Hramadstva

Možna zrabić pamyłki ŭ 6 zadańniach z 14 i ŭsio roŭna atrymać 10 bałaŭ. Jaŭhien Liviant krytykuje škału adznak na centralizavanym ekzamienie

«Poŭny absurd» — viadomy piedahoh i repietytar Jaŭhien Liviant u fejsbuku raskazaŭ pra novuju škału pieravodu adznak z centralizavanaha ekzamiena ŭ atestat.

Jaŭhien Liviant

Ministerstva adukacyi Respubliki Biełaruś apublikavała pastanovu «Ab atestacyi navučencaŭ pry zasvajeńni źmiestu adukacyjnych prahram ahulnaj siaredniaj adukacyi». Joju zaćvierdžanyja praviły praviadzieńnia atestacyi navučencaŭ pa zasvajeńni imi adukacyjnych prahram ahulnaj siaredniaj adukacyi, a taksama apublikavanaja instrukcyja pa arhanizacyi i praviadzieńni centralizavanaha ekzamienu, jaki pryjdzie na źmienu CT.

Padrabiaznaściej nakont praviadzieńnia centralizavanaha ekzamienu (CE) stała viadoma nie šmat. Naprykład, toje, što, zhodna ź instrukcyjaj, jon budzie pravodzicca ŭ adzinyja terminy, jakija štohod budzie ŭstanaŭlivać Ministerstva adukacyi, mietadyčnaje i arhanizacyjnaje praviadzieńnie CE budzie zabiaśpiečvać Respublikanski instytut kantrolu viedaŭ (RIKV), jak i niekatoryja inšyja arhanizacyjnyja momanty.

U dakumiencie 168 staronak. U samym kancy dakumienta — na staroncy 166 — znachodziacca tablicy pieravodu bałaŭ CE sa 100-balnaj škały, pa jakoj aceńvajecca CE, u adznaku pa 10-balnaj škale. Mienavita pa 10-balnaj škale hetaja adznaka budzie ŭniesienaja ŭ školny atestat jak ekzamienacyjnaja za kurs škoły.

Jaŭhien Liviant raspaviadaje, što ŭ CT pa matematycy (pra CE pakul ničoha nie viadoma) 32 zadańni — 18 zadańniaŭ častki A z vybaram adkazu i 14 bolš składanych častki B, dzie adkaz treba ŭpisać.

«Takim čynam, adznaka 10 za ekzamienacyjnuju rabotu pa matematycy stavicca, kali vučań nabraŭ 77 — 100 bałaŭ na CE. Kab nabrać 77 bałaŭ, možna zrabić pamyłku ŭ 6 zadańniach z 14 u častcy V i ŭsio roŭna atrymać 10 bałaŭ.

Na moj pohlad, poŭny absurd adnolkava aceńvać pracu biez pamyłak abo z 1—2 pamyłkami i pracu z 5—6 pamyłkami.

Adznaka 9 za ekzamienacyjnuju rabotu pa matematycy stavicca, kali vučań nabraŭ 64—76 bałaŭ na CE. Kab nabrać 64 bały, možna zrabić pamyłki ŭ 12 zadańniach z 14 u častcy V i ŭsio roŭna atrymać 9 bałaŭ. Na moj pohlad, 64 bały — heta nižniaja miaža, pry jakoj abituryjentu maje sens pastupać u VNU.

Adznaka 8 za ekzamienacyjnuju rabotu pa matematycy stavicca, kali vučań nabraŭ 55—63 bały na CE. Kab nabrać 55 bałaŭ, možna zrabić pamyłki va ŭsich 14 zadańniach u častcy V i jašče ŭ 3 zadańniach z 18 u častcy A, i ŭsio roŭna atrymać 8 bałaŭ. Na moj pohlad, 55 bałaŭ — heta vynik vučnia, jaki skončyŭ vyvučeńnie matematyki ŭ 8 ci 9 kłasie.

Adznaka 7 za ekzamienacyjnuju rabotu pa matematycy stavicca, kali vučań nabraŭ 46—54 bały na CE. Kab nabrać 46 bałaŭ, možna zrabić pamyłku va ŭsich 14 zadańniach u častcy V i jašče ŭ 9 zadańniach častki A, i ŭsio roŭna atrymać 7 bałaŭ.

Na moj pohlad, 46 bałaŭ — heta vynik «cichaha troječnika», jaki nie prasunuŭsia ŭ aznajamleńni z matematykaj dalej za 8 kłas.

Adznaka 6 za ekzamienacyjnuju rabotu pa matematycy stavicca, kali vučań nabraŭ 38—45 bałaŭ na CE. Kab nabrać 38 bałaŭ, možna zrabić pamyłku va ŭsich 14 zadańniach u častcy V i jašče ŭ 11 zadańniach častki A, i ŭsio roŭna atrymać 6 bałaŭ.

Taki vučań maje niekatoryja ŭjaŭleńni ab aryfmietyčnych dziejańniach i hieamietryčnych fihurach.

Adznaka 5 za ekzamienacyjnuju rabotu pa matematycy stavicca, kali vučań nabraŭ 29—37 bałaŭ na CE. Kab nabrać 29 bałaŭ, možna zrabić pamyłki va ŭsich 14 zadańniach u častcy V i jašče ŭ 13 zadańniach z 18 u častcy A, i ŭsio roŭna atrymać 5 bałaŭ. Biez kamientaryjaŭ», — tłumačyć sistemu pieravodu adznak sa 100-balnaj sistemy ŭ 10-balnuju.

Liviant dadaje, što ŭsie raźliki pryvodzić, zychodziačy ź sistemy raźliku bałaŭ na CT 2022 hoda.

«Naohuł, dziŭnym faktam źjaŭlajecca toje, što sistema raźliku adznak na adzinym ekzamienie ŭžo jość, a pra strukturu i źmiest ekzamienu ničoha nie viadoma. U takoj situacyi vyniki ekzamienaŭ možna ličyć i jak u lubimym ź dziacinstva multfilmie — u papuhajach, martyškach abo słanianiatach. I jak my pamiatajem, «u papuhajach ja značna daŭžejšy», — iranizuje viadomy piedahoh.

Jon miarkuje, što fiłołahi taksama nie buduć u zachapleńni ad škały, i prychodzić da vysnovy, što, vidać, u Ministerstvie adukacyi ŭ kursie realnaha ŭzroŭniu školnych viedaŭ vypusknikoŭ, jakija zusim nie adpaviadajuć ich bravurnym spravazdačam.

«Teatr absurdu». Viadomy repietytar vykazaŭsia pra školnuju formu

Los CT vyznačać da kanca hetaha hoda. Sama jaho struktura taksama moža źmianicca

Jaŭhien Liviant: Ustupnaja kampanija pravalenaja, panabirali «troječnikaŭ» 

Kamientary

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →