paviazanaści ź jaje isnavańniem».

Toje, što KDB «praz padstaŭnych asobaŭ» vykłaŭ u internet fotakopiju rasijskaha pašparta Sachaščyka, pavodle Paźniaka, nie śviedčyć pra jaho suviazi z Rasijaj. Jon ličyć, što śviedčańnie heta «nikčemnaje, maje svajo tłumačeńnie (zvyčajna «viažuć» kryvioj, karupcyjaj, viarboŭkaj śpiecsłužbaŭ dy hrašyma)».

Nikčemny i «verchał, usčaty ŭ ŚMI i ŭ sacyjalnych sietkach», i vykładzienyja zdymki Sachaščyka ŭ niekatorych situacyjach, jakija padalisia karystalnikami interneta pikantnymi: «to jon staić pad partretam prezidenta Bašara Asada i hanarycca zdymkam, to ŭ hrupie budaŭnikoŭ svajoj budaŭničaj firmy i paviedamlaje, što firma pabudavała hmach Instytuta FSB u Kalininhradzie, to jon sfatahrafavany ź niejkaj žančynaj na rukach (u sapraŭdnaści heta jaho žonka) i h. d.»

«Nie paviedamili tolki jašče, što jon byŭ idejnym kamunistam i členam KPSS (ź jakoj raźvitaŭsia, darečy, za paŭhoda da putču)», — iranizuje Paźniak.

Jon pierakanany:

«Usio nakiravana na toje, kab stvaryć uražańnie, što Sachaščyk nie parvaŭ z rašyscka-łukašysckaj sistemaj, što daviarać jamu nielha, hladzicie, maŭlaŭ, biełarusy «bud́tie bditielny» — kłapocicca hebjo». 

Paźniak vyłučaje adrazu niekalki schavanych pryčyn režymnaj ataki na padpałkoŭnika Sachaščyka.

«Pieršaja — heta jaho prafiesijnaja funkcyja ŭ stvareńni adździełaŭ Biełaruskaha vyzvolnaha vojska.

Druhaja — heta padtrymka antyvajennaj, antyakupacyjnaj pazicyi Sachaščyka z boku majoj asoby jak siabra BNS nacyjanalna-vyzvolnaha ruchu «Volnaja Biełaruś» (što zvyčajna napružvaje antybiełaruski režym).

Treciaja pryčyna vynikaje z matyvacyi ŭzbudzić niepryniaćcie asoby Sachaščyka ŭ asiarodździ biełarusaŭ nacyjanalna-vyzvolnaha ruchu.

Čaćviortaja pryčyna (badaj što, hałoŭnaja) abhruntavanaja matyvacyjaj uzbudzić niedavier da asoby padpałkoŭnika Valeryja Sachaščyka va Ukrainie i va ŭkrainskaha kiraŭnictva, bo jakraz tam, va Ukrainie, možna farmavać biełaruskija vajennyja adździeły i zmahacca z rašysckim akupantam u šerahach ukrainskaj armii».

Lidar KCHP admysłova źviartaje ŭvahu na tyja pakuty i ciažkaści, jakija cierpić Sachaščyk za svaju dysidenckuju pazicyju:

«Vialikaje napružańnie. Padvodzić zdaroŭje. Pajechać u Biełaruś ratavać baćkoŭ — niemahčyma. Tam čakaje turma albo pa kryminalnym łukašysckim zakonie — rasstreł».

Tym nie mienš, jon vykazvaje ŭpeŭnienaść, što niahledziačy ni na jakija ciažkaści «łukašyscka-rašysckaj ahientury nie ŭdasca zabłakavać inicyjatyvu pa stvareńni adździełaŭ Biełaruskaha vojska. Napieradzie pieramoha Ukrainy i vyzvaleńnie Biełarusi».

Čytajcie taksama:

«Kiejs Sachaščyka»: a kolki jašče pałkoŭnikaŭ i hienierałaŭ biełaruskaj armii majuć pad paduškaj rasijski pašpart? 

Śpiecsłužby pry pieratrusie znajšli ŭ Sachaščyka rasijski pašpart. Jak heta tłumačyć sam aficer?

Kamientary33

  • Za dakładnaść !
    16.09.2022
    Što ty spadar Paźniak takoje lepiš? Nie, ja nia suprać, chaj tak, ale, dziela dakładnaści, Babaryka vyjšaŭ z systemy (a jon u systemu i nie ŭvachodziŭ), i systema, jak ty j kažaš, luta adpomściła ŭ adkaz. Ale, u vypadku z Babarykam, u ciabie zusim inšyja epitety hučali. Čamu ? Tamu, što jon cierpić pakuty j ciažkaści nie za dysydenckuju dziejnaść, jak Sachaščyk ? Paśladoŭnaści tabie, sp. Paźniak, nie staje, dy j nia tolki jaje...
  • Jan Norman
    16.09.2022
    Za dakładnaść !, Kali užo być całkam dakładnym,to treba nahadać,što asnoŭnaje pytańnie pa Babaryku-jaho šmathadovaje znachodžańnie u systiemie Hazpram- HB-AP RF.Ci vyjšaŭ jon z HETAJ systemy?Vy upeŭnieny?)A "luta pomścić" jamu zusim druhaja systema i usim heta dobra zrazumieła.Nu,prynamsi,tym chto zdolen ubačyć jak niemudrahielista vy vykarystoŭvajecie pryjomy elemientarnaj demahohii u sprečcy.
  • Tak
    16.09.2022
    Całkam słušna. Paźniak jak zaŭsiedy maje raciju!

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Papularny polski treveł-błohier raskazaŭ pra svaju pajezdku ŭ Biełaruś i daŭ parady18

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki16

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →