«Usie pakinuli pazicyi — i PVK, i zvyčajnaja armija, SACHR, AMAP». Rashvardziejec raspavioŭ pra ŭcioki rasijan z Bałaklei
Vydańnie «Fortanha» apublikavała apovied bajca 126-ha pałka Rashvardyi (v/č 3718, Nazrań), jaki znachodziŭsia ŭ Bałaklei padčas nastupu USU i zdoleŭ vyrvacca z horada. Asabistyja źviestki vajskoŭca vydańnie nie raskryvaje. Viadoma, što jon ź Inhušecii.
Rashvardiejec raspavioŭ vydańniu, što kali USU ŭvajšli ŭ horad, adbyłasia pierastrełka. «Potym nam paviedamili, što jany [USU] ŭziali horad u kalco i akružyli jaho. My vyrašyli praryvacca, kali zahiniem — zahiniem, tam zastavacca było nielha», — paviedamiŭ jon.
Pavodle surazmoŭcy vydańnia, jon z kalehami praryvalisia z Bałaklei na dvuch KAMAZach i adnym BTR.
«Bolš naohuł ničoha. Usiu našu techniku padbili ŭkraincy, u tym liku mašyny z našymi rečami i bojeprypasami», — skazaŭ jon.
Nočču (mabyć, havorka pra noč z 8 na 9 vieraśnia — Red.), jany pajšli na praryŭ.
U adnym KAMAZie, ź jahonych słoŭ, siadzieli dva kabardzincy — Chazraił Temižaŭ i Amir Kardanaŭ. «Jany źnikli, i my nie viedajem, što ź imi adbyłosia. Taksama ŭ nas niama navin pra ekipaž BTR», — raspavioŭ jon.
KAMAZ, u jakim jechaŭ jon sam, nie prajechaŭ i kiłamietra — pa jaho słovach, ukraincy kinuli «vožyka» pad koły.
«Jany stralali pa nas ź minamiotaŭ, my adstrelvalisia. U vyniku praź niejkija vioski i pali my vyjšli da bałota, pierajšli praź jaho i pieranačavali ŭ lesie», — raspavioŭ rashvardiejec.
Pavodle jaho słoŭ, pierad nastupam USU ŭ horadzie zastavalisia niekalki rasijskich pałkoŭ, u tym liku i jahony.
«Usie pakinuli pazicyi — i PVK, i zvyčajnaja armija, SACHR, AMAP. Jany [USU] prosta chłynuli ŭ horad, zachapili jaho, viedajučy, što mnohija adtul vyjšli. My vychodzili z horada apošnimi, adstrelvajučysia ad ich», — raspavioŭ surazmoŭca vydańnia.
9 vieraśnia «Fortanha» — vydańnie, jakoje piša pra žyćcio Inhušecii, paviedamlała, što tolki padčas bajoŭ za Bałakleju zahinuli troje inhušoŭ z 126-ha pałka Rashvardyi (v/č 3718, Nazrań). U śpisie paranienych — 16 čałaviek.
U chodzie nastupu, raspačataha 6 vieraśnia, USU ŭdałosia vyzvalić Bałakleju, Izium, Kupiansk — bolš za 40 nasielenych punktaŭ Charkaŭskaj vobłaści. Była vyzvalena značnaja častka terytoryj, akupavanych paśla 24 lutaha.
U Minabarony RF adstupleńnie svajoj armii patłumačyli rašeńniem «pierahrupavać rasijskija vojski na Daniecki kirunak».
Čytajcie taksama:
«My dumali, u Rasii ŭsio haŭnianaje, ale armija… A jana taksama akazałasia haŭnom». Što ŭ biełaruskaj armii havorać pra vajnu
Bajcy biełaruskaha bataljona «Teror» šturmam uziali vyšyniu «Makdonalds» na Chiersonščynie. Raniej jaje sprabavali ŭziać piać razoŭ
Chto taki Alaksandr Syrski, kamandujučy ukrainskim nastupam pad Iziumam
Pa pravuju ruku ad Łukašenki — Kola, pa levuju — Naścia Kazyryckaja. Nahadvajem, chto jana takaja2
Kamientary