Vajna11

«Rasstralać čorta!» U Rasii apublikavali karty ŭkrainskaha nastupu pad Bałaklejaj

Rasijskaje prakramloŭskaje vydańnie Readovka apublikavała kartu nastupalnaj apieracyi Uzbrojenych siłaŭ Ukrainy. Z karty vynikaje, što ŭkrainskija vojski 6 vieraśnia nanieśli adnačasova čatyry ŭdary. 

Udar numar 1 byŭ naniesieny z boku nasielenaha punktu Pryšyb. Ukrainskija vojski, miarkujučy pa karcie, prarvali abaronu rasijskaj armii ŭ rajonie Pryšyba, vyzvalili važny vuzieł daroh Vołachaŭ Jar, Siamionaŭku i za dva dni padyšli da pasiołka haradskoha typu Šaŭčenkava.

Heta vysokija tempy praryvu, pa pierasiečanaj miascovaści vojski za dva dni prajšli bolš čym 30—40 kiłamietraŭ.

Ukrainskaje kamandavańnie, miarkuje rasijski resurs, naniesła ŭdar nie pa samym karotkim šlachu, a hłyboka ŭ abychod. Ukraincy spačatku stvaryli pahrozu Bałaklei, što vyklikała paniku ŭ rasijan, i pakul praciŭnik ratavaŭ paŭakružanuju hrupoŭku, hałoŭnyja siły USU ŭdaryli ŭ kirunku na Šaŭčenkava.

Šaŭčenkava — heta klučavy vuzieł kamunikacyj, kantrol nad jakim razrazaje ŭvieś hety rajon na častki. Vyzvaleńnie Šaŭčenkava budzie aznačać apieratyŭnaje akružeńnie Iziumskaj hrupoŭki, a vychad na Kupiansk zmusić jaje adstupać pa inšym bierazie raki Askoł.

Dla papiaredžańnia kontrataki rasijskich vojskaŭ z rajona Iziuma, ukrainskija vojski, miarkujučy pa rasijskich danych, vyjšli ŭ rajon vioski Bryhadziraŭka. Hety ŭdar pahražaje bolš hłybokim zachopam hrupoŭki ŭ Bałaklei, bo ad Bryhadziraŭki zručnaja trasa idzie prosta na siało Viasiołaje ŭ tył Iziumu.

Udar numar 2. Łabavaja ataka z rajona Čkałaŭski na Šaŭčenkava.

Dapamožny ŭdar, jaki skavaŭ abaronu Šaŭčenkava i nie dazvoliŭ vorahu arhanizavana adstupić da samoha horada.

Udar numar 3 byŭ naniesieny z rajona Pryšyba paŭnočniej Bałaklei. Udar vykanaŭ dźvie zadačy — stvaryŭ pahrozu zachopu Bałaklei, uvioŭ u zman rasijskaje kamandavańnie adnosna sapraŭdnaj mety praryvu i adnačasova zakryŭ fłanh udarnaj hrupoŭki, jakaja atakuje Šaŭčenkava.

Hetym udaram ukrainskija vojski vyzvalili Viarboŭku, Jakaŭleŭku i zaniali paŭnočnuju ŭskrainu Bałaklei, dzie raźmieščany były arsienał USU. Tam vialikaja kolkaść nadziejnych bunkieraŭ, jakija mohuć abaranić značnuju kolkaść vojskaŭ ad abstrełaŭ. Kali heta tak, to značyć, jak pišuć mnohija rasijskija krynicy, heta pa sutnaści aznačaje apieratyŭnaje akružeńnie Bałaklei.

Udar numar 4 byŭ naniesieny z rajona Bajrak i Husaraŭka na Novuju Husaraŭku i paŭdniovuju ŭskrainu Bałaklei.

Heta druhaja paŭdniovaja klušnia akružeńnia Bałaklei. Miarkujučy pa rasiejskich danych, ukrainskija vojski vyjšli da trasy Bałakleja — Savincy, a mahčyma, užo zaniali i sami Savincy, a heta aznačaje, što, jak minimum, źjaŭlajecca mahčymaść ahniavoha kantrolu nad adzinaj mahistrallu zabieśpiačeńnia rasijskich vojskaŭ.

Učora ŭkrainskija ŚMI pakazali videa źbićcia rasijskaha samalota pad Vołachavym Jaram, a taksama kadry z pałonnymi rasijskimi vajskoŭcami — pieravažna mabilizavanymi na akupavanych terytoryjach.

Rasijskija błohiery paviedamlajuć, što sama Bałakleja zastajecca pad kantrolem rasijan i što rasijskim desantnikam udałosia spynić ukrainskija vojski na podstupach da Šaŭčenkava. Adnak jany pryznajuć składanaść situacyi dla rasijskaj abarony kala Savincaŭ.

U rajonie Iziuma Zachodniaja vajskovaja akruha zasiarodziła cełuju ahulnavajskovuju armiju, rasijanie śpiešna pierakidvajuć reziervy z-pad Charkava i z Danbasa, pakolki situacyja dla rasijskaha vojska skłałasia pa-sapraŭdnamu krytyčnaja.

Ukrainski Hienštab nijak nie kamientuje situacyi. U toj ža čas u šavinistyčnych rasijskich resursach množacca zakliki pakarać śmierciu kamandujučaha hrupoŭkaj «Zachad» hienierał-lejtenanta Andreja Syčavoha za pravał pad Bałaklejaj. «Kaźniť čorta!», «Rasstrielajtie jeho na*** b*** za našych pacanoŭ» — takija kamienty šavinistyčnaj aŭdytoryi.

Kamientary1

  • Otož!
    08.09.2022
    Povyšiennym zadymlenijem kormovoj časti ruskich okkupantov dovolen! Bavovna vam na vsie vaši hołovy!

Dar‘ja Łosik vyjšła na svabodu pa pamiłavańni8

Dar‘ja Łosik vyjšła na svabodu pa pamiłavańni

Usie naviny →
Usie naviny

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

Staršynia Hienštaba Vialikabrytanii zajaviŭ, što jość tolki try hady, kab padrychtavacca da vajny z aljansam dyktatur7

Mašynu namieśnika načalnika vajskovaj čaści ŭzarvali ŭ Maskvie. Vajskoŭcu adarvała stupni2

U Trampa byŭ efiektyŭny kozyr suprać Bajdena. Ciapier jon moža viarnucca bumieranham 3

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni8

Dar‘ja Łosik vyjšła na svabodu pa pamiłavańni

Hałoŭnaje
Usie naviny →