Z «Biełsata» syšła televiadučaja Alina Koŭšyk — tvar telekanała
Žurnalistka Alina Koŭšyk raźvitvajecca z «Biełsatam» paśla 15 hadoŭ pracy.
«Hetaja praca navučyła mianie nie paddavacca, być miehaadkaznaj, stvarać kamandy i davodzić idei da kanca. Žyć na adrenalinie, jak u žyvym efiry, i samaaddana pracavać», — napisała ŭ fejsbuku televiadučaja.
Alina Koŭšyk raskazała «Našaj Nivie», što «syšła pa pahadnieńni bakoŭ z ułasnaj inicyjatyvy».
Dzialicca svaimi płanami televiadučaja pakul nie stała.
«U chutkim časie zmahu paviedamić usie detali», — adkazała jana.
Alina Koŭšyk była viadučaj mižnarodnaj prahramy «PraŚviet», aŭtarkaj idei pieršaha kulinarnaha šou na Biełsacie «Ja nie budu heta jeści».
Raniej jana taksama pracavała ŭ «Abjektyvie» i «Studyi Biełsat». U prahramie «54%» pakazvała śviet vačyma žančyn.
Koŭšyk taksama źjaŭlajecca suzasnavalnicaj Centra biełaruskaj salidarnaści ŭ Varšavie.
Kamientary