Hramadstva1313

Byłoha maładafrontaŭca spačatku dapytvali siłaviki ŭ Minsku, a ciapier BT zastupajecca za jaho ŭ siužetach

U dziŭnyja historyi apošnim časam traplaje były maładafrontaviec Arciom Dubski. Abzyvaje ŭkraincaŭ banderaŭcami, zastupajecca za Rasiju ŭ vajnie, a ŭ siužetach BT fihuruje jak achviara. Ale pra ŭsio pa paradku.

Fota: Radyjo Svaboda

U siaredzinie 2000-ch Arciom Dubski ŭznačalvaŭ supołku Maładoha Frontu ŭ Asipovičach. Byŭ fihurantam hučnaj spravy «14-ci» — tady moładzievych aktyvistaŭ sudzili za ŭdzieł u mitynhu pradprymalnikaŭ u Minsku. Niejki čas Dubski žyŭ va Ukrainie.

Paśla viartańnia ŭ Biełaruś trapiŭ u turmu, a ŭ 2010-m znoŭ viarnuŭsia va Ukrainu. Uvosień u kvatery, dzie jon žyŭ, adbyŭsia vobšuk. Ukrainskija siłaviki šukali narkotyki i zbroju. U vyniku Dubskaha adpuścili biez vystaŭleńnia abvinavačańnia. Paśla ŭ 2011-m jon źjechaŭ žyć u Polšču.

Dniami na BT pakazali siužet, u jakim raskazali, što Arcioma Dubskaha «aryštavali ŭ Polščy za krytyku pošty» i pakazali staroje videa (jaho zdymaŭ hod tamu sam Dubski), dzie jon atrymlivaŭ pasyłku ź Biełarusi. 

U toj pasyłcy byli cukierki i dva pački kalmaraŭ. Jaje jamu dasłała siastra na minuły dzień naradžeńnia — 1 kastryčnika 2021-ha. 

«Časam lublu papić piva z kalmarami, biez fanatyzmu, viadoma. Nie było, dzie nabyć, tamu vysyłali ź Biełarusi. Rolik zdymaŭ pra toje, jak supracoŭniki pošty dvojčy naličvajuć dziaržpošlinu za tavar. Videa dla siužeta BT, vidać, jany ŭziali zaraz. Im heta zručna. Kali b ja zvarjacieŭ, vyskačyŭ na bałkon i kryčaŭ, što Łukašenka małajčyna, to jany b taksama heta apublikavali», — kaža jon. 

Dubski zapeŭnivaje, što z žurnalistami BT nie kamunikuje, a jany sami biaruć infarmacyju ź jaho błohu, jakaja ŭpisvajecca ŭ ich naratyvy.

Chłopiec tłumačyć, što za kanflikt u jaho byŭ z poštaj. Jon pajšoŭ zdymać supracoŭnikaŭ pošty paśla taho, jak niejki padpisčyk paskardziŭsia na ich chamstva. 

«Ja zajšoŭ na poštu, papiaredziŭ achoŭnika, što zaraz budu zdymać. Jon vyklikaŭ palicyju. U mianie pravieryli dakumienty, skazali, što ja ničoha nie parušaju, i źjechali. Paśla hetaha ja spyniŭ zdymać, pajšoŭ na vychad. Pryjechali dvoje ŭ cyvilnym, ich vyklikała načalnica hetaj pošty, jany pakłali mianie tvaram u padłohu, aščaślivili dvuma štrafami sumarna na 1000 złotych. Pieršy nibyta za admovu pakazać dakumienty, a druhi nibyta za admovu vyjści z pamiaškańnia i spynić zdymku.

Paśla taho, jak adpuścili, ja źniaŭ paboi. Palicyjanty pieravysili svaje paŭnamoctvy. Ale im ničoha za heta nie było. Pacichu Polšča stanovicca Biełaruśsiu na minimałkach», — davodzić svaju viersiju Dubski.

Vyniesieny štraf Dubski vyrašyŭ abskardzić. U vyniku jaho jamu zamianili aryštam — 15 sutak. 

«26 vieraśnia mnie zahadana pryjechać i adbyć aryšt. U sam sud mianie navat nie vyklikali, a prosta potym pastavili pierad faktam», — kaža jon. 

Dakumient, u jakim napisana, što Arciom Dubski pavinien adbyć aryšt

U mai Dubski jeździŭ u Biełaruś da svajakoŭ — paśla toj pajezdki ŭ mnohich uźnikli pytańni. Jak chłopiec akazaŭsia ŭ dvoryku KDB, što jon tam rabiŭ, čamu jaho adpuścili paśla zatrymańnia? Chłopiec apisvaje ŭsio tak:

«Zatrymali ŭ staličnym handlovym centry za toje, što ja nibyta admoviŭsia vykonvać zakonnyja patrabavańni supracoŭnika milicyi. Pryvieźli mianie ŭ dvoryk KDB. Chacia ŭ pratakole napisali, što ja sam nibyta tudy pryjšoŭ. Kali mianie adtul vypuścili, to pobač špacyravaŭ milicyjant, jaki zajšoŭ u dvoryk i paprasiŭ mianie pakazać telefon na najaŭnaść padpisak na ekstremisckija pabliki, a ja jaho nibyta pasłaŭ, pačaŭ zryvać ź jaho furažku. Voś takuju historyju jany napisali. 

Nasamreč jany zatrymali mianie paŭtorna 12 maja, za mnoj sačyli, stajali pad domam. Siłaviki šmat pra mianie viedali, ale nie mahli pavieryć, što ja pryjechaŭ u Biełaruś prosta tak. A tak i było. Kali b u ich była choć jakaja-niebudź začepka, što mnie možna pradjavić, ja b z sutak nie vyjšaŭ».

Pastanova suda ŭ dačynieńni da Arcioma Dubskaha, zhodna ź jakoj jamu dali 15 sutak

U noč z 12 na 13 maja, pa słovach Dubskaha, jamu stała drenna z sercam. Jaho zabrała chutkaja dapamoha i adviezła ŭ balnicu chutkaj dapamohi. 

«Paśla taho, jak vyjechaŭ ź Biełarusi, pravaabaroncy prapanavali padlačycca ŭ sanatoryi ŭ Litvie. U toj momant, kali ja prachodziŭ reabilitacyju, u niekatorych pablikach stali pisać, što ja nie na sutkach siadzieŭ, a z kadebešnikami harbatu piŭ», — raskazvaje jon.

Paru miesiacaŭ tamu ahałosku atrymała videa z Dubskim, dzie jon abzyvaje banderaŭcami ŭkraincaŭ, jakija pryjšli da pomnika savieckim sałdatam u Varšavie pratestavać suprać udziełu rasijskaha pasła va ŭračystaściach z nahody 9 Maja. «Vam nie soramna stajać z hetym nacyzmam?» — kazaŭ jon žančynie, jakaja trymała ŭkrainski ściah.

Dubski adkazvaje tym, chto abvinavačvaje jaho ŭ ckavańni ŭkraincaŭ. 

«Ujavicie, nakolki hłyboka ja pavinien byŭ razabracca ŭ pytańni, kolki ŭbačyć, kab pamianiać svaje pohlady, jakija byli 12 hadoŭ tamu [kali byŭ u Maładym Froncie], na tyja, jakija maju zaraz.

Nakont ukraincaŭ ja byŭ by rady źmianić svajo mierkavańnie, ale prablema tolki ŭ tym, što jość nacyki, jakija siudy pryjazdžajuć. Ja sutykaŭsia z takimi ludźmi», — śćviardžaje jon. 

Dubski nie ličyć, što Rasija napała na Ukrainu.

«Ciapier pačynajecca vajna, da hetaha momantu była śpiecapieracyja, — sprabuje pierakanać jon. — Uschod Ukrainy zaŭsiody byŭ prarasijskim, ale prablema ŭ tym, što Ukraina ŭ dadzieny momant niejkaja nacysckaja dziaržava.

Liču, što Rasija nie napała na Ukrainu: 22 lutaha Pucin padpisaŭ zakon ab pryznańni «DNR» i «ŁNR», 23 čysła jon uvioŭ vojski na terytoryi pryznanych im dziaržaŭ. Dalej pačalisia abstreły. I voś tady było pryniataje rašeńnie iści dalej da Kijeva». 

U fejsbuku zhadvajuć, što da Dubskaha byli pytańni i ŭ časy jaho aktyvizmu ŭ Maładym Froncie, ale «tady było nie pryniata kazać drennaje pra svaich». Ivan Šyła napisaŭ pra abstaviny suda, jaki byŭ u Asipovičach u 2009 hodzie.

«Paklikali dypłamataŭ, žurnalistaŭ, pryjechali ludzi z usioj krainy, a Dubskaha sudzili za kradziež telefona. Voś taki palitviazień, hańba dla MF i šok dla ŭsich prysutnych u zale», — uspaminaŭ Šyła. 

Čytajcie taksama: 

Byłoha maładafrontaŭca ŭ Varšavie vinavaciać u pracy na Rasiju. Sam jon śćviardžaje, što «vykazvaje mierkavańnie»

Palitviaźniu Arsieniju Dziadku prysudzili try hady «chimii»

KDB unios u «śpis terarystaŭ» jašče 15 čałaviek, bolšaść ź jakich — palitviaźni

Kamientary13

  • daviedka
    18.09.2022
    Niečieho było puhať polskije słužby biezopasnosti posyłkoj iz konfiet "Minskij hriljaž" fabriki "Kommunarka".
  • daviedka
    18.09.2022
    Šioł na vstrieču s kuratorom, no zabłudiłsia vo vnutrieńniem dvorikie cientralnoho apparata KHB... S kiem nie byvajet.
  • Tekla
    18.09.2022
    Čtoby privlekli k otvietstviennosti v Polšie, nado diejstvitielno sovieršať tam kakoje-to sieŕjoznoje pravonarušienije ili priestuplenije. Nie vieriu v viersiju Dubskoho o sobytijach, proizošiedšich s nim v Polšie

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Usie naviny →
Usie naviny

Apple moža zdać pryvatnyja danyja ŭsich svaich karystalnikaŭ u śviecie śpiecsłužbam Vialikabrytanii. Heta moža stać niebiaśpiečnym precedentam4

Nieabchodnyja hrošy na patreby Paliny Šarendy-Panasiuk sabrali za niekalki hadzin5

Tramp zapatrabavaŭ zakryć USAID za «karupcyju»8

Naščadki hotaŭ i fina-vuhraŭ navat bolš, čym mierkavałasia. Što nasamreč u hienach biełarusaŭ i litoŭcaŭ?46

Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna1

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

bolš čytanych navin
bolš łajkanych navin

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Hałoŭnaje
Usie naviny →

Zaŭvaha:

 

 

 

 

Zakryć Paviedamić